Arantxa Tapia sailburua eta SPRI Taldeko zuzendaria Aitor Urzelai.
Albisteak 29 apirila, 2022

Durango, Eusko Jaurlaritzaren ETEentzako Laguntza Plana aurkezteko eskualdeko birako lehen udalerria

Ekonomiaren Garapen Saileko eta SPRI Taldea, EEE, Ihobe, URA eta Elika sozietateetako ordezkariek hiru lurraldeetako eskualdeak zeharkatuko dituzte astero, 600 milioi eurotik gorako aurrekontua duten 74 laguntza-programak aurrez aurre azaltzeko.
-

Datorren maiatzaren 5ean Durangaldeko enpresek aurrez aurre ezagutu ahal izango dute Eusko Jaurlaritzako Ekonomiaren Garapen, Jasangarritasun eta Ingurumen Sailaren Enpresa Txiki eta Ertainentzako 2022ko laguntza-plana. Plan horrek 74 programa biltzen ditu eta 600 milloi baino gehigoko aurrekontua du, eta laguntza horien helburua da ekonomia suspertzea eta enplegua sortzea, arreta berezia eskainiz Euskadiren garapen inklusibo eta jasangarriari. Aurten I+G+b programetara eta Trantsizio Energetikora bideratutako laguntzak Eusko Jaurlaritzak ETEei zuzendutako laguntza-programen % 70 baino gehiago dira.

Durangaldeko Mankomunitatearekin elkarlanean, aurkezpena Durangoko Landako Elkartegian egingo da (Landako etorbidea, 4), goizeko 9:30etik 11:30era.  Ekitaldian izango dira Aitor Urzelai SPRI taldearen zuzendari nagusia; Leyre Madariaga Eraldaketa Digitalaren eta Ekintzailetzaren zuzendaria; Ana Camacho Industriaren eta Energia Trantsizioaren zuzendaria; Ainhoa Ondarzabal, BTI- Euskadiko Nazioartekotze Agentziako kontseilaria; Iñigo Ansola Energiaren Euskal Erakundearen zuzendaria; Alex Boto Ihobeko zuzendaria;  eta Raul Perez Elikagaien Kalitate eta Industriako zuzendaria, eta bakoitzak bere arloko programen xehetasunak azalduko ditu. Enpresek, beraz, laguntza-lerro bakoitzaren xehetasunak jakin ahal izango dituzte eta euren premietara ongien egokitzen dena aurkitu ahal izango dute. Ekitaldian Mireia Elkoroiribek ere parte hartuko du, Durangaldeko Mankomunitateko presidenteak.  Laguntzen aurkezpenaren ostean, enpresek networking egin dezaten tartea egongo da.

Aurkezpenera joan nahi duten enpresek aldez aurretik izena eman behar dute behargintza@dma.eus helbide elektronikoan edo 94 623 25 22 telefono-zenbakian.

 2022ko laguntza-lerro aipagarriak

ETEentzako laguntza-planak 2021ean 8.096 proiektu bultzatu zituen eta inbertsioa guztira 2.059 milioi eurokoa izan zen. Abiapuntua 68 laguntza-programa izan ziren, eta 430 milioi euroko inbertsioa.

Ekitaldi honetan laguntza hauen funtzio nagusia da sortzen ari diren aukerak aprobetxatzeko gai diren proiektuak babestea, proiektu eraldatzaileak gehienak, eta 590 milioietatik % 70etik gora I+G+b programetara eta Trantsizio Energetikora bideratuko dira. Laguntzak osatzeko, ekarpen garrantzitsuak egingo dira industrian, nazioartekotzean eta landako eta itsasertzeko ekonomia eta enplegua sustatzeko inbertsioetan.

Zehazki, ikerketarako, berrikuntzarako, eraldaketa digitalerako eta ekintzailetzarako laguntza-lerroaren helburua da Euskal Autonomia Erkidegoa Europako berrikuntza gune gisa indartzea, enpresa teknologikoen sorrera % 10 handitzea eta Euskal Autonomia Erkidegoa kokatzea tokiko industriarekin lankidetzan arituko diren nazioarteko startupen ekosistema eragile gisa.

Teknologiak eta I+Gak 219.482.500,00 euroko laguntzak batzen dituzte, eta Eraldaketa Digitalerako 26.515.000,00 euroei, Berrikuntzarako 6.801.000,00 euroei eta Ekintzailetzarako 4.800.000,00 euroei batuta, guztira 257,5 milioitik gora izango dira I+G+b proiektuak sustatzeko.

