Eusko Jaurlaritzak EUSKADI NEXT 2021-2026 PLANaren egungo informazioa helarazi die enpresa-elkarteei
- Tapia: “Gure baliabideak mugatuak dira, baina baditugu mekanismoak eta programak aztertzeko nola babestu behar ditugun benetan eraldatzaileak eta bideragarriak diren proiektuak, elkarlanean oinarritutakoak eta interes orokorrekoak badira”
- Azpiazu: “Helburua da Europak aurretik ezarri duen estrategiarekin lotzeko ardatzak errealismoz identifikatzea eta ahalik eta baliabide gehien gureganatzen saiatzea, hautaketa eta plangintza egokia eginda”
- Informazio gehiago
Arantxa Tapia Ekonomiaren Garapen, Jasangarritasun eta Ingurumeneko sailburuak eta Pedro Azpiazu Ekonomia eta Ogasuneko sailburuak Next Generation EU funtsen inguruan Eusko Jaurlaritzak antolatutako lan-jardunaldia ireki dute gaur goizean.
Helburua izan da informazioa Euskal Autonomia Erkidegoko azken ETEari ere helaraztea. Topaketa enpresa-elkarteei zuzenduta egon da. Bertan, pertsona kopuru mugatu batek parte hartu du Bizkaiko Teknologia Parkeko auditoriumean, baina Euskal Autonomia Erkidego osoko enpresa-arduradunek ere jarraitu dute streaming bidez.
Eusko Jaurlaritzarekin batera, honako hauek parte hartu dute jardunaldian ia bi orduz: Confebask, Adegi, Cebek, Sea, merkataritza-ganberak, industria-klusterrak, garapen-agentziak, ASLE, Metalaren Euskal Federazioa, Mondragon Taldea, Confekoop, Familia Enpresen Elkartea eta Elkargi.
Eusko Jaurlaritzak gardentasunez partekatu du eskura duen informazioa, eta Tapiarentzat informazio hori “itxura hartzen hasi da eta, hain zuzen ere, horregatik uste dugu lankidetza-dinamika bat indartzeko unea dela, Next Generation funtsetarako hautagai izan daitezkeen etorkizuneko proiektu pribatuak zehazteko; baita EAEko ETE-ek dagoeneko lantzen ari garen proiektu publikoetan duten zeregina aztertzeko ere”.
Tapiak eta Azpiazuk elkarlanerako dinamika trinkoagoa eta elkarrekikoagoa proposatu dute, kontuan hartuta zein fasetan sartzen garen. Hain zuzen, gero eta informazio fidagarriagoa eta errealitatera egokituagoa biltzen joango gara fase honetan. Eta Europako baliabideekin zuhurtzia eskatu dute, ez baitira ezagutzen Euskal Autonomia Erkidegoak zein bereganatu ahal izango dituen, baina ez etsitzeko konpromisoa hartu dute.
“Aktiboak izango gara, eta arintasunez eta adimenez jardutea eskatzen dugu; benetan ekiteko gai garen proiektuen alde lan egitea, Europatik zenbat diru datorren alde batera utzita”. Tapiak honako hau nabarmendu du: “Gure baliabideak mugatuak dira, baina baditugu mekanismoak eta programak, elkarlanean oinarrituak eta interes orokorrekoak izanik, benetan eraldatzaileak eta bideragarriak izango diren proiektuak nola babestu aztertzeko”.
Ildo beretik, Azpiazuk auditoriumean bildutakoei gogorarazi die bide hori elkarrekin egin behar dugula, eta lankidetza publiko-pribatua eta konpromiso publiko-pribatua direla arrakastarako berme bakarra.
Ekonomia eta Ogasuneko sailburuak hau gogorarazi du: “Funts honen oinarria Berreskuratze eta Erresilientzia Mekanismoa (BEM) da. Horren helburua da Batasunaren ekonomia-, gizarte- eta lurralde-kohesioa sustatuko duten erreforma eta inbertsioei ekitea, estatu kideen erresilientzia, hazteko ahalmena eta egokitzeko gaitasuna handituta, krisiaren eragin soziala eta ekonomikoa arinduta eta trantsizio ekologikoa babestuta; klima-neutraltasunarekin eta, baita, trantsizio digitalarekin lotuta EBk duen helburua lortzeko eta, horrela, konbergentzia ekonomikoa eta soziala gauzatzen eta enplegua sortzen laguntzeko”.
Horrela ekiten dio Euskal Autonomia Erkidegoak bere EUSKADI NEXT 2021-2026 Planari, Europako funtsak gauzatzeko. Hain zuzen, funts horiei buruz asko hitz egiten da, baina argitasuna falta da gai horretan aurrera egiteko.
Ministerioek helarazten dituzten egutegien arabera, euskal enpresa guztiak garaiz daude ekimen estrategiko eta eraldatzaile pribatuetarako proiektuak eta hautagaitzak zehazteko.
Tapia sailburuak ohartarazi duenez, horrek ez du esan nahi erreakzioak inprobisatzea eta kantitatean izugarria izango den eskaintza prestatzea izan behar duenik. Arrakasta ez da egongo proiektuen kopuruan, baizik eta EBk eta ministerioek ezarritako irizpideekin bat etorriko diren ekimenak izatean. Baina, batez ere, benetan proiektu eraldatzaileak direla Euskal Herriarentzat.
