92 euskal enpresask 31,848 milioi inbertitzen dituzte makineria aurreratuan Renove Industria 4.0 laguntza-programa berriaren bidez
Eusko Jaurlaritzaren laguntza-ekimenak 4 milioiko aurrekontua du eta industria-iraultza berria deritzoneko proiektuetarako makineria eta ekipamendu aurreratuaren erosketa sustatzea du helburu
92 euskal enpresak 4.0 Industriaren apustu egin eta 31,848 milioi euroko inbertsio berriak proposatu dituzte makineria aurreratuan, Eusko Jaurlaritzak joan den hilabetean enpresa-garapenerako agentzia SPRI Taldearen bitartez abiarazi zuen Renove Industria 4.0 programa berriaren babespean. Programa hau industria-iraultza berria deritzoneko proiektuetarako makineria eta ekipamendua erostera zuzenduta . Lehenengo edizio honetan dagoeneko itxita dagoen ekimen honek 4 milioi euroko aurrekontua du eta gehienezko dirulaguntzak 100.000 eurokoak izango dira enpresa bakoitzeko, eskatutako inbertsio-zenbatekoaren % 15.
92 enpresetatik, 98 proiektu dituzte, eta Renove programako laguntza-proposamena onartu dute. Horietatik 56 (61) Gipuzkoan daude, 25 (26) Bizkaian eta 11 (11) Araban. Euren proposamena onartuta ikusi duten konpainiek aurkeztutako aurrekontu globala 31,8 milioi eurotik gorakoa da. Programak dituen 4 milioietatik 2,57 Gipuzkoakoak izan dira, 0,85 Bizkaikoak eta 0,56 milioi Arabako enpresen proiektuetakoak.
Programa arrakastatsua izan da, 234 proiektu aurkeztu baitira, 134 Gipuzkoan, 69 Bizkaian eta 31 Araban.
Makineria edo ekipamendu aurreratua (Hardwarea zein Softwarea) erosten laguntzea da programako laguntzen helburua, Euskadiko Autonomia Erkidegoko manufakturako industria-enpresetan Fabrikazio Aurreratuaren arloko teknologiak aplikatzea xede duten 4.0 Industriako proiektuak inplementatzeko.
Hartara, makineria edo ekipamendu aurreratu honek (Hardwarea zein Softwarea) trebatzailea izan beharko du, eta 4.0 Industriaren arloko proiektuak gauzatzen lagundu beharko die Euskal Autonomia Erkidegoko industria-enpresei berrikuntza handi-handiko teknologien inguruan: analitika aurreratua, IIoT edota fabrikazio aurreratua, besteak beste. Laburbilduz, ekoizpenaren arloko 4.0 makineriarik ohikoenaz gain (tornuak, fresagailuak, artezteko makinak, etab.), proiektuetan aurkezten diren ekipamendu aurreratuek (Hardwarea zein Softwarea) talde hauetakoak izan behar dute: sentsorika, robotika, errealitate areagotuko betaurrekoak, sareko zein komunikazioko HW/SW ekipamendua edo bestelakoak, enpresen lantegi nahiz ekoizpen-prozesuen digitalizazioaren aldeko bilakaera erraztuz.
Horrela, diruz lagun daitezkeen proiektuek teknologia jakin batzuk erabili behar dituzte: Big Data eta analitika aurreratuko teknikak barne dituen fabrikazio aurreratua; fabrikazio aditiboa; langileekin denbora errealean lankidetzan diharduten robot konektatuak tarteko dituen robotika aurreratu eta kolaboratiboa; lantegiaren barruan era guztietako gailu eta makinen Interneterako konektibitatea sentsorizatu eta bermatzea ahalbidetzen duten IIoT (Industrial Internet of Things) proiektuak, edota lantegiko makinei eta ekipamenduei ikasten eta modu autonomoan erabakiak hartzen lagunduko dien industria-inguruneari zuzendutako Adimen Artifiziala.
Gainera, laguntza ematen zaie konputazio eta konektibitate aurreratuko gaitasunez hornitutako osagaiak, objektu fisikoak nahiz lantegiko makineria txertatu eta enpresaren balio-kateko objektu adimendunak bihurtzen dituzten sistema ziber-fisikoen proiektuei; mundu simulatuetan zein inguru birtualetan egiazko egoerak birsortzea ahalbidetzen duten Errealitate Birtualeko proiektuei; gailu batean sartutako informazio grafikoaren laguntzaz, erabiltzaileari egiazko munduaren zati bat bistaratzea ahalbidetzen dien teknologiez hornitutako Errealitate Areagotuko proiektuei, eta objektu edo sistema baten erreplika birtuala sortu eta egiazko objektuak egoera jakin batzuetan duten portaera aztertu eta monitorizatzeko aukera ematen duten biki digitalen (Digital Twins) proiektuei.
