CIRP e-konferentziak fabrikazio aurreratuko 150etik gora aditu bildu ditu
Mondragon Unibertsitateak antolatutako kongresu horrek ardatz hartu ditu azaleren integritatearen aurrerapenak
Mondragon Unibertsitateak CIRP Surface Integrity konferentziaren 5. edizioa antolatu du ekainaren 1etik 5era. International Academy for Production Engineering erakundeak bultzatzen du konferentzia hori urtero. Topaketak 19 herrialdetako 150etik gora aditu elkartuko ditu birtualki, elkarrekin partekatzeko fabrikazio aurreratuaren eta azaleren integritatearen arloetan eginiko azken ikerketak, azken hori funtsezko elementua baita produktuen kalitatea hobetzeko.
Covid-19ak eragindako alarma sanitarioaren ondorioz, eta mundu osoko ikerketa-talde adituen parte-hartzea bermatze aldera, CIRP konferentzia onlineko formatuan egingo da, bost egunetan kongresuko eduki guztietara sartzeko aukera emango duen plataforma baten bidez. Horri esker, parte-hartzaileak topaketara sartu ahal izango dira eta interesatzen zaizkien saio guztiak entzun ahal izango dituzte ordutegi mugarik gabe.
Topaketa antolatu duen Mondragon Unibertsitateak esan bezala, osagaiei akaberak emateko faseetan aplikatzen diren fabrikazio-prozesuek aldatu egiten dituzte azalerako geruzaren propietateak, hala nola, zimurtasuna, gogortasun aldaketak edo materialaren mikro-egitura. Propietate horiek eragin zuzena dute osagaiaren amaierako portaeran, bere bizitza erabilgarria luzatu edo laburtzen dutelako.
CIRP Surface Integrity kongresuaren helburua da nazioarteko topagune bat sortzea, elkarrekin partekatzeko fabrikazio gehigarriko prozesu bidez manufakturatutako osagaien azaleren integritateari buruzko azken aurrerapen eta ikerketa zientifikoak. Horretarako, azterketarako kasu praktikoak aurkeztuko dira, eta elkarrekin bateratuko dira azaleren integritatea kontrolatu, hobetu eta ebaluatzeko fabrikazio aurreratuko teknologien ikerketen aurrerapenak.
Ekitaldiak Eusko Jaurlaritzako Hezkuntza Sailaren laguntza du eta Hezkuntza sailburu Cristina Uriartek ireki du e-konferentzia. Euskadik industria-ehun sendoa du fabrikazio aurreratuaren arloan, eta Mondragon Unibertsitateak ibilbide luzea egin du arlo industrial horretara zuzendutako ikerketa eta transferentzia jardueretan. Horregatik, produkzioko ingeniaritzaren ikerketan liderra den nazioarteko CIRP erakundeak Euskadi hautatu du kongresuaren 5. edizioa egiteko.
Jardunaldi horien barruan, Mondragon Unibertsitateko Eskola Politeknikoak hiru ikerketa-lan aurkeztuko ditu, Errendimendu Handiko Mekanizatuko eta Azaleren Teknologiako lantaldeek egin dituztenak, eta laugarren bat ere bai, ENISErekin (Saint-Étienne hiriko Ingeniari Eskola Nazionalarekin) lankidetzan garatutakoa.
Lotutako albisteak
Eusko Jaurlaritzak 13,65 milioi euro bideratuko ditu enpresen berrikuntzara
SPRI Taldeak maiatzean zabalduko ditu Fast Track Innobideak, Hazinnova eta BDIH Konexio programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Mikel Jauregi Industriako sailburuak Aernnova enpresa bisitatu du, soluzio aeronautiko aurreratuetan liderra
Aernnova enpresak Araban du egoitza, eta lider espezializatua da aeroegituren eta horien osagaien diseinuan, fabrikazioan, mantentze-lanetan eta zerbitzuetan. Ia 6.000 langile ditu 7 herrialdetan, eta 2025ean 1.000 milioitik gorako fakturazioa izatea espero du.
ETEentzako produktuen eta prozesuen berrikuntza babesten dugu Hazinnovarekin
Hazinnova euskal ETE-ei doako aholkularitza eskaintzen dien programa da, produktu eta prozesuetan berrikuntza-mikroproiektuak bultza ditzaten. Eska ezazu 2025eko maitzaren 6tik urriaren 29ra.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat