Albisteak 9 uztaila, 2025

Indarturen edizio berriak garapena eta jarduera ekonomikoa bultzatzen ditu beharrik handiena duten Euskadiko eremuetan

Industria, Trantsizio Energetiko eta Jasangarritasunaren Sailak, Spri Taldearen laguntzarekin, Indartu programaren 2025ko deialdia jarri du martxan. Programa honek 20 milioi euroko aurrekontua du enpresen ekoizpen arloko inbertsioari laguntzeko eta, hala, hazteko, enplegua sortzeko eta lehiakortasuna hobetzeko.
-

Laguntzak eskatzeko epea irekita egongo da 2025ko uztailaren 7tik abuztuaren 8ra.

Indartu 2025 programak bultzada bat eman nahi dio Euskadiko behar handieneko eremuetako jarduera ekonomikoari. Zehazki, Bizkaiko Ezkerralde Hedatuan kokatuta dauden enpresek eta Euskadiko batez besteko langabezia-tasa (% 7,5) edo handiagoa duten eskualdeetako enpresek eska ditzakete laguntzak.

Enpresa batek, gehienez, 3 milioi euroko dirulaguntza jaso dezake. Enpresa handiek, gutxienez, 1,5 milioi euroko inbertsioa egin beharko dute eta, ETE-ek, 200.000 eurokoa.

Laguntzak emateko orduan, enpleguaren sorrera da kontuan hartuko den beste faktore bat. Gutxieneko inbertsiora iritsi ezean, enpresa handiek gutxienez 25 lanpostu sortu beharko dituzte eta, ETE-ek, gutxienez 5 lanpostu. Horiek izango dira laguntzak jaso ahal izateko kontuan hartuko diren adierazleak.

 

Industria arloko inbertsioa, garapen ekonomiko eta sozialerako motor gisa

Industria-sektoreko ekoizpen arloko inbertsioa sustatzea funtsezko ardatz estrategikoa da euskal ekonomiaren hazkunderako.

Agerikoa da enpleguaren sortzaile garrantzitsua dela industria. Industria-sektorean egiten diren inbertsio publikoek lanpostuak sortzea bultzatzen dute, eta horrek gizarteko desberdintasunak murrizten ditu.

Gainera, eremuen arteko garapena orekatua izan dadin lagun dezake industrian inbertitzeak. Kasu honetan, laguntzak Bizkaiko Ezkerralde Hedatuko udalerrietara eta Euskadiko batez besteko langabezia-tasa edo handiagoa dutenetara mugatuta, bultzada bat ematen zaie aukera ekonomiko berriak sor ditzaketen enpresei.

Industria-sektoreko inbertsioak, gainera, berrikuntza teknologikoa eta produktu eta prozesu berrien garapena ahalbidetzen ditu. Enpresei mesede egiteaz gain, horrek efektu positiboak izan ditzake beste sektore ekonomiko batzuetan ere, eta Euskadiren lehiakortasuna eta posizionamendua hobetu ditzake mundu mailan.

Euskal industria sektore giltzarria da hazkunde ekonomikorako. Hortaz, azpiegiturak garatzeak eta modernizatzeak eta enpresa industrialen merkatuko produktibitatea eta lehiakortasuna hobetzeak Euskadiren hazkunde ekonomikoari laguntzen diote.

 

Hazteko eta zure enpresaren lehiakortasuna hobetzeko aukera

Indartu 2025 programak inbertsioak finantzatzen laguntzen du, enpresek aurrera egin dezaten eta sendotu daitezen.

Finantzaketa ez da faktore bakarra, baina baldintzatzaile bat da enpresak (batez ere, ETEak) hazi ahal izateko eta haien lehiakortasuna hobetzeko jarduketak martxan jartzeko.

Enpresa txikiek, ertainek eta handiek jaso ditzakete Indartu 2025 laguntza-programaren onurak. Enpresen neurriaren arabera, dirulaguntzaren zenbatekoa ezberdina izango da. Hala, ETE-ek egiten duten inbertsioaren % 15 jasoko dute gehienez, eta enpresa handiek % 10. Gainera, laguntza % 5 handiagoa izango da Bizkaiko Ezkerralde Hedatuan dauden udalerrietan inbertsioak egiten dituzten enpresentzat.

Enpresaren aktiboari gehituko zaizkion eta honakoekin lotuta dauden aktibo finkoen erosketa finantzatzen lagunduko du Indartu 2025 programak:

  • Jabetza industriala eta patenteak: berrikuntza eta aurrerapen teknologikoa eta ekonomikoa babesteko funtsezko inbertsioak.
  • Aplikazio informatikoak eta informazio-prozesuetarako ekipoak. Erosketagatik edo erabilera-eskubideengatik egindako inbertsioak.
  • Eraikinak, lursailak eta ondasun naturalak: enpresa handitzeko espazioak erostea, hala nola hiriko orubeak edo hirikoak ez diren lursailak.
  • Instalazio teknikoak, makinak eta tresneria: ekoizpen-prozesura gehitzeko ondasunak eta tresnak.
  • Beste instalazio batzuk, adibidez, biltegi logistikoak.

 

Zure enpresa kokatuta dagoen udalerriak laguntza eska dezakeen jakin nahi duzu?

Bi irizpide hartu behar dira kontuan Indartu 2025 laguntza eskatu ahal izateko.

Lehenik eta behin, Bizkaiko Ezkerralde Hedatuan kokatuta egon behar du enpresak. Honako udalerriak hartzen ditu barne eremu horrek: Abanto Zierbena, Alonsotegi, Artzentales, Balmaseda, Erandio, Galdames, Gueñes, Karrantza Harana, Muskiz, Ortuella, Portugalete, Santurtzi, Sestao, Sopuerta, Turtzioz, Trapagaran eta Zierbena.

Hauek dira gainerako udalerriak, beharra duten eremuan ez daudenak baina EAEko urteko batez besteko langabezia-tasa edo handiagoa dutenak:

  • Araban: Agurain/Salvatierra, Alegría-Dulantzi, Amurrio, Añana, Armiñón, Arratzua-Ubarrundia, Artziniega, Asparrena, Ayala/Aiara, Baños de Ebro/Mañueta, Barrundia, Berantevilla, Elburgo/Burgelu, Elciego, Elvillar/Bilar, Erriberagoitia/Ribera Alta, Iruña Oka/Iruña de Oca, Iruraiz-Gauna, Kripan, Kuartango, Labastida/Bastida, Laguardia, Lanciego/Lantziego, Lantarón, Lapuebla de Labarca, Laudio/Llodio, Leza, Moreda de Álava/Moreda Araba, Navaridas, Okondo, Oyón-Oion Ribera Baja/Erriberabeitia, Samaniego, San Millán/Donemiliaga, Valdegovía/Gaubea, Villabuena de Álava/Eskuernaga, Vitoria-Gasteiz, Yécora/Iekora, Zalduondo, Zambrana.
  • Bizkaian: Abadiño, Ajangiz, Amorebieta-Etxano, Amoroto, Arakaldo, Arantzazu, Areatza, Arrankudiaga-Zollo, Arratzu, Arrigorriaga, Artea, Atxondo, Aulesti, Barakaldo, Basauri, Bedia, Berango, Bermeo, Berriatua, Berriz, Bilbao, Busturia, Derio, Dima, Durango, Ea, Elantxobe, Elorrio, Ereño, Ermua, Errigoiti, Etxebarri, Etxebarria, Forua, Galdakao, Garai, Gautegiz Arteaga, Gernika-Lumo, Getxo, Gizaburuaga, Gordexola, Ibarrangelu, Igorre, Ispaster, Iurreta, Izurtza, Kortezubi, Lanestosa, Larrabetzu, Leioa, Lekeitio, Lemoa, Lezama, Loiu, Mallabia, Mañaria, Markina-Xemein, Mendata, Mendexa, Morga, Mundaka, Munitibar-Arbatzegi, Gerrikaitz, Murueta, Muxika, Nabarniz, Ondarroa, Orozko, Otxandio, Sondika, Sukarrieta, Ubide, Ugao-Miraballes, Urduña/Orduña, Zaldibar, Zalla, Zamudio, Zaratamo, Zeanuri, Zeberio, Ziortza-Bolibar.
  • Gipuzkoan: Bat ere ez.

 

Laguntzak eskatzeko epea irekita egongo da 2025ko uztailaren 7tik abuztuaren 8ra. Eskatu orain Indartu 2025 laguntzak!

