BIND 4.0 finalista Europako Batzordeak Enpresa Sustapenerako ematen dituen Sarietan
Industria adimenduneko berrikuntza irekiko BIND 4.0 plataforma finalista hautatu dute Enpresa Sustapenerako Europako Sarien XIV. edizioan. Sari horiek Europako Batzordeko Barne Merkatuko, Industriako, Ekintzailetzako eta ETEetako Zuzendaritza Nagusiak antolatzen ditu, eta ekintzailetza sustatzeko tokiko, eskualdeko eta nazioko politikak aitortzea dute helburu.
BIND 4.0 plataforma enpresa-ingurunearen hobekuntzaren kategorian hautatu dute. Era berean, Granollersko Udalaren Granollers Mercat entitateak aurkeztutako Granollers entra en Simbiosis ekimena finalista hautatu dute merkatu berdeen garapenaren eta baliabideen efizientziaren kategorian. Biak 13 proposamenen artean hautatu dituzte. Proposamen horietan, Estatuko, Autonomia Erkidegoetako eta tokiko administrazioek eta ekintzailetza sustatzeko jarduketak egiten dituzten eta ekonomia bultzatzen duten elkarte publiko-pribatuek eta enpresa-erakundeek hartu dute parte. Bi hautagaitza horiek Europako beste hautagaitza batzuekin lehiatuko dira, eta irabazleak 2020ko azaroan Berlinen egingo den ETEen urteko batzarrean iragarriko dira.
BIND 4.0 plataformak startupak erregistratzeko datorren ediziorako deialdia itxi berri du. Deialdi horren barruan, proiektuak garatu ahal izango dira fabrikazio aurreratuari, energiari, osasunari eta elikadurari lotutako 57 enpresa liderren eskutik. Enpresa horien artean, Mercedes Benz, Coca-Cola European Partners, Quirónsalud, Siemens Gamesa, EDP eta Enagás azpimarra daitezke. Ekimena industriaren eraldaketa digitala konpainia handien eta sortzen ari diren talentuen arteko lankidetzaren bidez bultzatzeko helburuarekin sortu zen, eta Eusko Jaurlaritzaren enpresa-garapenerako agentziak (SPRI) babesten du.
BIND 4.0 plataforma helburu bikoitza betetzeko asmoarekin sortu zen. Alde batetik, enpresa handiek berrikuntza bizkortu eta beren lehiakortasuna bultzatu eta hobetu ahal izateko (startupekiko lankidetzaren bidez, berrikuntza-iturri arinak eta efizienteak baitira). Eta, bestetik, startupek merkatura iristeko prozesua bizkortzeko (euskal industria-ekosistemarako zuzeneko sarbidea duten nazioarteko erreferentziazko enpresa handien eskutik). Gainera, mundu-mailako profesionalek emandako mentoring-zerbitzu bat eta industria-esparruan arrakasta izateko beharrezkoak diren trebetasunak eta gaitasunak garatzeko prestakuntza-programa osatu bat eskaintzen die startupei. Era berean, parte hartze soilarekin hainbat finantzaketa-iturri eta laguntza ekonomiko lortzeko aukera eta Euskadiko EBZetako (Enpresa eta Berrikuntza Zentroetako) langune baterako doako sarbidea dute.
4,5 milioi euroko guztizko fakturazioa
Industria adimenduneko berrikuntza irekiko BIND 4.0 plataformak, bere bizkortze-programaren bidez, 108 startup bizkortu ditu guztira, eta 178 proiektu berritzaile garatu ditu fabrikazio aurreratuaren, energia adimendunaren eta osasunaren eta elikaduraren teknologiaren sektoreetan, bere lau deialdietan. Halaber, 1.700 hautagaitza baino gehiago jaso ditu 2016an hasi zenetik. Zifra horiek direla eta, Euskadi munduko berrikuntza- eta ekintzailetza-zentro handietako bat dela esan daiteke. Izan ere, programa amaitu ondoren, sortzen ari diren enpresen ia % 70ek trakzio-enpresekin lan egiten jarraitzen dute, eta 10 startupetik 6k haiekin berritzen dute kontratua. Ekimena hasi zenetik, BIND 4.0 plataforman garatu diren proiektu guztiek 4,5 milioi euroko fakturazioa lortu dute.
BIND 4.0
BIND 4.0 industria adimenduneko berrikuntza irekiko plataforma publiko-pribatu bat da, Ekonomiaren Garapen eta Azpiegitura Sailak SPRI Taldearen eta Euskadiko ekintzailetzaren ekosistemako UpEuskadi plataformaren bitartez sortua. Gaur egun, Euskadin egoitza duten erreferentziazko 57 enpresa nagusirekin lankidetzan dihardu, eta nazioarteko laguntzaile teknologikoek ere parte hartzen dute, hala nola Siemens, Microsoft eta Amazon Web Services-ek. Ekimena helburu bikoitzarekin sortu zen: alde batetik, industriaren eraldaketa digitala bultzatzea, eta, bestetik, ekimen berritzaileak sendotzeko prozesua enpresa handien eta startupen arteko lankidetza-eredu baten bitartez bizkortzea. 2016. urteaz geroztik, BIND 4.0 plataformak bere lau edizioetan 100 startupek baino gehiagok garatu dituzten 178 proiektu bizkortu ditu guztira.
Lotutako albisteak
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Eusko Jaurlaritzak Gauzatu Industria programa aktibatu du 28 milioi eurorekin
Oinarri teknologiko eta berritzailea duten enpresa txiki eta ertainen sorrera eta garapena bultzatzeko
Eusko Jaurlaritzak bi mila milioi euro baino gehiago aktibatu ditu muga-zergen eta merkataritzaren gerrari aurre egiteko neurrien lehen sortan
Lehendakariak azpimarratu du Euskadi prest dagoela egoera horri aurre egiteko, eta dei egin die Euskal Autonomia Erkidegoko eragile guztiei egoera horri batasunetik aurre egiteko
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Industria Erronka-k 700 ikasle baino gehiagok industria-enpresa bat izatea simulatzea ahalbidetzen du
Industria Erronka Bizkaiko Foru Aldundiaren eta Eusko Jaurlaritzaren laguntzari esker posible da, SPRI - Euskal Enpresen Garapenerako Agentziaren bidez
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
Euskadik bere automobilgintza sektoreko industria indartuko du errepideko garraioaren deskarbonizazio adimendunerako laguntza-programa berri batekin
Eusko Jaurlaritzak "Emisio Txikiagoko Ibilgailuak" laguntza-programa aurkeztu du Industriaren Defentsarako Taldearen baitan, euskal automobilgintzaren sektoreak egungo muga-zergen gerraren testuinguru globalean dituen erronkei erantzuteko