Alex Arriola: “Ekonomia jasangarri baten oinarria da 4.0 industria guretzat”
Euskadik digitalizazioaren eta zibersegurtasunaren arloan duen balioa aztertu du SPRI taldeko zuzendari nagusiak Basque Industryren bezperan
Seigarren urtez jarraian, Euskadi Europako erreferentea izango da digitalizazioaren eta zibersegurtasunaren arloan, Basque Industry 4.0 antolatuko baita. Datozen azaroaren 20an eta 21ean, Barakaldoko BECen 3.000 enpresa industrial bilduko ditu ia, eta nazioarteko 100 txosten, tailer eta eztabaida eskainiko ditu, baita erakusketa handi bat ere, 4.0 industriari, zibersegurtasunari eta startupei lotutako 170 stand izango dituena.
Maila goreneko enpresa topaketa bat, “derrigorrez bete beharrekoa”, SPRI taldeko zuzendari nagusi Alex Arriolaren hitzetan, zeinean etorkizunari begiratuko baitzaio berriro, euskal industria jardueraren egunerokotasuna gidatzen duten teknologien bitartez. Fabrikazio gehigarritik elkarlaneko robotikaraino, sistema ziberfisikoetatik, errealitate areagotutik, cloud computing-etik, big datatik zein zibersegurtasunetik igarota. “Hitzordu horretan jorratzen dira gure etorkizuna erabakiko duten erabaki eta joera industrialak”, azpimarratu du Arriolak, interesdunei izen emateko helbidea gogoraraziz: www.spri.eus
Basque Industry 4.0 inauguratzeko egun batzuk falta direnean, 3.000 lagunek eman dute izena ia. Zerk egiten du erakargarri edizio hau eta nola bultzatuko zenituzke oraindik egin ez dutenak?
4.0 industriaz ari gara, eta alor horretan digitalizazioa giltzarria da, funtsezkoa lehiakortasunerako, gure enpresen etorkizunari begira, enpresak handiak izan, ETEak izan, zein mikro-ETEak izan, eta arretarik handiena jarri behar diote, enpresa guztietara iritsiko baita teknologia hori, salbuespenik gabe. Ekitaldia Euskadin eta Europan eremu horretan egiten ari dena ezagutu nahi dutenentzat dago pentsatuta, bai euskal industriarentzat berarentzat, bai Basque Research&Technology Alliance-ko (BRTA) agente teknologikoentzat, bai Bind 4.0 bizkortzaile publiko pribatuan eta zibersegurtasunean parte hartzen duten startupentzat.
Zergatik protagonismo hori ‘ziber’ sektorearentzat?
Iaz zibersegurtasunari lotutako ekitaldi independente bat antolatu zen (Basque Cybersecurity Day), estatuan itxaropen guztiak gainditu zituena, eta urte honetarako gure atzerriko gonbidatuek, europarrek eta iparramerikarrek, batez ere, eta sektoreko potentzia nagusiek, Basque Industry 4.0 biltzarrarekin batera egiteko eskatu digute. Logikoa deritzogu guk, digitalizazioa zibersegurtasunari lotuta baitago. Zenbat eta digitalagoak izan, eta joera geldiezina da hori, handiagoa izango da ziberseguruak izan beharra.
Nola dago kokatuta Euskadi alor horretan?
Europa maila indar itzela daukagu. Erreferentziako hub bat gara gaur egun zibersegurtasunaren alorrean, eta digitalizazioa-segurtasuna binomioa bat bakartzat eta arrakasta eta lehiakortasun eragiletzat jotzen dugulako, gure enpresentzako balio erantsiko faktoretzat. Baina, gainera, eskaintzaren aldetik, enpresa eta zentro ugari dauzkagu zibersegurtasuna negozio eta zerbitzu gisa dutenak eta, beraz, alderdi biak dira oso garrantzitsuak guretzat.
Hori izan da zioa ‘Expo’ eremua handitzea erabakitzeko, sektore hori agerikoago egiteko?
Herrialde aurreratuetako zibersegurtasuneko hogei enpresak baino gehiagok erabaki dute Basque Industry 4.0-The Meeting Point-eko Expo atalean egotea, zenbait estatuk, hala nola Alemaniak, Belgikak, Danimarkak, Finlandiak, Galesek eta Holandak, baita segurtasuneko euskal enpresa nagusiek ere. Talde hori toki onean agertzen ari da nazioarteko testuinguruan. Gainera, ekitaldia topagunea izango da FIRSTeko kide diren erakundeentzat. Zibersegurtasun arazoei erantzuteko taldeen munduko foroa da FIRST, eta FIRST Bilbao Technical Colloquium burutuko du gurekin, Zibersegurtasuneko Euskal Zentroa (BCSC) kide delako. Foro horretan informazioa ematen da arazoei erantzuteko eta segurtasunerako taldeen jardunari eragiten dioten ahuleziak, gorabeherak, tresnak eta gainerako arazoei buruz.
4.0 arloaren jatorrizko eremura itzulita, zure ustez, zein eragin du uneotan Euskadik Europan duen pisua?
Oso indartsua da eta esango nuke eskualde mailan erreferente ere bagarela Europan, zio askorengatik, baina, bereziki, dauzkagun eskaintza eta eskariagatik. Ekosistema aparta, teknologia zentroak, enpresa pribatuak, ikastetxeak eta unibertsitateak oinarri dituena, oso lerrokatuta denak kontu horrekin. Beraz, bai, toki oso onean gaude eta pisu garrantzitsua daukagu. BECen egiaztatu ahalko da aipatzen dudan gihar hori. Eta azpimarratu behar da, halaber, Eusko Jaurlaritzak korronte horretan guztian duen partaidetza, bere ekimenen eta enpresei laguntzeko programen bidez.