Lotutako albisteak

2025-2030  aldiko  Sare  Elektrikoen  Plangintza  berriaren  zirriborroak  %  40  baino  gehiago  handitu  du  Euskadiko  potentzia

2025-2030 aldiko Sare Elektrikoen Plangintza berriaren zirriborroak % 40 baino gehiago handitu du Euskadiko potentzia

Euskal industriak datozen urteetan izango dituen energia-beharrak asetzeko elektrizitate-hornidura bermatuko du Eusko Jaurlaritzak

AVS:  Konpromisoa  berrikuntzarekin  eta  euskal  industriarekin

AVS: Konpromisoa berrikuntzarekin eta euskal industriarekin

Mikel Jauregi Industriako sailburuak AVSren instalazioak bisitatu ditu Miñanoko Arabako Parke Teknologikoan

Imanol  Pradales:  “Lanbide  Heziketak  etorkizuna  jokoan  dugun  berrindustrializazioan  laguntzen  jarrai  dezan  egokitu  eta  asmatu  behar  dugu”

Imanol Pradales: “Lanbide Heziketak etorkizuna jokoan dugun berrindustrializazioan laguntzen jarrai dezan egokitu eta asmatu behar dugu”

Euskadiko Lanbide Heziketa ekonomia-garapenaren eta gizarte-kohesioaren funtsezko palanka gisa sendotu da, ikasleek %90 inguruko enplegagarritasuna dute eta 20.000 enpresa baino gehiagorekin lankidetza estuan ari da

Eusko  Jaurlaritzak  abian  jarri  ditu  gaur  egungo  muga-zergen  egoerari  erantzun  publiko-pribatua  emateko  lehen  3  mahai  sektorialak
11/09/2025 Kluster politika

Eusko Jaurlaritzak abian jarri ditu gaur egungo muga-zergen egoerari erantzun publiko-pribatua emateko lehen 3 mahai sektorialak

Lehentasunezko hiru sektoretan egingo dira: siderurgikoa, fabrikazio aurreratua eta automobilgintza

Elkargik  eta  Kenta  Capitalek   lehenengo  zor  funtsa  jarri  dute  abian,  EAEko  eta  Nafarroako  enpresen  hazkundea  finakuntzatzeko
10/09/2025 Finantziazioa

Elkargik eta Kenta Capitalek  lehenengo zor funtsa jarri dute abian, EAEko eta Nafarroako enpresen hazkundea finakuntzatzeko

Elkargi eta Kenta Capital erakudenak urtebete baino gehiagoz lankidetzan aritu ondoren sortutako proiektu aitzindaria da eta Mirai Investments euskal taldeak gidatutako inbertitzaileen babesa izango duena.

Imanol  Pradales  lehendakariak  hasiera  eman  dio  ikasturte  politikoari

Imanol Pradales lehendakariak hasiera eman dio ikasturte politikoari

Trumpen kargek euskal industrian, lehen sektorean eta lehengaietan izango dituzten ondorioak aztertzen ari da Eusko Jaurlaritza

Taldekik  biosentsoreak  garatu  ditu  gaixotasunen  diagnostiko  aurreraturako

Taldekik biosentsoreak garatu ditu gaixotasunen diagnostiko aurreraturako

BereMELISA plataformak hamaika aukera eskaintzen ditu azterketa biomolekularrean

BAT  B  Accelerator  Tower-eko  20  enpresak  eta  startupek  hausnarketak  egin  dizkiote  Industria  Planari

BAT B Accelerator Tower-eko 20 enpresak eta startupek hausnarketak egin dizkiote Industria Planari

Jauregik FABRIKA Zentroa ere bisitatu du aste honetan

Euskadiko  startupek  beren  ekarpenak  egin  dizkiote  Industria  Planari

Euskadiko startupek beren ekarpenak egin dizkiote Industria Planari

Mikel Jauregi sailburuak parte-hartze saioa zuzendu du Industria Planari buruz, BIC Gipuzkoa, BIC Araba eta BIC Bizkaia zentroei atxikitako oinarri teknologikoko 25 startuparekin

Lehendakariak  Joxe  Mari  Korta  2025  saria  eman  dio  José  Antonio  Jainagari

Lehendakariak Joxe Mari Korta 2025 saria eman dio José Antonio Jainagari

Epaimahaiak, Mikel Jauregi Industria, Trantsizio Energetiko eta Jasangarritasuneko sailburua buru delarik, Jainaga saritu nahi izan du, enpresa sustraiekiko konpromisoarengatik, industria bikaintasunarengatik, berrikuntzarekiko apustuarengatik eta kalitatezko enplegua sortzeagatik

Joan blogera

Jarrai gaitzazu

Kanal espezializatuak eta eguneroko gaurkotasuna gure sareetan.