Eusko Jaurlaritzak Renove Industrialdeak Plana berritu du 3,1 milioi euro gehiagorekin eta ekarpen berezi bat esleitu du eremu ahulentzat
2019rako berritasun bezala, Renove Industrialdeak Planak 1,2 milioi euro bideratuko ditu Talka Planeko eremuetarako: Oarsoaldea eta Ezkerraldea.
Programa indarrean egongo da urriaren 30era arte edo aurrekontua agortu arte.
Eusko Jaurlaritzak 3,1 milioi euroko laguntza-ildo berri bat ireki du SPRI Taldearen bitartez (Sprilur) Industrialdeetarako Renove Planaren barruan. Laguntza-ildo horren helburua da aurrera jarraitzea neurri zuzentzaileak detektatu eta aplikatzen Euskadiko industrialde eta enpresa parke gehienetako egoera ahula hobetzeko.
Ikusirik zenbat eskaera jaso ziren aurreko deialdian (101 espediente, 64k aldeko ebazpena izan dutelarik) eta zein azkar agortu zen aurrekontua (2018ko abenduan amaitu zen), Eusko Jaurlaritzak beste zuzkidura bat onartu du Renove Industrialdeak Planarentzat, EAEko espazio eta azpiegitura industrialen sarea modernizatzeko eta berritzeko.
2019ko deialdiaren nobedadea da laguntza gehiago bideratu direla eremu ahulenetara (Talka-eremuak) eta orobat handitu egin direla Ekonomi Garapen eta Azpiegitura Sailak onartutako Eremu Ahuletarako Talka Planaren laguntzen gehienezko zenbatekoak eta portzentajeak. Eskainiko diren baliabide ekonomikoetatik (3,1 milioi euro), 1,2 milioi bideratuko dira Talka Planean jasotako eremu industrialetara: Muskiz, Trapagaran, Abanto eta Zierbena, Santurtzi, Sestao, Portugalete, Ortuella, Erandio eta Barakaldo Bizkaian, eta, Oiartzun, Lezo, Pasaia, Errenteria, Irun eta Hondarribia Gipuzkoan.
Laguntza-ildoen helburua da jarduera ekonomikoko guneetako lursail, urbanizazio, ekipazio, zuzkidura eta jabari publikoak Berrurbanizatu, Zaharberritu eta Birgaitzeko Proiektuak idatzi nahiz gauzatzea. Era berean, diruz lagunduko dira espazio horien gaineko Diagnostiko Azterketen erredakzioa eta euren kudeaketa integrala hobetzeko ekintzak, helburu honekin: administrazioen eta enpresen arteko erantzukidetasuna, lankidetza eta kudeaketa partekatua bultzatzea, jarduera ekonomikoetarako guneak egoki mantendu eta hobetu daitezen.
Renove Industrialdeak Plana beraizik zuzentzen zaie tokiko administrazioei, mankomunitateei, kontserbazioko hirigintza-erakundeei, jabe-komunitateei, enpresa elkarteei, enpresa pribatuei, partikularrei… Laguntzen onuradun izateko ezinbestekoa da Euskal Autonomia Erkidegoan helbideratuta egotea eta jasoko den dirulaguntza espreski erabiltzea Euskadiko enpresa-guneren batean garatuko diren proiektu eta ekintzetara.
Gainera, Talka Planean integratutako eremuen kasuan, laguntza gehigarriak emango dira eraikinak eraisteko eta lurrak deskontaminatzeko proiektuentzat, enpresek eta erabiltzaileek berritu, zaharberritu eta balioan jar ditzaten espazio horiek.
Laguntzen zenbatekoa
Dirulaguntzak onartutako gastu eta inbertsioen %50ekoak izango dira, gehienezko muga hauekin:
- 8.000 euro ekintza bakoitzeko, baldin ekintza bada Enpresarien Elkartea sortzea.
- 8.000 euro ekintza bakoitzeko, baldin ekintza bada Diagnostiko eta Premien Azterketak eta Mugikortasun Planak egitea.
- 50.000 euro ekintza bakoitzeko, baldin ekintza bada Proiektua idaztea.
- 150.000 euro ekintza bakoitzeko, baldin ekintza bada Proiektua gauzatzea.
- 200.000 euro ekintza bakoitzeko, baldin ekintza bada proiektua idaztea eta gauzatzea.
