Albisteak 19 urtarrila, 2023

SPRI Taldeak I+G industrialeko 1.100dik gora proiekturentzako laguntzak kudeatuko ditu aurten

Hazitek eta Elkartek programen barruan kokatzen dira, arlo honetako programa garrantzitsuenetan, eta 2022an 137 milioi euroko zuzkidura izan zuten bien artean
-

Aurten SPRIk 129 milioi euroko aurrekontu propioa ez ezik, baita ere kudeatuko ditu Eusko Jaurlaritzako Ekonomi Garapen, Jasangarritasun eta Ingurumen Sailaren (zeinaren menpe baitago) beste baliabide batzuk, hala nola I+G industrialeko programa garrantzitsuenen -Hazitek eta Elkartek- zuzkidurak, zeintzuen bidez asmoa baita 1.100dik gora proiektu bultzatzea. Kopuru horren zati handiena —Estrategia Empresarial aldizkariak urte honetarako onartutako aurrekontuak kontuan hartuta argitaratu duenaren arabera– funtsezko lau arlotara bideratuko da: enpresen sustapena, teknologia, berrikuntza eta jasangarritasuna, eraldaketa digitala eta nazioartekotzea.

Hala, Eusko Jaurlaritzaren Ekonomi Garapen, Jasangarritasun eta Ingurumen Sailaren menpeko erakunde honek 105 milioi erabiliko ditu operazio korronteetarako eta kapitaleko operazioetarako transferentzia eta dirulaguntzatan, eta Euskadiko sektore publikoko erakundeak, enpresak, antolakundeak eta baita ere partikularrak (beken bidez) izango dira kopuru horren hartzaileak.

Besteak beste, SPRIk ia 11 milioi euro bideratuko ditu Nazioartekotzeko Euskal Agentziara, eta milioi bat BIC Araba–Arabako Enpresa eta Berrikuntza Zentrora. Bestalde, 14,3 esleituko ditu eraldaketa digitala bultzatzeko, Industria Digitala, Basque Industry 4.0 eta Zibersegurtasun Industriala programen bitartez, eta 3,5 milioi bideratuko ditu Ekintzaile programara eta 1,3 milioi Zabaldu programara. Nazioarteko beken programak 4,6 milioiko aurrekontua izango du, eta Global Training programak bost milioikoa. Horrez gain, 6,5 milioi euro zuzenduko ditu 4.0 Industria programara, eta ia hiru milioi Innobideak Estrategiara.

SPRIk hainbat helburu eta ekintza markatu ditu urte honetarako, eta adierazleen bidez kuantifikatu ditu. Enpresen sustapen arloan, baliabideak zuzenduko dira ekintzailetzara, klusterren dinamizaziora, industriaren garapenera eta Invest in The Basque Country sailera.

Enpresentzako laguntzak

 Asmoa da 80 Ekintzaile eta 60 Barnekintzaile proiektu onartzea, eta 700 startup eskatzaile eta 70 enpresa kolaboratzaile lortzea BIND 4.0 start up!, Basque Industry 4.0 eta Accelerator Program programetan. Horrezaz gain, 10 laguntza eman nahi dira Aurrera abalen bidez, eta beste hainbeste Basque funtsaren bidez. Helburua da halaber Gauzatu Industria programaren bitartez 50 enpresarentzako laguntzak banatzea, 75 milioi euroko inbertsio induzitua eragitea eta 500 enplegu sortzea. Era berean, 50 proiektu onartu nahi dira Industria 4.0 programan.

Garapen industrialari dagokionez, SPRIk ahalegina egingo du 20 proiektu onartzeko finantzaketa-prozesuetan aholkularitza eta laguntza ematen duen Lortu programaren esparruan. Bestalde, sozietateak laguntza emango die 16 klusterri –zeintzuek 3,57 milioi euroko dirulaguntza jasoko baitute- bostehun bat ekintza garatzeko.

Eta, Invest in The Basque Country ekimenari dagokionez, asmoa da atzerriko  zuzeneko inbertsioko 80 proiektu kudeatzea, 16 ekimen zehaztea, 50 milioi euroko inbertsio bolumena lortzea eta 500 lanpostu sortu edo mantentzea.

Teknologia, berrikuntza eta jasangarritasun arloan aipatzekoak dira I+G industriala bultzatzeko bi programa garrantzitsuenen -Hazitek eta Elkartek- helburuak. Iaz 137 milioi euroko zuzkidura izan zuten bien artean.

Hazitek programaren esparruan, 775 enpresaren 750 proiektu lagundu nahi dira produktuak, prozesuak edo zerbitzuak garatzeko. Gainera, helburua da lankidetzan garatutako 267 lehiakortasun-proiektu babestea eta beste 550 martxan jartzea ZTBESeko agenteen parte-hartzearekin.

Era berean, ahalegina egingo da laguntza emateko oinarri teknologikoko enpresak (NEBT) abiarazteko 15 proiekturi eta hogei bat enpresari. Bestalde, laguntza eman nahi zaie lankidetzan garatutako 35 proiektu estrategikori, eta bakarkako beste biri. Guztira, 180 enpresa babestu nahi dira euren proiektu estrategikoak aurrera atera ditzaten, eta 280 milioi euroko inbertsio induzitua eragin nahi da enpresako I+G arloan. Elkartek programari dagokionez, helburua da arlo estrategikoetako 35 proiektu kolaboratibo lortzea eta beste 20 potentzial industrial handia dutenak; interes bereziko zortzi ekintza laguntzea eta 70 agenteren lana babestea. Orobat aipatzekoa da I+G-ren nazioartekotzea bultzatzeko kudeaketa-lana -zeinaren helburuak baitira bi partzuergotan parte hartzea-, ZTBESeko 62 agenteren partaidetza nazioarteko proiektuetan eta 65 euskal enpresaren kolaborazioa EBren esparru programako proiektu europarretan.

Berrikuntza

 Aurreko guztiaz gain, garrantzitsuak dira orobat berrikuntzarako laguntzak. Esaterako, Innobideak eta Hazinnova programen bidez ematen direnak. Innobideak programaren xedea da 40 proiektu onartzea produktu edo zerbitzuak berritzeko eta beste 150 prozesuak berritzeko; horietatik 5 Horizonte Europa programaren deialdietan parte hartzeko prestatzera bideratuta egongo dira. Hazinnova programak, zeinaren xedea baita enpresa txikietan berrikuntza bultzatzea hurbileko agenteen laguntzarekin, helburutzat du 500 proiektu onartzea.

Eraldaketa digitaleko arloari dagokionez, aipatzekoa da Adimen Artifizial Aplikatuko programan (BAIC barruan) helburua dela 70 enpresa laguntzea eta bultzada bat ematea dokumentuak entregatu eta gordetzeko Metaposta postontzi digitalari, zeinak 200.000 erabiltzaile berri baititu. Era berean, asmoa da Basque CyberSecurity Centre-k (BCSC) dozena bat proiektu gauzatu edo babestea, bai I+G+B-koak eta baita ere babes digitala indartzekoak.

Azkenik, nazioartekotzeari dagokionez, aipatzekoak dira proiektuak abiarazteko ekintzak. Esaterako, esportatzeko potentziala duten ETEei laguntzeko oinarrizko Zabaldu  programarenak (200 konpainiarentzat), erregularki esportatzen duten ETEei laguntzeko Sakondu programa aurreratuarenak (90) eta merkataritza, produkzio nahiz zerbitzuetako atzerriko ezarpenei laguntzeko Gauzatu IE programarenak (zortzi enpresa). Era berean, nazioartekotzean espezializatzeko BEINT beka programak 100 pertsona lagunduko ditu, eta Global Training mugikortasun bekak, berriz, 400.

Lotutako albisteak

Jauregiren  esanetan,  Orona  EB2030  proiektua  “Eusko  Jaurlaritzan  garatzen  ari  garen  industria  politikaren  adibiderik  onena  da”

Jauregiren esanetan, Orona EB2030 proiektua “Eusko Jaurlaritzan garatzen ari garen industria politikaren adibiderik onena da”

Orona enpresak bere instalazioak handitu ditu, Hernaniko egoitzari "Estubegi" izeneko lurzati bat gehituta. 60.000 m2-ko lurzoru estrategikoa da, 30.000 m2-ko edukiera eraikigarria du eta egungo kokalekuen kokagune logistiko eta industrial berean integratuta dago. Horri esker, industria-gaitasunen kudeaketa globala harmonizatu ahal izango da, bai eta Oronak testuinguru globalean duen lehia-posizioaren lidergoa...

