4.0 Industria eta Zibersegurtasun arloetako erreferentziazko ekitaldiek bat egingo dute aurten BEC-en, azaroaren 20 eta 21ean
Basque Industry 4.0-The Meeting Point ekitaldiaren seigarren edizioak eta Basque Cibersecurity Day jardunaldiak protagonismo handiagoa emango diote erakusketa-guneari
4.0 Industria eta Zibersegurtasun arloetako erreferentziazko ekitaldiek bat egingo dute aurten BECen, azaroaren 20 eta 21ean. Hala, Basque Industry 4.0 eta Basque Cibersecurity Day ekitaldiek euren helburuak berrituko dituzte protagonismo gehiago emanez erakusketa-guneari, euskal industrian duten presentzia nabarmenagatik. Eta biek mantentzen dute orain arte izan duten helburua: Euskadi Europako erreferente bihurtzea etorkizun hurbilean funtsezkoak izango diren bi arlotan, Zibersegurtasunean eta 4.0 Industrian.
“Basque Industry 4.0-The Meeting Point” jardunaldiak bere seigarren edizioa egingo du aurten, eta urteroko hitzordu bezala egonkortu du bere burua, arlo horretako eragile garrantzitsuenek (erakunde publikoek, enpresek, klusterrek, teknologi zentroek eta unibertsitateek) gogoeta egiten dezaten 4.0 Industriaz. Ekitaldi honek sona handia lortu du nazioartean. Iazko edizioan Europako Batzordeak ekitaldi horren data berean egin zuen espezializazio adimenduneko hiru plataformen (S3Platforms) lehen bilera bateratua. Hain zuzen, Berrikuntza eta Fabrikazio Aurreratuko (GROW ZN) zuzendari Slawomir Tokarsi-k berak eman zuen Kongresuko hitzaldietako bat, eta Batzordearen web orriak gonbita luzatu zuen Basque Industry 4.0 ekitaldian parte hartzeko.
Une honetan Kongresuaren egitaraua prestatze-fasean dago, eta aurten ekitaldiak protagonismoa partekatuko du 4.0 Industriaren barruan funtsezkoa den beste gai batekin, hain zuzen, zibersegurtasunarekin. Baina erakusketa-guneak, iaz 135 enpresa bildu zituenak, presentzia handiagoa izango du.
Bertan izango dira, orobat, 4.0 Industria eta zibersegurtasun arloetako atzerriko pertsona ezagunak eta Bind 4.0 programaren aurtengo edizioko startup teknologikoek ere beren txokoa izango dute.
Iazko “Basque Cybersecurity Day” jardunaldiaren lehen edizioa sorpresa atsegina izan zen nazioarteko eragileentzat, bai hizlarien mailagatik eta bai parte-hartzaileak erakartzeko gaitasunagatik. Iazko lehen saiakeran zibersegurtasun arloko erreferentziazko ekitaldi bihurtu zen Europa hegoaldean, eta horri esker, Zibersegurtasuneko Euskal Zentroak (BCSC) aukera izan zuen protagonista bezala parte hartzeko San Frantziskoko RSA Conference ekitaldian (Estatu Batuetan gai horri buruz egiten den kongresuan).
Ekitaldi bateratuaren egitaraua oraindik zehaztu gabe badago ere, Basque Cibersecurity Day jardunaldiak berriro bilduko ditu aurten zibersegurtasun arloko hornitzaileak eta erabiltzaileak, eta agerian jarriko du zein garrantzitsua eta beharrezkoa den horrelako mehatxu berrietatik babestea, bai enpresa barruan eta bai bizitza sozialaren edozein esparrutan.
Lotutako albisteak
Epea eta aurrekontua zabaldu ditugu, adimen artifizialeko teknologiak barne hartzen dituzten eta Euskadiko enpresen datuen azpiegitura optimizatzen duten proiektuak babesteko.
Laguntza horiek Europar Batasunak finantzatzen ditu NextGenerationEU berreskuratze-planaren bidez, pandemiak eragindako kalteak konpontzeko eta etorkizun jasangarriago, digitalago eta erresilienteago baten oinarriak ezartzeko. Espainian, funts horiek Berreskurapen, Eraldaketa eta Erresilientzia Planaren bidez kudeatzen dira.
Iritsi da zure datuak eta zerbitzuak hodeira migratzeko unea. Aprobetxatu euskal enpresentzako Kloud laguntza
Kloud programak Euskadiko enpresei haien zerbitzu edo azpiegitura informatikoak Cloud ingurune komertzialetara migratzeko aukera eskaintzen die. Horretarako, enpresa bakoitzeko 50.000 € arte eskaintzen du hodeirako migrazio-prozesu osoa diseinatzen eta ezartzen lagunduko dien kanpoko enpresa bat kontratatu ahal izateko. Azaroaren 10ean amaituko da laguntza hori eskatzeko epea.
ApplAI 2025 Kongresuak Adimen Artifizial Aplikatuaren erreferente gisa finkatu du Euskadi nazioartean
230 erakunde baino gehiagoko 500 pertsona bildu dira, eta Euskaditik berrikuntza teknologikoarekin konprometitutako komunitate aktiboa sendotu da
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
Adimen artifiziala, blockchaina eta zibersegurtasuna izango dira Elkargiko 35. Enpresa Topaketaren erdigunean
Ekitaldia apirilaren 10ean izango da Donostiako Kursaal Jauregian