Bestalde, industriaren garapenerako, nazioartekotzerako, energia-efizientziarako eta berriztagarrietarako eta ingurumenerako laguntzen helburua da industria eta zerbitzu aurreratuak BPGren % 40ra iristea eta energia berriztagarrien kuota energiaren azken kontsumoaren % 20 izatea. Gainera, berotegi-efektuko gasen emisioa % 30 murriztu nahi da, eta hondakin gutxiago sortu eta horien balorizazioa eta berrerabilera areagotu, ingurumen-estrategia zeharkako politika gisa ezarri eta uraren, lurzoruaren eta airearen ingurumen-adierazleak hobetu, biodibertsitatearen defentsa eta errespetu handiagoa lortzeko.

Enpresa txiki eta ertainentzako Eraldaketa Energetikorako laguntzak aurten 150.190.724,04 eurokoak dira, eta Ekonomia Zirkularrerako programetako 7 milioiak eta Bioekonomiarako 3,1 milioiak gehituta, Trantsizio Energetikorako, guztira, 160,2 milioi izango dira.

Lehen sektorerako laguntza-programei dagokienez, elikagaien industriak eta jasangarritasunak elikagaien ekoizpena handitu nahi dute Euskal Autonomia Erkidegoan, eta lurralde-oreka handiagoa bermatu, landako eta itsasertzeko guneetan bizi eta lan egiten duten pertsonei bizi-kalitatea eskainiz. Arlo honek 66.790.000 euro izango ditu laguntza-lerro ezberdinetan.

Enpresa txiki eta ertainentzako 2022ko laguntza-planak industriako inbertsioetarako pentsatutako programa garrantzitsuak aurreikusten ditu, eta 85 milioi izango dira industria-garapenerako eta 19.950.000 euro nazioartekotzerako.

Aurkezpenak eskualdeetan

Ekonomiaren Garapen, Jasangarritasun eta Ingurumen Sailak koordinatuta, sozietate publiko guztiak (SPRI taldea, EEE, IHOBE, URA, HAZI FUNDAZIOA eta ELIKA) elkarlanean ari dira laguntzei buruzko informazioa Euskadiko enpresa guztietara irits dadin eta enpresek laguntza horiek eskuratu ahal izan ditzaten. Horrela, Jaurlaritzak eskualdeetan informazio-jardunaldi batzuk antolatu ditu eta maiatzean eta ekainean egingo dira. Lehenengoa maiatzaren 5ean egingo da Durangon, eta beste zortzi herritan ere egingo da, besteak beste, hauetan: Barakaldo, Amurrio, Tolosa edo Azpeitia. Jardunaldi guztiak aurrez aurre egingo dira, eta aldez aurretik izena eman behar da.

Lotutako albisteak

Jauregiren  esanetan,  Orona  EB2030  proiektua  “Eusko  Jaurlaritzan  garatzen  ari  garen  industria  politikaren  adibiderik  onena  da”

Jauregiren esanetan, Orona EB2030 proiektua “Eusko Jaurlaritzan garatzen ari garen industria politikaren adibiderik onena da”

Orona enpresak bere instalazioak handitu ditu, Hernaniko egoitzari "Estubegi" izeneko lurzati bat gehituta. 60.000 m2-ko lurzoru estrategikoa da, 30.000 m2-ko edukiera eraikigarria du eta egungo kokalekuen kokagune logistiko eta industrial berean integratuta dago. Horri esker, industria-gaitasunen kudeaketa globala harmonizatu ahal izango da, bai eta Oronak testuinguru globalean duen lehia-posizioaren lidergoa...

“Euskadi  eraldatuz  2030”  abian  jarri  da,  Euskal  Finantza  Aliantzaren  1.000  milioi  euroak  euskadiren  eraldaketa  ekonomikoaren  alde  bideratzeko
01/10/2025 Finantziazioa

“Euskadi eraldatuz 2030” abian jarri da, Euskal Finantza Aliantzaren 1.000 milioi euroak euskadiren eraldaketa ekonomikoaren alde bideratzeko

Imanol Pradales lehendakariak, Noël d’Anjou Ogasun eta Finantzetako sailburuak eta Mikel Jauregi Industria, Trantsizio Energetiko eta Jasangarritasuneko sailburuak gaur goizean aurkeztu dute inbertsio-plan berri hori

Eusko  Jaurlaritzak  industria-eraldaketarako  eta  kalitatezko  lanpostuak  sortzeko  “Industria  Plana-Euskadi  2030”  onartu  du

Eusko Jaurlaritzak industria-eraldaketarako eta kalitatezko lanpostuak sortzeko “Industria Plana-Euskadi 2030” onartu du

Eusko Jaurlaritzak 3.900 milioi euro bideratuko ditu Plan honetara legegintzaldian, eta, horri esker, 12.000 milioi euroko inbertsio pribatua egin ahal izango da. Beraz, inbertsio publiko-pribatuko 15.900 milioi euro mobilizatuko dira guztira.

