Azken sei urteetan, Eusko Jaurlaritzak 885 milioi euro inbertitu ditu I+G sustatzeko SPRI Taldearen laguntza-programa teknologikoen bitartez
2013tik hona, laguntza eman zaie 4.895 enpresa-proiekturi eta Zientzia eta Teknologiaren Euskal Sareko (ZTBES) agenteen 677 proiekturi
2019an 166,1 milioi euro inbertituko dira Hazitek, Elkartek eta Emaitek Plus programetan
Azken sei urteetan, Eusko Jaurlaritzak 885 milioi euro inbertitu ditu I+G sustatzeko SPRI Taldearen laguntza-programa teknologikoen bitartez. Hartara, laguntza eman zaie 4.895 enpresa-proiekturi eta Zientzia eta Teknologiaren Euskal Sareko (ZTBES) agenteen 677 proiekturi.
Zehazki, enpresek 439 milioi euro jaso dituzte eta eragindako inbertsioa 1.708 milioi eurokoa izan da. ZTBESeko agenteei 445 milioi euro eman zaizkie espezializazio adimendunari buruzko ikerketa-proiektuak garatzeko eta teknologi zentroen zein ikerketa kooperatiboko zentroen (CIC) emaitzak hobetzeko.
Eusko Jaurlaritzaren aurreikuspenen arabera, 2019an 166,1 milioi euro inbertituko dira arlo horretan; horietatik 83 enpresetara bideratuko dira eta beste hainbeste Sareko agenteentzat izango dira. 2019. urteko laguntzen bidez babesa eman nahi zaie 700dik gora enpresa-proiekturi eta teknologi zentroekin zerikusia duten 80tik gora proiekturi.
Laguntza hauek Ekonomi Garapen eta Azpiegitura Sailaren Basque Industry 4.0 Estrategiaren barruan kokatzen dira, estrategia horrek berebiziko garrantzia ematen baitie Euskadiren espezializazio industrialaren barruan lehentasunezkotzat jotzen diren sektoreetako proiektuei, hau da, fabrikazio aurreratukoei, energia esparrukoei eta bio-osasungintzakoei.
Laguntza-programa teknologikoak
Hauek dira I+G sustatzen duten laguntza-programa teknologikoak: Hazitek, Elkartek eta Emaitek Plus. Hazitek zabalik egongo da martxoaren 14ra arte, Elkartek otsailaren 28ra arte eta Emaitek Plus programak ekainaren amaieran irekiko du eskaerak aurkezteko epea.
Lehenak, Hazitek-ek, 83 milioi euroko aurrekontua du eta enpresei zuzentzen zaie, zehazki, ikerketa industrialeko edo garapen esperimentaleko proiektuak egiten dituztenei. Proiektu horiek lehiakorrak nahiz estrategikoak izan daitezke, eta Zientzia, Teknologia eta Berrikuntzarako Euskadi 2020 Planeko espezializazio-esparruetan gauzatzekoak dira.
Hala, alde batetik, Eusko Jaurlaritzak I+G-ko proiektu lehiakorrak sustatzen ditu: produktu berriak garatzea helburu dutenak (produktu originalak, eskura daudenak baino hobeak, merkatuaren eta gizartearen eskariei erantzuteko) eta oinarri zientifiko eta teknologikoko enpresa berriak abiaraztea helburu dutenak.
Bestetik, Hazitek programaren bidez babesa ematen zaio I+G-ko proiektu estrategikoen garapenari. Enpresen lidergotik sortutako proiektuak dira, Euskadiko gaitasun zientifiko-teknologikoak aprobetxatzen dituztenak eta lankidetzan nahiz bakarka garatu daitezkeenak Euskadi 2020 Zientzia, Teknologia eta Berrikuntza Planaren espezializazio-esparruetan. Proiektu estrategiko horiek ezaugarri jakin batzuk dituzte, nola baitira berrikuntzaren dimentsio globala, beren irismen zientifiko-teknologikoa eta I+G+B-ko inbertsioaren intentsitatea, inbertsio hori beharrezkoa baita ez bakarrik enpresen helburu indibidualak lortzeko, baizik eta, batez ere, trakzio-indarra egiteko Euskadiren ekonomian eta, bide horretatik, bultzada bat emateko Euskadiren nazioartekotzeari.
Beste bi programak, Elkartek eta Emaitek Plus, Zientzia, Teknologia eta Berrikuntzaren Euskal Sareko agenteei zuzendurik daude. Lehenengoaren helburua da Sarean integratutako Ikerketa, Garapen eta Berrikuntzako erakundeen ikerketa kolaboratiboak sustatzea. Bigarrenarena, berriz, teknologi zentroen eta ikerketa kooperatiboko zentroen (CIC) emaitzak hobetzea eta merkatura orientatzea.
Lotutako albisteak
Eusko Jaurlaritzak eta Hithium enpresak akordio estrategikoa sinatu dute, Europako biltegiratze egonkorraren industria gidatzeko
Hitzarmenari esker, Euskadin biltegiratze egonkorreko sistemak fabrikatzea ahalbidetuko duen soluzio integral baten garapenean lan egingo da, erreferentziazko bazkide industrial batekin elkarlanean eta Euskal Autonomia Erkidegoko zentro teknologikoen babesarekin
Eusko Jaurlaritzak startup teknologikoak sortzea bultzatuko du, 2,5 milioirekin ekintzailetzarako laguntzetan
Maiatzaren 16an irekiko ditu SPRIk Ekintzaile eta Barnekintzaile programak
Eusko Jaurlaritzak 13,65 milioi euro bideratuko ditu enpresen berrikuntzara
SPRI Taldeak maiatzean zabalduko ditu Fast Track Innobideak, Hazinnova eta BDIH Konexio programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Mikel Jauregi Industriako sailburuak Aernnova enpresa bisitatu du, soluzio aeronautiko aurreratuetan liderra
Aernnova enpresak Araban du egoitza, eta lider espezializatua da aeroegituren eta horien osagaien diseinuan, fabrikazioan, mantentze-lanetan eta zerbitzuetan. Ia 6.000 langile ditu 7 herrialdetan, eta 2025ean 1.000 milioitik gorako fakturazioa izatea espero du.
ETEentzako produktuen eta prozesuen berrikuntza babesten dugu Hazinnovarekin
Hazinnova euskal ETE-ei doako aholkularitza eskaintzen dien programa da, produktu eta prozesuetan berrikuntza-mikroproiektuak bultza ditzaten. Eska ezazu 2025eko maitzaren 6tik urriaren 29ra.
Eusko Jaurlaritzak deskarbonizazio industriala bultzatuko du, pizgarri eta laguntzen bidez, eta hidrogeno berdearen hidroduktu bat egingo du Aiaraldea eskualderako
Imanol Pradales Lehendakariak Laudioko Vidrala enpresaren instalazio berriak bisitatu ditu gaur, eta bertan labe berria inauguratu du
Euskadiko industria normaltasunez ari da, joan den asteleheneko itzalaldi orokorraren ostean
“Gure industria-sektorearen lana aitortu nahi dugu", aditzera eman du Mikel Jauregi, Eusko Jaurlaritzako Industria, Trantsizio Energetiko eta Jasangarritasuneko sailburua
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.