Emerid-ek identifikazio-sistema bat abiarazi du garrantzitsuena gal ez dadin
Startup bizkaitarrak NFCan oinarritutako gailu itsasgarria garatu du kasko eta ekipajeetarako
Emerid deritzon identifikazio-sistemak larrialdi-egoeretarako edo objektuak galtzen direnerako garrantzitsua izan daitekeen informazioa biltzeko moduko gailu itsasgarria du. Enpresak salmentan jarri berri du sistema hau, bi esparruri begira, nagusiki: kirol jardunerako kaskoak eta bidaietarako maletak. Gailuak NFC teknologiaren bitartez funtzionatzen du, eta horrela, aski da itsagarrira smartphone bat hurbiltzea, bertan bildutako harremanetarako datuak irakurtzeko.
“Gaur egun, ez da aldatu ekipajea identifikatzeko modua eta, askotan, airelineek ere ezin aurki ditzaketen maleten galerak gertatzen dira”, adierazi du Jon Morentin startuparen sortzailekideak; “gure gailuan bildutako informazioak argi adierazten du norena den ekipaje hori, harremanetarako datuak eta ibilbideari buruzko jakingarriak atxikiak dituelarik. Gainera, norbaitek itsagarria irakurtzen duenean, ekipajearen jabeak mezu automatikoa jasotzen du maletaren koordenatuekin, azkar-azkar aurkitu ahal dezan”.
Emerid larrialdi-egoeretarako ere diseinatuta dago, bereziki txirrindularitzan eta motoziklismoan jarduteko. “Askotan, kirolariak bakarka ateratzen dira errepideetara. Istripua gertatuz gero, gailuari esker istant batean jakin daiteke nor den, berari dagokion informazio mediko garrantzitsua eta harremanetarako datuak, larrialdi-zerbitzuen lana bizkortuz”. Kasu honetan, sistema kaskoan itsasten da, eta startupak webgunean zuzen-zuzenean saltzen duen arren, lanean hasi da federazioekin eta kirol elkarteekin bazkideei eskaini ahal izateko.
NFC (Near Field Communication) deritzon haririk gabeko irismen laburreko komunikazio-teknologiak gailuen arteko datu-trukea ahalbidetzen du oso gertu daudenean. Sistema hau oso hedatuta dago gure inguruan; adibidez, saltokietan eta garraio publikoan txartelaren bidez ordaintzen dugunean edota jaietako eskumuturrekoetan. “Oso teknologia segurua da, izan ere, datuen transmisioa gertu-gerturik egin behar da, bestela ez du funtzionatzen”,argitu du Jon Morentinek. Gainera, ez du bateriarik edo mantenimendurik behar, eta egun, ia smartphone guztiek daukate irakurtzeko gaitasuna, app berezirik deskargatu beharrik gabe.
Produktu berri honen bitartez, euskal startupa B2C ereduaren araberako merkatu berri batera ireki da, orain arte neoprenozko jantzien nahiz bainu-jantzien arloan salgai zituen produktuen osagarri. Gainera, enpresa SOSA-Bizkaia programan parte hartzeko aukeratu dute, eta otsailean, astebete egingo du nazioarteko azeleragailuak Tel Aviven dituen instalazioetan. “Aukera ona da segurtasunera eta beste nitxo batzuetara irekitzeko eta Israelgo merkatua esploratzeko”, ziurtatu du Morentinek.
Emerid 2017n sortu zen eta garapen prozesuan bidelagun izan ditu SPRI Taldea eta Bizkaiko Foru Aldundia, Beazen bitartez.
Lotutako albisteak
Eusko Jaurlaritzak startup teknologikoak sortzea bultzatuko du, 2,5 milioirekin ekintzailetzarako laguntzetan
Maiatzaren 16an irekiko ditu SPRIk Ekintzaile eta Barnekintzaile programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Wake Up! Albiste ekintzaile batzuk sarean 250324
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.