BIOLAN eta CIC bioGUNE elkarrekin ari dira lanean COVID-19aren diagnostiko azkarrerako test serologiko berri bat merkaturatzeko
CIC bioGUNE (BRTA-Basque Research & Technology Alliance-ko kidea) eta BIOLAN (bioteknologia sektoreko euskal enpresa) elkarlanean hasi dira, test serologiko berri bat merkaturatzeko: BIOtest-IgG/IgM. Produktu berri horrekin posible izango da SARS-CoV-2ren aurkako antigorputzak azkar, erraz eta zehatz detektatzea Covid-19ak sortutako birusak kutsatuta dauden edo egon diren pertsonengan. Test berri hori fluxu lateralaren entsegu immunokromatografiko bat da, PCR negatiboa duten pazienteengan erabil daitekeena, eta orobat erabili ahalko dena birusaren intzidentzia eta hedapena hobeto ezagutzen lagunduko duten azterketa epidemiologikoak egiteko.
Elkarlan horren esparruan, BIOLAN fluxu lateraleko immunoentsegu berri bat garatzen eta ekoizten ari da OSASEN, bere osasun atalaren bitartez. Entsegu hori SARS-CoV-2aren proteina espikularraren RBD (Receptor Binding Domain) domeinuan (CIC bioGUNEk sortu eta baliozkotua) eta gizakion IgG eta IgM-ren aurkako bigarren mailako antigorputz monoklonaletan (kasu honetan ere, CIC bioGUNE ari da sistema hori garatzen) oinarritzen da.
Helburua da elkarrekin uztartzea goi-mailako ezagutza zientifikoa eta bioteknologia sektoreko enpresa baten esperientzia zabala, arrakastaz merkaturatzeko Euskadin garatu eta fabrikatutako produktu bat, zeinak fidagarritasun, zehaztasun, kalitate eta lehiakortasun estandar gorenak beteko baititu.
Lankidetza-ekimen horren testuingurua da CIC bioGUNEk eta Biolanek –Bizkaiko Parke Teknologikoan kokatuak biak– elkarren artean lortu duten akordio zabalago bat, gaixotasunak diagnostikatzera eta medikuntzarako proteina eta konposatu analisien beharra duten osasunerako beste aplikazio batzuetara bideratua dagoena.
José María Matok (CIC bioGUNEko zuzendari nagusiak) eta Asier Albizuk (BIOLANeko zuzendari nagusiak) sinatutako akordio horri esker, bi erakundeek aukera izango dute I+G+B-ko proiektuak gauzatzeko, zerbitzu teknologikoak eskaintzeko, prestakuntza-jarduerak garatzeko, langileei egonaldiak eskaintzeko, tesiak elkarrekin zuzentzeko eta batak bestearen ekipamenduak erabiltzeko.
BIOLANi buruz
BIOLAN oinarri bioteknologikoko konpainia bat da, egoitza Bizkaiko Teknologi Parkean duena, eta erreferente bilakatu dena bi sektore hauetan aplikatutako teknologia analitikoan: nekazaritzako elikagaien sektorean, elikagaien kalitatea eta segurtasuna kontrolatzeko bio-sentsoreak garatuz, eta osasunaren sektorean, gaixotasunak diagnostikatzeko eta farmako nahiz terapiak monitorizatzeko bio-sentsoreak ekoitziz.
BIOLANek garatutako bio-sentsoreak alternatiba aproposa dira nekazaritzako elikagaien eta osasunaren sektoreko gaur egungo premiak asetzeko, prestazio handiko tresna paregabeak baitira, berdin aplikatu daitezkeenak prozesu eta produktuak monitorizatzeko nahiz patologia desberdinak in vitro diagnostikatzeko edo farmakoak monitorizatzeko.
Zehaztasun handikoak, azkarrak eta erabilerrazak direnez, oso konponbide lehiakorra dira eta horregatik lortu dute 55etik gora herrialdetako merkatuetan sartzea, % 80tik gorako esportazio-tasa lortuz.
CIC bioGUNEri buruz
BioGUNE Ikerketa Zentroak Bizkaiko Zientzia eta Teknologia Parkean du egoitza, eta ikerketa biomedikora bideratuta dago. Abangoardiako ikerketa garatzen du biologia estrukturalaren, molekularraren eta zelularraren arteko interfazean, arreta berezia eskainiz gaixotasunen oinarri molekularren analisiari, gero ezagutza horrekin diagnostiko-metodo berriak eta terapia aurreratuak garatzeko. CIC bioGUNE “Severo Ochoa Bikaintasun Zentro” gisa aitortua dago, Espainiako bikaintasun zentroen aitortza handiena.
BRTAri buruz
BRTA 4 ikerketa zentro kooperatiboz (horietako bat da CIC bioGUNE) eta 12 teknologi zentroz osatutako aliantza bat da, eta zentro horien helburua da konponbide teknologikoak garatzea euskal enpresa-sarearentzat.
Eusko Jaurlaritzaren, SPRI Taldearen eta hiru lurraldeetako foru aldundien laguntzarekin, BRTAk helburutzat du aliantzako zentroen arteko lankidetza bultzatzea ezagutza sortzeko eta ezagutza hori enpresei helarazteko, eta baita ere enpresa horiei lehiakorrago izaten laguntzea eta Euskadiren gaitasun zientifiko-teknologikoa atzerrira proiektatzea. BRTAk egiten du Euskadiko I+G-ko inbertsioaren % 22, eta 300 milioi eurotik gora fakturatzen du urtean.
Lotutako albisteak
Eusko Jaurlaritzak startup teknologikoak sortzea bultzatuko du, 2,5 milioirekin ekintzailetzarako laguntzetan
Maiatzaren 16an irekiko ditu SPRIk Ekintzaile eta Barnekintzaile programak
Eusko Jaurlaritzak 13,65 milioi euro bideratuko ditu enpresen berrikuntzara
SPRI Taldeak maiatzean zabalduko ditu Fast Track Innobideak, Hazinnova eta BDIH Konexio programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Mikel Jauregi Industriako sailburuak Aernnova enpresa bisitatu du, soluzio aeronautiko aurreratuetan liderra
Aernnova enpresak Araban du egoitza, eta lider espezializatua da aeroegituren eta horien osagaien diseinuan, fabrikazioan, mantentze-lanetan eta zerbitzuetan. Ia 6.000 langile ditu 7 herrialdetan, eta 2025ean 1.000 milioitik gorako fakturazioa izatea espero du.
ETEentzako produktuen eta prozesuen berrikuntza babesten dugu Hazinnovarekin
Hazinnova euskal ETE-ei doako aholkularitza eskaintzen dien programa da, produktu eta prozesuetan berrikuntza-mikroproiektuak bultza ditzaten. Eska ezazu 2025eko maitzaren 6tik urriaren 29ra.
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.