Adimen artifizialez garatutako roboten belaunaldi berriak fabrikazio-prozesuak aldatu ditu ontzigintzan, aeronautikan eta energian
Ideko, fabrikazioaren arloan espezializatutako zentro teknologikoa eta BRTAko kidea, azkenengo hiru urteetan zehar Coroma europar proiektua koordinatu du, ontzigintzan, aeronautikan eta energian aplikazioak dituzten industria-robot adimendunen belaunaldi berri bat garatzeko.
7 milioi eurotik gorako aurrekontuarekin eta Horizon 2020 programaren barruan, Coroma arrakasta handiarekin bukatu zen 2019an, 16 enpresa, zentro teknologiko eta unibertsitateren parte-hartzearekin. Pieza metalikoak eta material konposatuak fabrikatzeko prozesu ugari gauzatzea ahalbidetzen duten makineriaren eta robotikaren teknologien bidez, eskuzko ekoizpenen automatizazioa lortu da. Gainera, fabrikazioaren Europako industria indartu da eta ekoizpen-prozesu berrietara egokitzeko kostuak murriztu dira.
Coroma proiektuan garatutako robot industriala adimenduna autonomoa eta kolaboratzailea da, eta pertsonen eta robotaren arteko harremanean segurtasuna bermatzeko diseinatuta dago. ‘Kognitiboki hobetutako’ roboten belaunaldi berriaren parte da, hau da, bere ingurunea ulertzeko, esperientziatik ikasteko eta bere arrazoiketa eta detekzio gaitasunak modu autonomoan funtzionatzeko duen gaitasuna dute.
Gainera, sistema robotiko berri honek Inteligentzia Artifiziala (IA) erabiltzen du eta horrek errendimendu hobea, produktibitate handiagoa eta piezen kalitate hobea eskaintzen ditu. Aldi berean, ingurune aldakorretara eta ekoizpen-beharretara hobeto egokitzen da. Horrela, gizakiekiko lankidetzak integratu zaien fabrikazio-prozesuaren ezagutza aprobetxatuz eta ikaskuntza automatikoko algoritmoen eta sentsoreen bidez pertsonen ikasteko modua imitatuz funtzionatzen du.
Coroma proiektuaren berrikuntza handienetako bat haren ikuspegi modularra da, industria-sektoreetara eta bere fabrikazio-faseetara egokitzeko Coro-moduluak deituriko moduluak sortuz. Modulu bakoitzak funtzionalitate espezifiko baten irtenbidea lortzen du, eta, beraz, horien konbinazioak mekanizazio industrialeko arazoei erantzuna eman nahi die. Horretarako, zazpi modulu sortzeko beharra identifikatu da proiektuan: Coro-Prog, robotaren ibilbideak birprogramatzea egoera rreal baterako; Coro-Sense, egoera realak aztertzeko 3D ikusmen-sistema bat; Coro-Hand, robotari trebetasuna emateko esku robotiko bat; Coro-Safe, hesirik gabeko ingurune batean langilearen segurtasuna bermatzeko; Coro-Move, robotaren nabigazio autonomoa ahalbidetzeko; eta azkenik Coro-Optim, hainbat prozesu optimizatzeko tresnen ekipoa.
Ekimen honen bidez, Idekok industria-aplikazio berrien ikerketan eta garapenean lidergoa sendotu du. Proiektuaren esparruan, pieza metaliko konplexuen gainazaleko akabera-prozesua robotizatzen lagundu du, robotek aluminiozko piezak mekanizatzeko dituzten gaitasunak aztertu ditu, robotetan pieza baten horma meheak mekanizatzeko laguntza mugikorra lortzeko kontzeptu berri bat garatu du, eta, azkenik, ultrasoinuen bidezko ikuskapen-teknologia ez-suntsitzailea aplikatu du, robotak lixatutako piezak ikuskatzeko.
Proiektuaren azken berrikuspena Europako Batzordean egin zen, erakusleak eta emaitza praktikoak aurkeztuz. Robotetan integratutako adimen artifizialari eta mekatronikari esker, robotaren programazio-denbora %38 eta %98 artean murrizten da. Adibide batzuetan, fabrikazio-denbora osoa %60 murriztu zen, eta pieza berrien fabrikazioa ezartzeko denbora, berriz, %85. Emaitza horien bidez, Coromak lanean jarraitzen du proiektuaren garapen teknologiko batzuk merkaturatzen, industriari begira erantzun desberdinak lortzera bideratuta.
Lotutako albisteak
Epea eta aurrekontua zabaldu ditugu, adimen artifizialeko teknologiak barne hartzen dituzten eta Euskadiko enpresen datuen azpiegitura optimizatzen duten proiektuak babesteko.
Laguntza horiek Europar Batasunak finantzatzen ditu NextGenerationEU berreskuratze-planaren bidez, pandemiak eragindako kalteak konpontzeko eta etorkizun jasangarriago, digitalago eta erresilienteago baten oinarriak ezartzeko. Espainian, funts horiek Berreskurapen, Eraldaketa eta Erresilientzia Planaren bidez kudeatzen dira.
Horizon Europe 2025: 7.300 milioi euro enpresa berrikuntza bultzatzeko Europan
SPRI-ren eskutik, EEN sarearen euskal nodoaren koordinatzaileak garen aldetik, euskal enpresei Horizon Europe programan parte hartzen laguntzen diegu. Enterprise Europe Network (EEN) Europako sare bat da, ETEen hazkundea eta nazioartekotzea bultzatzen duena
Iritsi da zure datuak eta zerbitzuak hodeira migratzeko unea. Aprobetxatu euskal enpresentzako Kloud laguntza
Kloud programak Euskadiko enpresei haien zerbitzu edo azpiegitura informatikoak Cloud ingurune komertzialetara migratzeko aukera eskaintzen die. Horretarako, enpresa bakoitzeko 50.000 € arte eskaintzen du hodeirako migrazio-prozesu osoa diseinatzen eta ezartzen lagunduko dien kanpoko enpresa bat kontratatu ahal izateko. Azaroaren 10ean amaituko da laguntza hori eskatzeko epea.
ApplAI 2025 Kongresuak Adimen Artifizial Aplikatuaren erreferente gisa finkatu du Euskadi nazioartean
230 erakunde baino gehiagoko 500 pertsona bildu dira, eta Euskaditik berrikuntza teknologikoarekin konprometitutako komunitate aktiboa sendotu da
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.