Arrecife Systemsek itsasoan hartzen du inspirazioa energia garbia sortzeko
Olatuen energia xurgatzen duen sistema bat patentatu du euskal startupak
“Kontzeptu berri bat garatu dugu itsasoko olatuetatik energia erauzteko”, azaldu du Iñigo Doriak, Arrecife Energy Systemseko CEOak. Enpresa 2016an sortu zen, José Javier Doriak, Bilboko Ingeniaritza Eskolako katedratiko eta hidrodinamikan adituak, egindako ikerketa batean oinarrituta. Garatu duten teknologiak berrikuntza ekarri du itsas jatorriko energia berriztagarrien arlora, eta Europan patentatu dute.
Proiektua katamaran baten antzeko sistema flotatzaile bat da, eta, hasieran, koralezko arrezifeen funtzionamenduan hartu zuten hura egiteko inspirazioa. Olatuen mugimendu horizontalak eta bertikalak xurgatzeko gai dira gailuaren turbinak, eta olatu txikiak aprobetxatzeko diseinatu dute. Denboraleak edo olatu oso handiak daudenean, gailua urperatu egiten da kalterik izan ez dezan. “Hala, sistema eraginkorragoa egin ahal izan dugu, 1 eta 5 metro bitarteko olatuekin funtzionatzen duelako, hau da, olatu arruntenekin, eta olatu guztien % 98 dira horiek” azaldu du Iñigo Doriak. Gaur egun erabiltzen diren sistemek buia handiagoak eta astunagoak erabiltzen dituzte, altuera handiko olatuei aurre egiteko diseinatuta daudenak. “Horrek esan nahi du 6 edo 8 metrotik gorako olatuekin bakarrik sortzen dutela energia, hau da, olatu guztien % 2rekin besterik ez, eta, gainera, mugimendu bertikala bakarrik aprobetxatzen dute” dio startup-aren CEOak.
Arrecife Energy Systemsek JIS taldearen inbertsioa jaso zuen uztailean, eta 75 kW-eko gailu bat fabrikatzen ari da une honetan. Startuparen asmoa da datorren urteko udan probatzea haren funtzionamendua. “Ekipo txikiagoekin egin ditugu proba batzuk” esan du Doriak, “baina gailu hau merkatura irteteko modukoa da, toki isolatuetara energia eramateko aukera ematen baitu”. Proba hori egiteko, enpresa gazteak Energiaren Euskal Erakundearen laguntza izango du gailua instalatzeko, eta, gailuaren eraginkortasuna frogatzen bada, 2020an BIMEP-era (Biscay Marine Energy Platform) konektatzea espero dute.
Bilbon du egoitza startup bizkaitarrak, eta, iaz, Europako Batasuneko ETE Tresna ekimenaren lehen fasean hautatu zituzten, beste enpresa batzuekin batera; duela gutxi, berriz, bigarren faseko Bikaintasun Zigilua jaso du. Datozen hilabeteetan, Tel Avivera joango dira SoSa programan parte hartzera, Bizkaiko Foru Aldundiak eta Israelgo azelerazio-erakundeak duten hitzarmenari esker. Arrecife Systemseko CEOak nabarmendu duenez, “guretzat garrantzitsua da, aukera ematen digulako gure proiektua merkatu globalean azaltzeko eta inbertsio berrietara heltzeko”.
Lotutako albisteak
Eusko Jaurlaritzak eta Hithium enpresak akordio estrategikoa sinatu dute, Europako biltegiratze egonkorraren industria gidatzeko
Hitzarmenari esker, Euskadin biltegiratze egonkorreko sistemak fabrikatzea ahalbidetuko duen soluzio integral baten garapenean lan egingo da, erreferentziazko bazkide industrial batekin elkarlanean eta Euskal Autonomia Erkidegoko zentro teknologikoen babesarekin
Eusko Jaurlaritzak startup teknologikoak sortzea bultzatuko du, 2,5 milioirekin ekintzailetzarako laguntzetan
Maiatzaren 16an irekiko ditu SPRIk Ekintzaile eta Barnekintzaile programak
Eusko Jaurlaritzak 13,65 milioi euro bideratuko ditu enpresen berrikuntzara
SPRI Taldeak maiatzean zabalduko ditu Fast Track Innobideak, Hazinnova eta BDIH Konexio programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Mikel Jauregi Industriako sailburuak Aernnova enpresa bisitatu du, soluzio aeronautiko aurreratuetan liderra
Aernnova enpresak Araban du egoitza, eta lider espezializatua da aeroegituren eta horien osagaien diseinuan, fabrikazioan, mantentze-lanetan eta zerbitzuetan. Ia 6.000 langile ditu 7 herrialdetan, eta 2025ean 1.000 milioitik gorako fakturazioa izatea espero du.
ETEentzako produktuen eta prozesuen berrikuntza babesten dugu Hazinnovarekin
Hazinnova euskal ETE-ei doako aholkularitza eskaintzen dien programa da, produktu eta prozesuetan berrikuntza-mikroproiektuak bultza ditzaten. Eska ezazu 2025eko maitzaren 6tik urriaren 29ra.
Eusko Jaurlaritzak deskarbonizazio industriala bultzatuko du, pizgarri eta laguntzen bidez, eta hidrogeno berdearen hidroduktu bat egingo du Aiaraldea eskualderako
Imanol Pradales Lehendakariak Laudioko Vidrala enpresaren instalazio berriak bisitatu ditu gaur, eta bertan labe berria inauguratu du
Euskadiko industria normaltasunez ari da, joan den asteleheneko itzalaldi orokorraren ostean
“Gure industria-sektorearen lana aitortu nahi dugu", aditzera eman du Mikel Jauregi, Eusko Jaurlaritzako Industria, Trantsizio Energetiko eta Jasangarritasuneko sailburua
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.