500 milioiko maileguak euskal industriaren eskura
SPRI Taldearen jardunaldi batean aurkeztu dira gobernu zentralak inbertsio industrialerako bultzatutako finantzaketa-programak
4.0 Industriarako programak aukera ugari eskaintzen ditu, zeren Industria Ministerioko Gabriel Galánek dioen bezala, “historikoki ez da agortu 100 milioiko aurrekontua”
Aurten 500 milioitik gorako maileguak jarriko dira euskal industriaren eskura, euren proiektuak garatu ditzaten gobernu zentralak bultzatutako programen barruan, zeintzuetan kolaboratzaile bezala parte hartzen baitu SPRI Taldeak, enpresen garapenerako euskal agentziak. Asteazken honetan azaldu dira finantzaketa hori eskuratzeko aukerak SPRI Taldeak Bilbon antolatutako jardunaldi batean, non bertara bildutako enpresetako zuzendaritza-kargu ugariek hainbat galdera eta zalantza aurkeztu baitituzte.
Iñaki Tellecheak, SPRI Taldeko Enpresa Sustapeneko zuzendariak, eman dio hasiera jardunaldi informatiboari, esanaz gobernu zentralaren programa hauek erabiltzen direla “industriak Euskadin duen garrantziaren arabera, zeina %10ekoa baita”. 2013tik hona, euskal enpresen 40 proiektu-eskaera tramitatu dira, batez beste 900.000 euroko maileguak lortu direlarik proiektu bakoitzeko. “Baina, kasuren batean, 22 milioi eurorainoko laguntzak ere jaso dira proiektu bakar baterako” aipatu du Tellecheak.
Finantzaketaren %70 produkzio-ildoak hobetu edo zabaltzeko proiektuentzat izan da eta Gipuzkoatik egin dira eskaera gehien, aurkeztutako proiektu guztien %50 guztira.
Gabriel Galánek, Industria Ministerioko Industria eta ETE Zuzendaritza Nagusiko zerbitzu buruak, azaldu du zeintzuk diren inbertsio industriala finantzatzeko programak. RCI da garrantzitsuena, duela 20 urte sortua eta urtean 400 milioi euroko zuzkidura duena. Maileguak manufaktura sektorerako dira eta aurten nobedade bezala aipatzekoa da hondakinen balorizazio proiektuak sartu direla. Enpresa handi zein txikiek eska ditzakete laguntza hauek. “Finantzatzen dira proiektu industrial berriak, toki-aldatzeak, produkzio-ildoak hobetzeko proiektuak eta 4.0 Industriaren inplementazioa” esan du Galánek.
Gutxieneko aurrekontua 100.000 eurokoa da eta mailegua %75erainokoa izan liteke, aurten lehenbizikoz %1,6ko interes-tasa finkoarekin. Iaz Euskadin 35 milioi euro banatu ziren 23 proiektu finantzatzeko. Aurkezpen epea zabalik dago urtarrilaren 31ra arte, martxoaren amaieran jakinaraziko da laguntza eman den eta ekainean egingo da ordainketa.
Gabriel Galánek orobat aipatu du 4.0 Industriaren programa. “Berria da eta hirugarren deialdia beteko du aurten”, 100 milioi euroko aurrekontua du 2019an eta laguntzak ematen ditu fabrikazio gehigarriaren, robotikaren eta, besteak beste, sentsore integratuen sektoreetarako. “Software batekin lotutako lan-kostuak finantzatzen dira batez ere: langileak, materiala edo ikerketa.
Enpresa bakoitzak 10 milioiko finantzaketa jaso dezake gehienez eta konpainiak 3 urteko antzinatasuna izan behar du gutxienez. Finantzaketa %80rainokoa izan liteke, zeroko interes-tasarekin. Aukera asko dituen programa bat da, zeren, Galánek dioen bezala, “historikoki ez da agortu 100 milioi euroko aurrekontua”. Aurreratu du aurten bi deialdi egingo direla, lehen eta hirugarren hiruhilekoetan, eta ordainketak maiatzean eta ekainean egingo direla.
Bi programa horiez gain, halaber aipatzekoa da klusterrei laguntzeko programa, ia 9 milioi euroko aurrekontua duena, zeinak milioi erdirainoko diru-laguntzak ematen baititu ikerketa industrialerako eta garapen esperimentalerako. Programa hori maiatzean irekiko da eta ordainketa abenduan egingo da. Industria Ministerioko teknikariak hizpide hartu ditu baita ere Enisak (Estatuko berrikuntza enpresak) ETEei ematen dizkien laguntzak. “Urte osoan zabalik dagoen leihatila bat da, eta batez ere finantzatzen ditu jarduera berritzailea garatu behar duten enpresen hastapenak. Mailegu parte-hartzaileak dira, batez beste 125.000 eurokoak enpresako”.
Lotutako albisteak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Eusko Jaurlaritzak Gauzatu Industria programa aktibatu du 28 milioi eurorekin
Oinarri teknologiko eta berritzailea duten enpresa txiki eta ertainen sorrera eta garapena bultzatzeko
Eusko Jaurlaritzak bi mila milioi euro baino gehiago aktibatu ditu muga-zergen eta merkataritzaren gerrari aurre egiteko neurrien lehen sortan
Lehendakariak azpimarratu du Euskadi prest dagoela egoera horri aurre egiteko, eta dei egin die Euskal Autonomia Erkidegoko eragile guztiei egoera horri batasunetik aurre egiteko
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Industria Erronka-k 700 ikasle baino gehiagok industria-enpresa bat izatea simulatzea ahalbidetzen du
Industria Erronka Bizkaiko Foru Aldundiaren eta Eusko Jaurlaritzaren laguntzari esker posible da, SPRI - Euskal Enpresen Garapenerako Agentziaren bidez
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
Euskadik bere automobilgintza sektoreko industria indartuko du errepideko garraioaren deskarbonizazio adimendunerako laguntza-programa berri batekin
Eusko Jaurlaritzak "Emisio Txikiagoko Ibilgailuak" laguntza-programa aurkeztu du Industriaren Defentsarako Taldearen baitan, euskal automobilgintzaren sektoreak egungo muga-zergen gerraren testuinguru globalean dituen erronkei erantzuteko