Ausolanek elikagaiak 3Dn inprimatzen ditu, adinekoentzako produktu testurizatuak hobetzeko
Faktore askok eragiten dute pertsonen elikaduran, zapore-aniztasunetik oroitzapenetara edo ikusmenera, esate baterako. Horren ondorioz, Ausolan euskal enpresak fabrikazio gehigarriko teknologiak txertatu ditu, elikagaiak irensteko arazoak dituzten adinekoen egoitzetan eta eguneko zentroetan haiek dituzten beharrei erantzuteko. Ausolan kolektibitateentzako jatetxeetan espezializatuta dago eta elikagaiak 3Dn inprimatzen ditu, orain arte pureak zirenak haragi, arrain eta garnizio bihur daitezen. Azken helburua elikagaiak irensteko zailtasunak dituzten pertsonen bizi-kalitatea hobetzea da, formen eta zaporeen aniztasun handiagoarekin.
I+Gko lantaldeak duen lan-ildoetako bat da hau. Mondragon Korporazioaren barruan dagoen enpresa honek hainbat produktu garatu ditu “adinekoen elikadurarekin kontuz ibiltzeko, ez gatza eta koipeekin lotutako alderdietan bakarrik, irensketa-arazoak konpontzen dituztenetan ere bai”, azaldu dute. Irtenbidea testurizatutako elikagaiak dira, baina horiek forma eta zaporeetan menu askotarikoagoak sor ditzaten, Ausolan 3D teknologiarekin ari da lanean, aurretik testurizatutako produktuek hartzen duten itxura gustagarriagoa izan dadin eta pertsonekin hobeto konekta dadin. Arrainekin eta haragi batzuekin egin dute lan, eta une honetan garnizioekin eta postreekin egiten dute lan.
Teknologia konplexua da adinekoen egoitza batera eta ospitale batera eramateko. horregatik, Ausolanek merkatuan dauden moldeak ikusita, urrats bat harago doazen moldeak sortzearen aldeko apustua egin du, moldekatzeko konplexuagoak diren haragi edo arrainen ñabardurak betetzen dituztenak. “Izokin zaporea duen plater bat sor daiteke, baina dadotan edo bolatan aurkezten bada, horrek buruan eragina du; pertsonok izokinaren forma betidanik jan dugun zerbaitekin lotzen dugu, forma, zapore eta oroitzapen konkretu batzuekin; hori lortzerakoan sentsazioak eta jateko gogoa berreskuratzen laguntzen dugu. Lortzen baduzu, osasuna berreskuratzen duzu, pertsonen elikadura eta gastronomia ohiturak errespetatuz “, azaldu du Amaia Agirre Ausolaneko Berrikuntza eta Kalitate Korporatiboko arduradunak.
Formaren ezaugarria da I+G taldeak lantzen duen alderdietako bat, baina ez bakarra: “Testurizatuak edo turmix dietak beti egon dira presente giza-osasun sektorean, baina zaila izan da nutrizio-elementuak orekatuta egotea, testurizatzeko prozesuak zati proteikoaren orekan eragiten baitu”, zehaztu du profesionalak. Lan egiten duten ildo nagusietako bat “testura egokiaren eta nutrizio-elementuen arteko oreka” lortzea izan da azkenaldian.
Hirugarren bloke handia hidratazioarena da: adineko pertsonek deshidratatzeko arriskua dute, egarri gutxiago sentitzen dutelako. Horregatik, Ausolanek bere egunerokotasunean ura sartzeko modu berriak aurkitzeko lan egiten du, produktu komertzialen mende egon beharrik gabe (hautsak eta gelatinak, esaterako).
Testura giza-osasuneko produktuen katalogo berri hori dagoeneko probatzen ari dira Arrasateko Aita Menni ospitalean eta Gurutze Gorriak Donostian dituen instalazioetan. Proiektua aurrera eramateko, Ausolanek Leartiker teknologia-zentroarekin lan egin du. Zentro honek elikagaiak garatzeko unitate bat du –haiekin sortu dira proteina-matrizeak –, bai eta polimeroen beste bat ere –moldeak sortzeko elkarlanean aritu dira–. Era berean, Basque Culinary Centerrekin (BCC) aurrera egiten ari dira Ausolanen zapore berrien inguruan.
Horrela, Ausolanek ‘silver economy‘arekin lotutako proposamenak dibertsifikatzearen alde egin du, biztanleriaren zahartzearen ondorioz produktuak eta zerbitzuak garatzeko aukera ugari dituen segmentua. Baina ez hori bakarrik: “gure bezeroentzako eskaintza berritzailea garatzeko lan egiten dugu, baina baita familiei tresnak emateko ere, formula komertzialetatik kanpo produktuak egin ditzaten”. Etxeko errezetategi baten bidez bultzatu dute hori Aspacerekin, garun-paralisia duten pertsonei laguntza emateko erakundearekin, egoera horretan dauden pertsonek ere irensketa-arazoak baitituzte.
SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Hori dena Elkartek, Emaitek edo Hazitek bezalako programen bidez lortzen da, eta horien informazioa hemen dago eskuragarri.
Lotutako albisteak
Eusko Jaurlaritzak startup teknologikoak sortzea bultzatuko du, 2,5 milioirekin ekintzailetzarako laguntzetan
Maiatzaren 16an irekiko ditu SPRIk Ekintzaile eta Barnekintzaile programak
Eusko Jaurlaritzak 13,65 milioi euro bideratuko ditu enpresen berrikuntzara
SPRI Taldeak maiatzean zabalduko ditu Fast Track Innobideak, Hazinnova eta BDIH Konexio programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Mikel Jauregi Industriako sailburuak Aernnova enpresa bisitatu du, soluzio aeronautiko aurreratuetan liderra
Aernnova enpresak Araban du egoitza, eta lider espezializatua da aeroegituren eta horien osagaien diseinuan, fabrikazioan, mantentze-lanetan eta zerbitzuetan. Ia 6.000 langile ditu 7 herrialdetan, eta 2025ean 1.000 milioitik gorako fakturazioa izatea espero du.
ETEentzako produktuen eta prozesuen berrikuntza babesten dugu Hazinnovarekin
Hazinnova euskal ETE-ei doako aholkularitza eskaintzen dien programa da, produktu eta prozesuetan berrikuntza-mikroproiektuak bultza ditzaten. Eska ezazu 2025eko maitzaren 6tik urriaren 29ra.
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.