Bilbok, laugarren industria iraultzarekin euskal enpresen urteroko hitzordua den Basque Industry 4.0 kongresuaren bostgarren edizioa hartuko du azaroaren 26an
Ekitaldiaren garrantziak, Europar Batasuneko espezializazio adimenduneko hiru plataformen lehen bilera bateratua ekarriko du Euskadira
Basque Industry 4.0, Eusko Jaurlaritzako Ekonomia Garapen sailak, SPRI-ren bitartez antolatu du eta enpresa, kluster, zentro teknologiko eta unibertsitateen eskutik ospatuko da
Bilboko Euskalduna Jauregiak datorren azaroaren 26an, Eusko Jaurlaritzako Ekonomia Garapen eta Azpiegitura Sailak, SPRI-ren bitartez antolatutako, Euskadin 4.0 Industriako erreferentziazko ekitaldia den “Basque Industry 4.0” hitzorduaren 5. Edizioa hartuko du. Enpresa, kluster, zentro teknologiko eta unibertsitateen eskutik, laugarren industria iraultzaren inguruko eztabaida sortzeaz gain, ekoizpen prozesuetan informazioaren teknologia berrien txertatzea suspertuko da.
Aurten euskal enpresetako 2.000 ordezkari Euskalduna Jauregian bilduko dira, etorkizuna osatzen duten teknologia guztien inguruko mintzaldi, erakusketa eta tailerretan parte hartzeko asmoz.
Ekitaldiak eskuratutako ospe internazionalak, Europar Batzordeak hitzordu hauxe agertoki berean, hilaren 27an eta 28an egingo den espezializazio adimenduneko hiru plataformen (S3Platforms) lehen bilera bateratuarekin bat egiteko erabakia hartu izana ahalbidetu du. 4.0 Industriako Europa mailako agintari nagusienetako bat den, Berrikuntza eta Fabrikazio Aurreratutako (DG GROW) Zuzendari Slawomir Tokarsi, Kongresuko mintzaldietako bateko buru izango da, eta Batzordeko web orrialdean bertan, Basque Industry 4.0 ekitaldian izena ematera gonbidatzen duen esteka bat txertatu dute.
Bilbora berariaz Europar Batzordeko lau zuzendari nagusi hurbilduko dira, baita industria modernizazioari, energiari eta nekazaritza-elikadurari buruzko plataformetan parte hartzen duten 120 herrialde baino gehiagoetako 200 ordezkari ere. Beraiekin batera, espezializazio adimendunen estrategien garapenean (DG GROW, DG REGIO, DG RTD, DG ENER, DG AGRI eta JRC) lan egiten duten Europar Batzordeko Zuzendaritza Nagusi desberdinetako goi funtzionarioak eta aditu tematikoak.
Urtero bezala, Kongresuak, osoko sesio, mahai inguru, txosten, sesio paralelo, 4.0 teknologiak ematen dituzten enpresei dedikatutako erakustokiez, baita 4.0 industriarako soluzioen “gramifikazioari” eta startup-en azeleragailua den Bind 4.0-ari arreta berezia eskainiko dioten tailer eta esperientzia txoko batez ere osatutako egitarau kontzentratu bat izango du. Guztira. 2.000 parte-hartzaile baino gehiago, 60 txostengile 30 hitzaldi baino gehiagotan eta euren berrikuntzak aurkeztuko dituzten erakustoki propioa izango duten 135 enpresa, marka guztiak hautsiz. Erakusketako enpresak
Inaugurazio-hitzaldia Milango Politeknikoko irakasle eta 4.0 Industriaren berrikuntza teknologikoak errentagarri bihurtzeko moduei helduko dien Marco Taisch-ek eskainiko du. 2002az geroztik, Taisch etorkizuneko fabrikak ikertzen dituen Europako elkarteko (EFFRA) kide da; Ekoizpen sistemen inguruko prospektiba teknologikoen mapa teknologiko eta analisiak egin dizkio elkarteari.
Euskadiko enpresariek 4.0 Industriaren 8 sektore garrantzitsuetako aplikazio kasuak erakutsiko dituzte: Aeronautika, Elikadura, Automobilgintza, Eraikuntza, Energia, Makina- Erreminta, Mugikortasuna eta Logistika, TEIC eta Aurreratutako Zerbitzuak, eta, horrez gain 12 erakusketa izango dira 4.0 Industriarako 12 soluzio teknologikoen inguruan; aurkezpen horiek hauetan oinarrituko dira: Industria Datuen Analitika (Big Data), Industria Zibersegurtasuna, Cloud Computing, Fabrikazio aditiboa, Gizakia- Makina areagotutako interfazeak, Errealitate birtuala eta areagotutako errealitatea, Robotika kolaboratiboa, Sentsorikoa eta Sistema Ziberfisikoak (CPS).
Ekintzailetza teknologikoak gainera, BIND 4.0 programako industrien eta startup-en arteko lankidetza proiektuetako aurrerapausoen aurkezpenera dedikatutako berezko espazioa izango du Basque Industry 4.0-ean.
Lotutako albisteak
Eusko Jaurlaritzak eta Hithium enpresak akordio estrategikoa sinatu dute, Europako biltegiratze egonkorraren industria gidatzeko
Hitzarmenari esker, Euskadin biltegiratze egonkorreko sistemak fabrikatzea ahalbidetuko duen soluzio integral baten garapenean lan egingo da, erreferentziazko bazkide industrial batekin elkarlanean eta Euskal Autonomia Erkidegoko zentro teknologikoen babesarekin
Eusko Jaurlaritzak startup teknologikoak sortzea bultzatuko du, 2,5 milioirekin ekintzailetzarako laguntzetan
Maiatzaren 16an irekiko ditu SPRIk Ekintzaile eta Barnekintzaile programak
Eusko Jaurlaritzak 13,65 milioi euro bideratuko ditu enpresen berrikuntzara
SPRI Taldeak maiatzean zabalduko ditu Fast Track Innobideak, Hazinnova eta BDIH Konexio programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Mikel Jauregi Industriako sailburuak Aernnova enpresa bisitatu du, soluzio aeronautiko aurreratuetan liderra
Aernnova enpresak Araban du egoitza, eta lider espezializatua da aeroegituren eta horien osagaien diseinuan, fabrikazioan, mantentze-lanetan eta zerbitzuetan. Ia 6.000 langile ditu 7 herrialdetan, eta 2025ean 1.000 milioitik gorako fakturazioa izatea espero du.
ETEentzako produktuen eta prozesuen berrikuntza babesten dugu Hazinnovarekin
Hazinnova euskal ETE-ei doako aholkularitza eskaintzen dien programa da, produktu eta prozesuetan berrikuntza-mikroproiektuak bultza ditzaten. Eska ezazu 2025eko maitzaren 6tik urriaren 29ra.
Eusko Jaurlaritzak deskarbonizazio industriala bultzatuko du, pizgarri eta laguntzen bidez, eta hidrogeno berdearen hidroduktu bat egingo du Aiaraldea eskualderako
Imanol Pradales Lehendakariak Laudioko Vidrala enpresaren instalazio berriak bisitatu ditu gaur, eta bertan labe berria inauguratu du
Euskadiko industria normaltasunez ari da, joan den asteleheneko itzalaldi orokorraren ostean
“Gure industria-sektorearen lana aitortu nahi dugu", aditzera eman du Mikel Jauregi, Eusko Jaurlaritzako Industria, Trantsizio Energetiko eta Jasangarritasuneko sailburua
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.