Eusko Jaurlaritzak enpresa-sare osoan ekonomia sortzeko aukera gisa ikusten ditu Next Generation EU planak, eta Tapiak lana Herrialde gisa kudeatzera deitu du: “Euskal Autonomia Erkidegoko enpresa-sarearen erakunde laguntzaile eta konplize gisa lan egin dezazuen eskatzen dizuet; zuen enpresa elkartuei programa horiek ‘irakurtzen’ eta berekin dakartena errealismoz eta erantzukizunez interpretatzen lagundu deizaiezuen”.
Azpiazuren ustez, Europak modu argian tasatu ditu ekintza-esparruak, “eta autonomia-erkidegoek Berreskuratze eta Erresilientzia Mekanismoaren funtsak kudeatzen hainbat bidetatik parte hartuko dutela ziurtatu zaigun arren, horiek ez dira oraindik zehaztu”. “Hala ere, badakigu —jarraitu du sailburuak— kontua ez da Amerika aurkitzea, baizik eta Europak aurrez finkatu duen estrategiarekin lotzeko gure ardatzak errealismoz eta pragmatismoz identifikatzea, eta ahalik eta baliabide gehien gureganatzen saiatzea, hautaketa eta plangintza egokia eginda”.
Lotutako albisteak
Eusko Jaurlaritzak Gauzatu Industria programa aktibatu du 28 milioi eurorekin
Oinarri teknologiko eta berritzailea duten enpresa txiki eta ertainen sorrera eta garapena bultzatzeko
Eusko Jaurlaritzak bi mila milioi euro baino gehiago aktibatu ditu muga-zergen eta merkataritzaren gerrari aurre egiteko neurrien lehen sortan
Lehendakariak azpimarratu du Euskadi prest dagoela egoera horri aurre egiteko, eta dei egin die Euskal Autonomia Erkidegoko eragile guztiei egoera horri batasunetik aurre egiteko
Industria Erronka-k 700 ikasle baino gehiagok industria-enpresa bat izatea simulatzea ahalbidetzen du
Industria Erronka Bizkaiko Foru Aldundiaren eta Eusko Jaurlaritzaren laguntzari esker posible da, SPRI - Euskal Enpresen Garapenerako Agentziaren bidez
Euskadik bere automobilgintza sektoreko industria indartuko du errepideko garraioaren deskarbonizazio adimendunerako laguntza-programa berri batekin
Eusko Jaurlaritzak "Emisio Txikiagoko Ibilgailuak" laguntza-programa aurkeztu du Industriaren Defentsarako Taldearen baitan, euskal automobilgintzaren sektoreak egungo muga-zergen gerraren testuinguru globalean dituen erronkei erantzuteko
Industria Defendatzeko Taldeak Euskadiko industriari laguntzeko lehen neurria onartu du
Industria Defendatzeko Taldeak lehen laguntza-programa bat aurkeztu du, “Emisio gutxiagoko ibilgailuak” erosteko, Euskadin errepideko garraioaren deskarbonizazio adimendunean aurrera egiteko eta, aldi berean, euskal industriarako funtsezkoa den sektore bati, automobilgintzari, laguntzeko
Mikel Jauregi: “Mundu mailan zabaltzen ari den ziurgabetasunaren aurrean, Euskaditik multilateralismoaren aldeko apustua egiten dugu”
"Euskadi herri esportatzailea da, beraz muga-zergek eragina izango dute gure esportazioetan. Baina eragin hori nahiko txikia izango da"
Euskadik eta Kataluniak indarrak batu dituzte Europar Batasunaren berrindustrializazio prozesuan
Eusko Jaurlaritzak eta Kataluniako Generalitateak aldebiko topaketa egin dute, Euskadik eta Kataluniak industria-polo gisa duten estatusaren garrantzia nabarmentzeko, Atlantikoko eta Mediterraneoko eskualdeen buru diren heinean. Bi lurraldeek Estatuko industriaren arloko barne-produktu gordinaren % 25 biltzen dute, eta Europar Batasuneko eskualde industrializatuenen artean daude
Eusko Jaurlaritzak Euskal Finantza Aliantza sustatuko du, lankidetza publiko-pribatuak 4.000 milioi mobiliza ditzan Euskadiren eraldaketa ekonomiko eta industrialerako
Lehendakaria buru dela egin da, Bilbon, Eusko Jaurlaritzak eta bederatzi toki-erakundek “funtsak, tresnak eta finantza-ahalmenak batzeko” protokoloaren sinadura-ekitaldia. Finantzen Euskal Institutuarentzako 1.000 M€-ko zuzkidurarekin hasten da, haren inbertsio-ahalmena indartu dadin
Mikel Jauregi: “Eusko Jaurlaritzari dagokio Euskadiko enpresei segurtasuna eta ziurtasuna eskaintzea”
Sailburuak "enplegua eta aberastasuna sortzeko Euskadiko enpresek egiten duten lana" balioan jarri du, enpresari eta ekintzaileen figurari prestigioa emateko beharra aldarrikatuz
Elkargik tamaina bikoiztu du, enpresa txiki- ertainen finantza erakunde gisa finkatuaz
2024an, 1400 enpresa ingururi eman die laguntza, eta gaineratu egitean da ia 11.300 enpresetarako indarrean duen finantziazioari, zeintzuek 38.500 milioi euroko fakturazioa duten eta 250.000 enplegu baino gehiago ordezkatzen dituzten.