Enpresen azpiegiturak aldatuko dituzten hamar joera teknologiko
2019an, adimen artifizialaren hedapena, edge computinga eta SaaS-a funtsezkoak izango dira.
Enpresak digital bihurtu ahala, haien azpiegiturek eta eragiketek gaitasun eta estrategia berrietara aurreratu behar dute. Duela gutxi argitaratu ditu Gartner aholkularitza teknologikoko enpresak zein diren enpresen I&A alorretan eragin handiena izango duten 10 joerak. Datozen urteotan, zenbait teknologia aprobetxatu beharko dira (adimen artifiziala, sareko automatizazioa eta muturreko konputazioa, besteak beste) negozioaren premiak asetzeko eta beti “zabalik, erabilgarri eta nonahi” dauden azpiegiturak lortzeko.
Gartnerrek egindako zerrendan, AA da azpiegiturak (gero eta ugariagoak) eraginkortasun handiagoz kudeatzeko tresna nagusietakoa. Dagoeneko enpresen alor askotan ari da eragiten teknologia hori, eta datozen hiru urteotan 3,9 bilioi dolarreko negozio-bolumen orokorra sortuko duela diote iragarpenek. Beste joera nagusietako bat edge computing-a edo muturreko konputazioa dugu. Gauzen Internet hedatu ahala, gero eta hedatuagoa izango da datu-prozesaketa, eta informazioa sortzen eta kontsumitzen den lekuetatik gero eta hurbilago egingo da.
Aldaketa hori dela medio, desagertuz joango dira enpresetako barne data centerak. Aipatutako aholkularitzak dioenez, enpresen % 80k lekuz aldatu edo birtualizatu egingo dituzte beren datu-zentroak, haien instalazioetatik kanpo sortuko eta prozesatuko baita informazioa. Azpimarratzen du, bestalde, “zerbitzaririk gabeko konputazioaren” hedapena. Zerbitzariak desagertuko ez badira ere, zerbitzu-hornitzaileen ardurapean geratuko dira azpiegitura fisiko horiek. Serverless computing kontzeptuaren oinarria software-arkitektura berri bat da, non aplikazioak diren ardatz, azpiegitura fisikoen ordez.
Gartnerrek aipatzen dituen joera nagusien artean daude, halaber, sarearen bizkortasuna, zeinak erantzun egin beharko baitie konektatutako gailu-kopuru gero eta handiagoari eta hodeiko konputazioari, eta enpresen azpiegituretan gero eta eragin handiagoa izango duen SaaS-a edo zerbitzu-softwarea. Bestalde, eraldaketa digitalak aurrera egin ahala, kritikoa bihurtuko da talentuaren kudeaketa. IT profesionalek horizontalkiago egin beharko dute lan negozioa alor teknologikoan galgatzen duten oztopoak detektatzeko. Hori dela eta, trebetasun gero eta estimatuagoak izango dira moldakortasuna eta egokitzeko gaitasuna.
Lotutako albisteak
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean
Irudi B2B: 7 urte marketin digital industriala aztertzen bere blogaren bidez
Bere blogaren helburua: ezagutza erabilgarria partekatzea, industriak kanal digitalaren potentziala ahalik eta gehien aprobetxa dezan.
Industria Digitaleko laguntzek zure negozioaren eraldaketa digitala lortzeko bidea irekiko dizute
Industria Digitala 2025 laguntza-programaren aurtengo edizioa martxoaren 18tik irekita, 7.5 milioi €-ko aurrekontuarekin. Euren negozioa digitalki eraldatu nahi duten enpresek urriaren 31era arte aurkez ditzakete euren eskaerak.
Enpresa industrialen eta industria adimendunean espezialistak diren enpresa digitalen arteko elkarlana erraztuko du SPRI Taldeak
Enpresen Networkinga 2025 - Smart Industry kongresuaren 8. edizioa egingo dute martxoaren 26an, Bilbon, eraldaketa digitalari laguntzeko
Logistikari buruz Euskadin egiten den kongresuaren hirugarren edizioa egingo dute BECen
Azoka da iparraldeko eremuan packagingaren, logistikaren eta garraioaren sektoreak biltzen dituen azoka bakarra