2021eko Indartu programa: hamabi milioi euro egoera ahulean dauden eskualdeetako industriaren eta langabezia-tasa handiena duten udalerrien laguntzetarako
- Laguntza horiek 2020-2024 “Euskadi martxan” gobernu-programaren helburua partekatzen dute: suspertze ekonomikoa sustatzea
- Nerbioi ibaiaren Ezkerraldera eta Oiartzualdera eta EAEko urteko batez bestekoaren % 15etik gorako langabezia-tasa duten udalerrietara bideratzen dira
- Eskabideak aurkezteko epea urriaren 15era arte egongo da zabalik
Eusko Jaurlaritzako Ekonomiaren Garapen, Jasangarritasun eta Ingurumen Sailaren Industriaren eta Energia Trantsizioaren Zuzendaritzak sustatzen du Indartu programa. Programaren helburua da enpresei Nerbioi ibaiaren Ezkerraldean eta Oiartzualdean lehiakortasuna hobetzea eta garapen ekonomikoa ekarriko dituen ekoizpen-inbertsioa egiten laguntzea. Gainera, Euskal Autonomia Erkidegoko urteko batez bestekoaren % 15etik gorako langabezia-tasa duten udalerriak ere jasotzen dira. Gaur argitaratu da EHAAn aurtengo urterako deialdia, eta, bihartik aurrera, eskabideak aurkez daitezke.
Indartu programaren dirulaguntzetara erauzketako, eraldaketako, ekoizpeneko eta produktu-prozesu industrialari lotutako zerbitzuetako enpresa handiek eta enpresa txiki eta ertainek (ETE) jo ahalko dute, bai eta zerbitzu logistikoetako enpresek ere, garraioak izan ezik, baldin eta laguntzaren helburu diren inbertsioak Nerbioi ibaiaren Ezkerraldean eta Oiartzualdean kokatzen badira. Halaber, oraindik eskualde ahul gisa katalogatu ez badira ere, Euskadiko batez bestekoaren % 15etik gorako langabezia-tasa duten udalerrietan inbertitzen duten enpresek ere jo ahalko dute.
Enplegua sortzen duen ekoizpen-inbertsioaren sustapena Eusko Jaurlaritzaren jarduketa orientatzen duten ardatz estrategikoetako bat da. Zentzu horretan, Indartu programak lurralde-edukiko diskriminazio positiboa ezartzen du langabezia-egoera larrienean dauden eskualde jakinen alde. 2018ko deialditik, EAEko urteko batez bestekoaren % 20tik gorako langabezia-tasa zuten udalerriak izaten ziren kontuan; izan ere, EBk eskualde ahuletan aitortutako udalerrien antzeko egoeran daudela ulertzen da. Ekitaldi honetarako, COVID-19ak eragindako egoera oinarri hartuta, batez bestekotik gorako langabezia-tasa % 15ekoa izatea erabaki da. Ehuneko horrek jarraitzen du Europar Batasuneko irizpideekin bat etorriz.
Udalerrien zerrenda
Nerbioi ibaiaren Ezkerraldean eta Oiartzualdean laguntza horien ondorioetarako sartzen diren udalerriak honako hauek dira:
- a) Oiartzualdea (Gipuzkoa): Errenteria, Pasaia, Lezo, Oiartzun, Hondarribia, Irun eta Hernani.
- b) Nerbioi ibaia (Bizkaia): Sestao, Ortuella, Trapagaran, Abanto, Muskiz, Zierbena, Portugalete, Santurtzi, Barakaldo, Alonsotegi eta Erandio.
Eskualde ahultzat jo ez, baina Euskal Autonomia Erkidegoaren urteko batez bestekoaren % 15etik gorako langabezia-tasa duten udalerriak (EUSTATek ezarritako azken kalkuluaren arabera) honako hauek dira: Agurain, Asparrena, Labastida, Lantziego, Lapuebla de Labarca, Laudio, Oion eta Zanbrana Araban; Atzentales, Balmaseda, Barrika, Basauri, Bermeo, Bilbo, Elantxobe, Galdames, Gueñes, Karrantza, Lanestosa, Ondarroa, Sukarrieta, Trutzioz, Urduña, Zalla eta Zaratamo Bizkaian, eta Soraluze Gipuzkoan.
Dirulaguntzetara jotzeko irizpideak
Laguntzetara jotzeko, enpresa handiek gutxienez 1.500.000,00 euroko inbertsio onartua egin beharko dute; ETEek gutxienez 200.000,00 euroko inbertsio onartua egin beharko dute. Halaber, aurretik aipatutako onartutako gutxieneko inbertsioetara iritsi ez, baina, enpresa handien kasuan, gutxienez 25 enplegu sortzen dituzten enpresen eta, ETEen kasuan, gutxienez 5 enplegu garbi sortzen dituzten enpresen inbertsioak ere kontuan izango dira.
