Eraldatu giza baliabideen inguruko zure kudeaketa Adimen Artifizial Sortzailearekin: SPRIren Barnetegi Teknologikoaren proposamen berria
Gaur egun, inoiz baino gehiago, eraldaketa digitala enpresen hazkundea eta lehiakortasuna lortzeko gakoa da. Etengabe aldatzen ari den ingurunean, teknologia berriekin eguneratuta egoteko beharra ezinbestekoa dela esan dezakegu. Barnetegi teknologikoak, 2007an sortu zirenetik, Euskadiko enpresetako zuzendari eta arduradunentzako prestakuntza aurreratuko erreferente bihurtu dira. Jardunaldi trinko horiek talde txikientzako diseinatu ohi dira isolatutako inguruneetan, eta parte-hartzaileak teknologia berritzaileenetan sentsibilizatzea eta trebatzea lortu dute. Gainera, prestakuntza-saio horiek erakundeek beren digitalizazio-prozesuan funtsezkoak diren erabaki estrategikoak hartzeko lagungarriak dira.
(Des)konektatzeko eta erabaki estrategikoak hartzeko egun bat
Topaketa horien formatua denbora maximizatzeko eta erakundeetan benetako inpaktua sortzeko pentsatuta dago. 8 orduko saio trinkoak dira, isolatutako inguruneetan garatzen direnak (landa-hoteletan, adibidez), 10 eta 15 pertsona arteko taldeetan. Modalitate horri esker, parte-hartzaileek EIKTen (Elektronika, Informazioa eta Komunikazioaren Teknologiak) inguruko ezagutzak eskuratzeaz gain, teknologia horiek beren erakundeak nola eralda ditzaketen aztertu ahal izateko gogoeta egin dezakete.
Gainera, ikuspegi praktikoak, “learn by doing” (eginez ikastea) metodologian oinarritutakoak, ziurtatzen du parte-hartzaileek kasu errealetan eta adituen gainbegiradapean lan egitea.
Urte hauetan guztietan, 642 Barnetegi Teknologiko egin dituzte eta horietan 7.154 lagunek hartu dute parte. Horrek agerian uzten du prestakuntza-metodologia honek onarpen handia duela. Parte-hartzaile askok nabarmendu dutenez, esperientzia «tresna zoragarria» da eta «prestakuntza-metodologia oso interesgarria» dela aipatu dute. Horrekin lotuta, eduki konplexuak irisgarri bihurtzeko trebatzaileek duten gaitasuna azpimarratu nahi izan dute.
Berritasuna! Giza baliabideetarako Adimen Artifizial Sortzailea
Aurten, SPRIk modu espezifikoan giza baliabideetako eta talentuaren kudeaketako profesionalei bideratutako Barnetegi Teknologiko berria jarri du abian. Adimen Artifizial Sortzailean (AAS) oinarrituta, prestakuntza berritzaile honen helburua da giza baliabideetako sailei teknologia horren abantailak hurbiltzea, funtsezko tresna baita honako prozesu kritiko hauetan, besteak beste: langileak erakartzea, hautatzea eta talentua kudeatzea. Hala, Barnetegira joaten direnek AASko tresna aurreratuak ezartzen ikasiko dute, gero beren prozesuak optimizatu ahal izateko. Horren bidez, haien erakundean eraginkortasuna eta erabaki estrategikoen kalitatea hobetuko dute.
Erronka teknologiko berrietara egokitzearen garrantzia
Prestakuntza hau eraldaketa digitalaren abangoardian egon nahi duten zuzendari eta gerenteentzako aukera bikaina da. Giza baliabideetan Adimen Artifizial Sortzailearen inguruko ikuspegi berri hori gehituta, erakundeen barruan horren kritikoa den arloan behar teknologikoen gaia jorratzeko eskaintza handituko dugu. Gai horietako batzuk dira hauek: Ikusmen Artifiziala, Zibersegurtasuna, Datuen Analisia eta Informatikariak ez direnentzako Maching Learning-a.
SPRIren Barnetegi Teknologiko batean parte hartzeak egiteko modua eraldatzen, arlo digitalaren inguruko aukerei buruzko gogoeta egiten eta zure erakundean lehiakortasuna hobetzeko tresna horiek nola ezar ditzakezun jakiten hastea esan nahi du. Adimen artifizial sortzailea langileak erakartzeko eta hautatzeko prozesuak eta zure erakundean talentuaren kudeaketa goitik behera alda ditzakeen funtsezko tresna da. Sartu hemen 8 orduko prestakuntza espezializatu berri honi buruzko datu gehiago eskuratzeko. Saioa azaroaren 25ean egingo da Urgoiti jauregian.
Lotutako albisteak
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean
Irudi B2B: 7 urte marketin digital industriala aztertzen bere blogaren bidez
Bere blogaren helburua: ezagutza erabilgarria partekatzea, industriak kanal digitalaren potentziala ahalik eta gehien aprobetxa dezan.
Industria Digitaleko laguntzek zure negozioaren eraldaketa digitala lortzeko bidea irekiko dizute
Industria Digitala 2025 laguntza-programaren aurtengo edizioa martxoaren 18tik irekita, 7.5 milioi €-ko aurrekontuarekin. Euren negozioa digitalki eraldatu nahi duten enpresek urriaren 31era arte aurkez ditzakete euren eskaerak.
Enpresa industrialen eta industria adimendunean espezialistak diren enpresa digitalen arteko elkarlana erraztuko du SPRI Taldeak
Enpresen Networkinga 2025 - Smart Industry kongresuaren 8. edizioa egingo dute martxoaren 26an, Bilbon, eraldaketa digitalari laguntzeko
Logistikari buruz Euskadin egiten den kongresuaren hirugarren edizioa egingo dute BECen
Azoka da iparraldeko eremuan packagingaren, logistikaren eta garraioaren sektoreak biltzen dituen azoka bakarra
Segundu bakoitzak kontatzen du. Ziurtatu zure erreskatea ResQaRrekin
Erreskate-orria formatu digitalean: larrialdi ekipoak, erreskatea modu seguruan egin ahal izateko, behar diren ibilgailuko elementuei buruzko infomazio zehatza eta azkarra.