“Euskadi  eraldatuz  2030”  abian  jarri  da,  Euskal  Finantza  Aliantzaren  1.000  milioi  euroak  euskadiren  eraldaketa  ekonomikoaren  alde  bideratzeko
01/10/2025 Finantziazioa

“Euskadi eraldatuz 2030” abian jarri da, Euskal Finantza Aliantzaren 1.000 milioi euroak euskadiren eraldaketa ekonomikoaren alde bideratzeko

Imanol Pradales lehendakariak, Noël d’Anjou Ogasun eta Finantzetako sailburuak eta Mikel Jauregi Industria, Trantsizio Energetiko eta Jasangarritasuneko sailburuak gaur goizean aurkeztu dute inbertsio-plan berri hori

Eusko  Jaurlaritzak  industria-eraldaketarako  eta  kalitatezko  lanpostuak  sortzeko  “Industria  Plana-Euskadi  2030”  onartu  du

Eusko Jaurlaritzak industria-eraldaketarako eta kalitatezko lanpostuak sortzeko “Industria Plana-Euskadi 2030” onartu du

Eusko Jaurlaritzak 3.900 milioi euro bideratuko ditu Plan honetara legegintzaldian, eta, horri esker, 12.000 milioi euroko inbertsio pribatua egin ahal izango da. Beraz, inbertsio publiko-pribatuko 15.900 milioi euro mobilizatuko dira guztira.

Eusko  Jaurlaritzak  Fabrikazio  Aurreratuaren  sektorearekin  egin  du  bilera  muga-zergen  eragina  ebaluatzeko

Eusko Jaurlaritzak Fabrikazio Aurreratuaren sektorearekin egin du bilera muga-zergen eragina ebaluatzeko

Mikel Jauregi: “fabrikazio aurreratuaren sektoreak hazkunde-egoerari egin behar dio aurre AEBko merkatuaren ziurgabetasuna kontuan hartuta; ziurtasunak eskaini nahi ditugu une konplexu honetan”

Industria  sailburua  EMO  Hannoverren  dauden  32  euskal  enpresen  alboan  izan  da

Industria sailburua EMO Hannoverren dauden 32 euskal enpresen alboan izan da

Azken hamarkadan, Eusko Jaurlaritzak makina-erremintaren sektoreari SPRIren bitartez lagundu dio: 91 milioi euroko dirulaguntzaren bidez 850 milioi eurotik gorako inbertsio pribatua egin da eta 2.000 enpresa baino gehiago babestu dira

Eusko  Jaurlaritzak  automobilgintzaren  sektorea  bildu  du,  muga-zergen  eragina  eta  laguntza-neurri  berriak  aztertzeko

Eusko Jaurlaritzak automobilgintzaren sektorea bildu du, muga-zergen eragina eta laguntza-neurri berriak aztertzeko

Mikel Jauregi: “une konplexu honetan ziurtasuna eskaini nahi dugu. Gure konpromisoa da enplegua babestea eta gure enpresei laguntzea muga-zergen erronketara eta automobilgintza jasangarriagorako trantsiziora egokitzen”

2025-2030  aldiko  Sare  Elektrikoen  Plangintza  berriaren  zirriborroak  %  40  baino  gehiago  handitu  du  Euskadiko  potentzia

2025-2030 aldiko Sare Elektrikoen Plangintza berriaren zirriborroak % 40 baino gehiago handitu du Euskadiko potentzia

Euskal industriak datozen urteetan izango dituen energia-beharrak asetzeko elektrizitate-hornidura bermatuko du Eusko Jaurlaritzak

AVS:  Konpromisoa  berrikuntzarekin  eta  euskal  industriarekin

AVS: Konpromisoa berrikuntzarekin eta euskal industriarekin

Mikel Jauregi Industriako sailburuak AVSren instalazioak bisitatu ditu Miñanoko Arabako Parke Teknologikoan

Imanol  Pradales:  “Lanbide  Heziketak  etorkizuna  jokoan  dugun  berrindustrializazioan  laguntzen  jarrai  dezan  egokitu  eta  asmatu  behar  dugu”

Imanol Pradales: “Lanbide Heziketak etorkizuna jokoan dugun berrindustrializazioan laguntzen jarrai dezan egokitu eta asmatu behar dugu”

Euskadiko Lanbide Heziketa ekonomia-garapenaren eta gizarte-kohesioaren funtsezko palanka gisa sendotu da, ikasleek %90 inguruko enplegagarritasuna dute eta 20.000 enpresa baino gehiagorekin lankidetza estuan ari da

Eusko  Jaurlaritzak  abian  jarri  ditu  gaur  egungo  muga-zergen  egoerari  erantzun  publiko-pribatua  emateko  lehen  3  mahai  sektorialak
11/09/2025 Kluster politika

Eusko Jaurlaritzak abian jarri ditu gaur egungo muga-zergen egoerari erantzun publiko-pribatua emateko lehen 3 mahai sektorialak

Lehentasunezko hiru sektoretan egingo dira: siderurgikoa, fabrikazio aurreratua eta automobilgintza

Joan blogera

Jarrai gaitzazu

Kanal espezializatuak eta eguneroko gaurkotasuna gure sareetan.