Zein da aurten 4.0 industriaren alorrean diseinatu duzuen programaren helburua?
Basque Industry 4.0-n Euskadin 4.0 industrian parte hartzen duten guztiek eztabaidatzen dute, zenbait formatutan, tresna digitalak, elektronika, informazio eta komunikazioko teknologiak aplikatzeko moduari buruz, industria prozesuak optimizatzeko. Fabrikazioaren diseinu, ekoizpen, logistika eta kudeaketa integratuari laguntzeko tresna adimentsuak dira. Eta fabrikazio gehigarria, elkarlaneko robotika, sistema ziberfisikoak, errealitate areagotua, cloud computing-a, bigdata, errealitate birtuala eta zibersegurtasuna… hartuko dira hizpide bertan.
Baina aurtengo edizioaren ardatza 4.0 industria garapen ekonomiko jasangarriaren erreferentzia izatea erabaki da, zein zentzutan?
Ez dago politika industriala baino gizarte politika hoberik, ekonomia produktiboaren motorra baita, aberastasuna, enplegua eta baliabideak sortzen ditu, gizarte politika publikoak hobetzen lagunduz, hala nola hezkuntza, osasuna eta bestelako prestazioak. Enpresetan teknologia berri disruptiboen erabilerak eztabaida zabaldu du, ea zein diren haien ekarpena eta enpleguan, fabrikazio prozesuetan eta, azken finean, gure bizitzetan duten eragina, eta horregatik interesgarria iritzi diogu 4.0 industriaren ikuspegia eta gizarte gaiei eta ondasun komunari dakarkiena aztertzea.
Amaitzeko. Zer espero daiteke ‘Expo’ eremu berriaz?
Duela bost urte hasi ginenetik, erakusketa esparru handiagoa eskatu digute enpresek, teknologia zentroek eta startupek. Horregatik, BECeko 2. pabilioia prestatu dugu. 170 stand egongo dira bertan, eta haietan Basque Research&Technology Alliance-ren (BRTA) teknologia zentroak, Basque Digital Innovation HUB-en (BDIH) 4.0 aktiboak, euskal 4.0 industriako puntako enpresak eta BIND 4.0 bizkortzaile publiko-pribatuaren aurtengo eta aurreko ekitaldiko startupak bisitatu ahalko dira.
Lotutako albisteak
Veiss-ek 20 urte baino gehiago dihardu tokiko enpresa eta erakundeen eraldaketa digitalean laguntzen
Arabako enpresak webgune korporatiboak, mugikorretarako aplikazioak edo online dendak garatzen ditu sektore mota guztietarako.
Lancor, altxatzeko motor elektrikoen fabrikazioan Europako liderra
Abanto-Zierbenako enpresak SPRI Taldearen Gaitasun Digital Profesionalen programako laguntza jaso du eta esportaziorako produktu propioak garatzearen aldeko apustua egiten du.
Rebel Tickets, sarreren birsalmentan iruzurrari eta gehiegizko prezioei aurre egiteko sortutako enpresa bizkaitarra
Gaur egun, beren publikoari baimendutako birsalmenta eskaini nahi dioten jaialdi, kontzertu eta bestelako ekitaldien sustatzaileekin lan egiten du.
Mercanza: “Bezeroa bere datuen ustiapenean espezializatua bihurtzen dugu”
Enpresak eraldaketa digital tradizionala gaindituz soluzioak eta zerbitzuak eskaintzen ditu, enpresen eraginkortasuna eta produktibitatea bultzatzeko.
Zabalgarbik denbora errealeko analisi-tresnekin modernizatu du bere azpiegitura
Besteak beste, biki digitala eta adimen artifizialean oinarritutako teknologiak ezartzeaz gain, lurrun-gainberogailu bat instalatzea du helburu enpresak, energia-eraginkortasuna eta jasangarritasun operatiboa hobetzeko ekimen estrategiko bat.
GAIAk IKT sektorearen prestakuntza-beharren diagnostikoa egin du eta merkatuaren eskaerei erantzuteko prestakuntza-ibilbideak garatu ditu
GAIAk azpimarratu duenez, sektoreko eta gobernuko erakundeen, sozietate publikoen eta hezkuntza-sistemaren parte-hartzea funtsezkoa izan da azterlanari balio erantsia emateko
Senvia Systems-ek beste enpresa batzuk gidatzen ditu haien sustapenean eta eraldaketa digitalean
Iaz sortutako enpresa gipuzkoarrak sistemetan, komunikazioetan eta zibersegurtasunean oinarritutako IT zerbitzuak eta aholkularitza eskaintzen ditu.
Akting, gizarteari balioa emateko teknologia
Gipuzkoako enpresak euskarri desberdinetarako aplikazioak garatzen ditu eta digitalizazioaren, datuen analisiaren eta prozesuen optimizazioaren aldeko apustua egiten du.
Biotz: “Roca Salvatellarekin egindako akordioak berrikuntza teknologikoaren balio-kate osoa batzen du”
Gipuzkoako enpresak Kataluniakoarekin aliantza bat itxi du bere talentu digitala indartzeko eta nazioarteko merkatu berrietan bere presentzia zabaltzeko.
Elvira, berrikuntza eta tradizioa osagai nagusi dituen istorio gastronomikoa
Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.