Gainera, enpresaren berezko baliabideak, dirulaguntzak kanpo utzita, gutxienez diruz lagundu daitekeela uste den inbertsioaren zenbatekoaren % 25era iritsi behar dira. Kontuan hartuko diren inbertsioak entitate juridiko bakarrak egin beharko ditu, eta, zenbait ekoizpen-zentro dituzten enpresa-taldeen kasuan –% 100eko akziodunen partaidetzarekin–, soilik arau honen eskakizunak bete eta inbertsioen helburu diren ekoizpen-zentroan edo -zentroetan. Eta, azkenik, entitate eskatzaileek inbertsioen bideragarritasun teknikoa, ekonomikoa eta finantzarioa oinarritu beharko dute.
Gehieneko dirulaguntza 3 milioi eurokoa izango da, enpresako, eta, enpresa handien kasuan, laguntza jaso dezakeen inbertsioaren % 10 lagunduko da diruz eta, ETEen kasuan, % 15.
Lotutako albisteak
Eusko Jaurlaritzak Gauzatu Industria programa aktibatu du 28 milioi eurorekin
Oinarri teknologiko eta berritzailea duten enpresa txiki eta ertainen sorrera eta garapena bultzatzeko
Eusko Jaurlaritzak bi mila milioi euro baino gehiago aktibatu ditu muga-zergen eta merkataritzaren gerrari aurre egiteko neurrien lehen sortan
Lehendakariak azpimarratu du Euskadi prest dagoela egoera horri aurre egiteko, eta dei egin die Euskal Autonomia Erkidegoko eragile guztiei egoera horri batasunetik aurre egiteko
Industria Erronka-k 700 ikasle baino gehiagok industria-enpresa bat izatea simulatzea ahalbidetzen du
Industria Erronka Bizkaiko Foru Aldundiaren eta Eusko Jaurlaritzaren laguntzari esker posible da, SPRI - Euskal Enpresen Garapenerako Agentziaren bidez
Euskadik bere automobilgintza sektoreko industria indartuko du errepideko garraioaren deskarbonizazio adimendunerako laguntza-programa berri batekin
Eusko Jaurlaritzak "Emisio Txikiagoko Ibilgailuak" laguntza-programa aurkeztu du Industriaren Defentsarako Taldearen baitan, euskal automobilgintzaren sektoreak egungo muga-zergen gerraren testuinguru globalean dituen erronkei erantzuteko
Industria Defendatzeko Taldeak Euskadiko industriari laguntzeko lehen neurria onartu du
Industria Defendatzeko Taldeak lehen laguntza-programa bat aurkeztu du, “Emisio gutxiagoko ibilgailuak” erosteko, Euskadin errepideko garraioaren deskarbonizazio adimendunean aurrera egiteko eta, aldi berean, euskal industriarako funtsezkoa den sektore bati, automobilgintzari, laguntzeko
Mikel Jauregi: “Mundu mailan zabaltzen ari den ziurgabetasunaren aurrean, Euskaditik multilateralismoaren aldeko apustua egiten dugu”
"Euskadi herri esportatzailea da, beraz muga-zergek eragina izango dute gure esportazioetan. Baina eragin hori nahiko txikia izango da"
Euskadik eta Kataluniak indarrak batu dituzte Europar Batasunaren berrindustrializazio prozesuan
Eusko Jaurlaritzak eta Kataluniako Generalitateak aldebiko topaketa egin dute, Euskadik eta Kataluniak industria-polo gisa duten estatusaren garrantzia nabarmentzeko, Atlantikoko eta Mediterraneoko eskualdeen buru diren heinean. Bi lurraldeek Estatuko industriaren arloko barne-produktu gordinaren % 25 biltzen dute, eta Europar Batasuneko eskualde industrializatuenen artean daude
Eusko Jaurlaritzak Euskal Finantza Aliantza sustatuko du, lankidetza publiko-pribatuak 4.000 milioi mobiliza ditzan Euskadiren eraldaketa ekonomiko eta industrialerako
Lehendakaria buru dela egin da, Bilbon, Eusko Jaurlaritzak eta bederatzi toki-erakundek “funtsak, tresnak eta finantza-ahalmenak batzeko” protokoloaren sinadura-ekitaldia. Finantzen Euskal Institutuarentzako 1.000 M€-ko zuzkidurarekin hasten da, haren inbertsio-ahalmena indartu dadin
Mikel Jauregi: “Eusko Jaurlaritzari dagokio Euskadiko enpresei segurtasuna eta ziurtasuna eskaintzea”
Sailburuak "enplegua eta aberastasuna sortzeko Euskadiko enpresek egiten duten lana" balioan jarri du, enpresari eta ekintzaileen figurari prestigioa emateko beharra aldarrikatuz
Elkargik tamaina bikoiztu du, enpresa txiki- ertainen finantza erakunde gisa finkatuaz
2024an, 1400 enpresa ingururi eman die laguntza, eta gaineratu egitean da ia 11.300 enpresetarako indarrean duen finantziazioari, zeintzuek 38.500 milioi euroko fakturazioa duten eta 250.000 enplegu baino gehiago ordezkatzen dituzten.