CEITek, Masmovil taldeak eta Matia Fundazioak adinekoen zentroen eta haien senideen arteko komunikazio birtuala hobetuko duen proiektua abiarazi dute
Adinekoen egoitzetan bizi diren adinekoen eta haien senideen arteko komunikazioan izandako zailtasunei erantzuteko, Ceitek (BRTAko kidea), Grupo Masmovilek eta Matia Fundazioak proiektu bat abiarazi dute, zentroei konexio horiek erraztu eta areagotzen dituzten baliabide teknikoak eta giza baliabideak emateko. Ekimena apirilaren 10ean hasi zen, eta Matia Fundazioaren Lamourous zentroan aplikatzen ari dira, pertsona bakoitzaren eta haren senitartekoen artean astean gutxienez hiru harreman izateko aukera emateko. Geroago, adinekoak zaintzeko beste zentro batzuetara zabaltzea da helburua.
Proiektu hau gauzatzeko, Ceitek eta Masmovil taldeak, adinekoen egoitzen eskura hardware, software, komunikazio eta kudeaketa hobekuntzak integratzen dituzten baliabideak jarri dituzte. Masmovil taldeak haririk gabeko routerrak, teléfono mugikorrak eta azken belaunaldiko tabletak eskaini ditu, baita SIM txartelak ere, beharrezkoak diren datuekin. Ceiten aldetik, kanpoko boluntarioei esker bideo-deien software egokia eta urruneko kudeaketa programak jarri ditu martxan, adinekoen egoitzako langileak zeregin horietatik askatuz. Horrela, kalitatezko konexio finkoa eta mugikorra bermatzen da, urrutitik lan egingo duten boluntarioen laguntzarekin, kontaktu fisikoa utsatzeko aukera saihestuz, eta, aldi berean, arlo honetan egoitzetako langileen esku-hartzea minimizatuz.
Nolakoa da erabiltzailearen prozesua? Adinekoek adierazitako orduan mugikorra hartu behar dute, eta mugikorra ‘bakarrik’ piztuko da eta operazioak egingo ditu bideo-deiari hasiera emateko. Gainera, bere etxetik lan egiten duen boluntarioak familiari laguntza eskainiko dio, softwarea martxan jartzeko eta, gorabeherarik izanez gero, arazoak ebazteko. Zerbitzu honen bidez, arrakala digitala desagertzen da eta bideo-deia egitea bermatzen da, urrutiko harremana abian jartzeko nahiz eta teknologia ez ezagutu.
Matia Fundazioak 2002tik dihardu zahartzearen inguruko ikerketan, prozesu horretan zehar pertsonei laguntza eskainiz, haien ongizatea hobetuz, autonomia hobetzeko ezagutza eraikiz eta bakoitzarentzat zerbitzuak sortuz. Lamourous zentroan hainbat egoera eta jarduteko modu desberdinak aztertuko dira, eta autonomoak diren adinekoak eta narriadura kognitiboa eta mendekotasun maila handiagoa duten adinekoak inplikatuko dira. Proiektu pilotu horretatik ateratzen diren ondorioak adinekoen beste zentro batzuekin partekatuko dira, haien eragin positiboak zabaltzeko eta eredu hori beste instalazio batzuetan erabili ahal izateko.