Talka Planaren barruko eremuetako eskaeren kasuan, goitik jota diruz lagundu daitezkeen jardueren %60 finantzatuko da, gehienez 300.000 euro emango direlarik laguntzako. Eusko Jaurlaritzak uste du aurtengo deialdian 50 eskaera inguru jasoko dituztela, horien artean daudelarik aurreko deialdian laguntzarik jaso ez zutenak kreditua agortu zelako. 2019an Renove Industrialdeak Plana berritzearen helburua da gure erkidegoko enpresa-guneetan kokatutako enpresen lehiakortasuna hobetzea, eurek sortzen dutelako ekonomia.
Lotutako albisteak
Euskadiko Parke Teknologikoak, 2024an 8.243 milioi euro, 2023an baino % 11,5 gehiago, fakturatu zituzten 673 enpresa ditu dagoeneko
23.600 pertsonak baino gehiagok, gehienak kualifikazio handikoak, egiten dute lan Euskadiko Parke Teknologikoko sei Campusetan instalatutako enpresaren batean
Eusko Jaurlaritzak Gauzatu Industria programa aktibatu du 28 milioi eurorekin
Oinarri teknologiko eta berritzailea duten enpresa txiki eta ertainen sorrera eta garapena bultzatzeko
Eusko Jaurlaritzak bi mila milioi euro baino gehiago aktibatu ditu muga-zergen eta merkataritzaren gerrari aurre egiteko neurrien lehen sortan
Lehendakariak azpimarratu du Euskadi prest dagoela egoera horri aurre egiteko, eta dei egin die Euskal Autonomia Erkidegoko eragile guztiei egoera horri batasunetik aurre egiteko
Metal 78 enpresa ezarrita, Arcelorrek Zumarragan zuen lantegiaren berregokitze industriala abian jarri da
Arcelorrek Zumarragan garai batean zuen fabrikan industria eremuaren berroneratze integrala eta berregokitzea egiteko prozesuaren barruan kokatzen da enpresaren ezarpena, eta Eusko Jaurlaritzak 25 milioi euro inbertituko ditu bertan
Industria Erronka-k 700 ikasle baino gehiagok industria-enpresa bat izatea simulatzea ahalbidetzen du
Industria Erronka Bizkaiko Foru Aldundiaren eta Eusko Jaurlaritzaren laguntzari esker posible da, SPRI - Euskal Enpresen Garapenerako Agentziaren bidez
Euskadik bere automobilgintza sektoreko industria indartuko du errepideko garraioaren deskarbonizazio adimendunerako laguntza-programa berri batekin
Eusko Jaurlaritzak "Emisio Txikiagoko Ibilgailuak" laguntza-programa aurkeztu du Industriaren Defentsarako Taldearen baitan, euskal automobilgintzaren sektoreak egungo muga-zergen gerraren testuinguru globalean dituen erronkei erantzuteko
Industria Defendatzeko Taldeak Euskadiko industriari laguntzeko lehen neurria onartu du
Industria Defendatzeko Taldeak lehen laguntza-programa bat aurkeztu du, “Emisio gutxiagoko ibilgailuak” erosteko, Euskadin errepideko garraioaren deskarbonizazio adimendunean aurrera egiteko eta, aldi berean, euskal industriarako funtsezkoa den sektore bati, automobilgintzari, laguntzeko
Eusko Jaurlaritzak Legazpiko garai bateko Sidenorren lantegia berroneratzeko bigarren fasea jarri du abian, Urola ibaia azaleratzeko eta ingurua berrurbanizatzeko obrekin
Obrak egiteko 13 hilabeteko epea aurrez ikusi da, eta 5 milioi euroko inbertsioa egingo da
Mikel Jauregi: “Mundu mailan zabaltzen ari den ziurgabetasunaren aurrean, Euskaditik multilateralismoaren aldeko apustua egiten dugu”
"Euskadi herri esportatzailea da, beraz muga-zergek eragina izango dute gure esportazioetan. Baina eragin hori nahiko txikia izango da"
Euskadik eta Kataluniak indarrak batu dituzte Europar Batasunaren berrindustrializazio prozesuan
Eusko Jaurlaritzak eta Kataluniako Generalitateak aldebiko topaketa egin dute, Euskadik eta Kataluniak industria-polo gisa duten estatusaren garrantzia nabarmentzeko, Atlantikoko eta Mediterraneoko eskualdeen buru diren heinean. Bi lurraldeek Estatuko industriaren arloko barne-produktu gordinaren % 25 biltzen dute, eta Europar Batasuneko eskualde industrializatuenen artean daude