Makineria berriak eta ekipamendu aurreratuak 50.000 euroko gutxieneko kostua izan behar dute (BEZ gabe) eta 2019ko urtarrilaren 1etik aurrera nahiz erosi ondorengo 12 hilabeteen barruan entregatu edo abian jarritakoak izan behar dute.
Lotutako albisteak
Digitalizazioa eta pentsamendu kritikoa: honela bizi izan da CodeOKen 1. edizioa Euskadiko ikasgeletan
280 ikastetxetako, 12 eta 16 urte arteko ia 5.000 ikasle eta 600.000 jarduera baino gehiago bildu ditu CodeOK 2024-2025en lehen edizioak. Hezkuntza Sailak eta GAIA Klusterrak bultzatutako ekimenak digitalizazioa eta pentsamendu konputazionala Euskadiko ikasgeletara eraman ditu, erronketan, gamifikazioan eta benetako problemak ebazten oinarritutako metodologia berritzailearekin.
Epea eta aurrekontua zabaldu ditugu, adimen artifizialeko teknologiak barne hartzen dituzten eta Euskadiko enpresen datuen azpiegitura optimizatzen duten proiektuak babesteko.
Laguntza horiek Europar Batasunak finantzatzen ditu NextGenerationEU berreskuratze-planaren bidez, pandemiak eragindako kalteak konpontzeko eta etorkizun jasangarriago, digitalago eta erresilienteago baten oinarriak ezartzeko. Espainian, funts horiek Berreskurapen, Eraldaketa eta Erresilientzia Planaren bidez kudeatzen dira.
Horizon Europe 2025: 7.300 milioi euro enpresa berrikuntza bultzatzeko Europan
SPRI-ren eskutik, EEN sarearen euskal nodoaren koordinatzaileak garen aldetik, euskal enpresei Horizon Europe programan parte hartzen laguntzen diegu. Enterprise Europe Network (EEN) Europako sare bat da, ETEen hazkundea eta nazioartekotzea bultzatzen duena
Iritsi da zure datuak eta zerbitzuak hodeira migratzeko unea. Aprobetxatu euskal enpresentzako Kloud laguntza
Kloud programak Euskadiko enpresei haien zerbitzu edo azpiegitura informatikoak Cloud ingurune komertzialetara migratzeko aukera eskaintzen die. Horretarako, enpresa bakoitzeko 50.000 € arte eskaintzen du hodeirako migrazio-prozesu osoa diseinatzen eta ezartzen lagunduko dien kanpoko enpresa bat kontratatu ahal izateko. Azaroaren 10ean amaituko da laguntza hori eskatzeko epea.
ApplAI 2025 Kongresuak Adimen Artifizial Aplikatuaren erreferente gisa finkatu du Euskadi nazioartean
230 erakunde baino gehiagoko 500 pertsona bildu dira, eta Euskaditik berrikuntza teknologikoarekin konprometitutako komunitate aktiboa sendotu da
Eusko Jaurlaritzak 13,65 milioi euro bideratuko ditu enpresen berrikuntzara
SPRI Taldeak maiatzean zabalduko ditu Fast Track Innobideak, Hazinnova eta BDIH Konexio programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Mikel Jauregi Industriako sailburuak Aernnova enpresa bisitatu du, soluzio aeronautiko aurreratuetan liderra
Aernnova enpresak Araban du egoitza, eta lider espezializatua da aeroegituren eta horien osagaien diseinuan, fabrikazioan, mantentze-lanetan eta zerbitzuetan. Ia 6.000 langile ditu 7 herrialdetan, eta 2025ean 1.000 milioitik gorako fakturazioa izatea espero du.
ETEentzako produktuen eta prozesuen berrikuntza babesten dugu Hazinnovarekin
Hazinnova euskal ETE-ei doako aholkularitza eskaintzen dien programa da, produktu eta prozesuetan berrikuntza-mikroproiektuak bultza ditzaten. Eska ezazu 2025eko maitzaren 6tik urriaren 29ra.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.