Eusko  Jaurlaritzak  Fabrikazio  Aurreratuaren  sektorearekin  egin  du  bilera  muga-zergen  eragina  ebaluatzeko

Eusko Jaurlaritzak Fabrikazio Aurreratuaren sektorearekin egin du bilera muga-zergen eragina ebaluatzeko

Mikel Jauregi: “fabrikazio aurreratuaren sektoreak hazkunde-egoerari egin behar dio aurre AEBko merkatuaren ziurgabetasuna kontuan hartuta; ziurtasunak eskaini nahi ditugu une konplexu honetan”

Industria  sailburua  EMO  Hannoverren  dauden  32  euskal  enpresen  alboan  izan  da

Industria sailburua EMO Hannoverren dauden 32 euskal enpresen alboan izan da

Azken hamarkadan, Eusko Jaurlaritzak makina-erremintaren sektoreari SPRIren bitartez lagundu dio: 91 milioi euroko dirulaguntzaren bidez 850 milioi eurotik gorako inbertsio pribatua egin da eta 2.000 enpresa baino gehiago babestu dira

Eusko  Jaurlaritzak  automobilgintzaren  sektorea  bildu  du,  muga-zergen  eragina  eta  laguntza-neurri  berriak  aztertzeko

Eusko Jaurlaritzak automobilgintzaren sektorea bildu du, muga-zergen eragina eta laguntza-neurri berriak aztertzeko

Mikel Jauregi: “une konplexu honetan ziurtasuna eskaini nahi dugu. Gure konpromisoa da enplegua babestea eta gure enpresei laguntzea muga-zergen erronketara eta automobilgintza jasangarriagorako trantsiziora egokitzen”

2025-2030  aldiko  Sare  Elektrikoen  Plangintza  berriaren  zirriborroak  %  40  baino  gehiago  handitu  du  Euskadiko  potentzia

2025-2030 aldiko Sare Elektrikoen Plangintza berriaren zirriborroak % 40 baino gehiago handitu du Euskadiko potentzia

Euskal industriak datozen urteetan izango dituen energia-beharrak asetzeko elektrizitate-hornidura bermatuko du Eusko Jaurlaritzak

AVS:  Konpromisoa  berrikuntzarekin  eta  euskal  industriarekin

AVS: Konpromisoa berrikuntzarekin eta euskal industriarekin

Mikel Jauregi Industriako sailburuak AVSren instalazioak bisitatu ditu Miñanoko Arabako Parke Teknologikoan

Imanol  Pradales:  “Lanbide  Heziketak  etorkizuna  jokoan  dugun  berrindustrializazioan  laguntzen  jarrai  dezan  egokitu  eta  asmatu  behar  dugu”

Imanol Pradales: “Lanbide Heziketak etorkizuna jokoan dugun berrindustrializazioan laguntzen jarrai dezan egokitu eta asmatu behar dugu”

Euskadiko Lanbide Heziketa ekonomia-garapenaren eta gizarte-kohesioaren funtsezko palanka gisa sendotu da, ikasleek %90 inguruko enplegagarritasuna dute eta 20.000 enpresa baino gehiagorekin lankidetza estuan ari da

Eusko  Jaurlaritzak  abian  jarri  ditu  gaur  egungo  muga-zergen  egoerari  erantzun  publiko-pribatua  emateko  lehen  3  mahai  sektorialak
11/09/2025 Kluster politika

Eusko Jaurlaritzak abian jarri ditu gaur egungo muga-zergen egoerari erantzun publiko-pribatua emateko lehen 3 mahai sektorialak

Lehentasunezko hiru sektoretan egingo dira: siderurgikoa, fabrikazio aurreratua eta automobilgintza

Joan blogera

Jarrai gaitzazu

Kanal espezializatuak eta eguneroko gaurkotasuna gure sareetan.