Veltium, ibilgailu elektrikoarentzako kargagailu adimendunak
Arabako Teknologi Parkean kokatutako Veltium enpresak bost urte eskas ditu, baina dagoeneko merkatu-kuota handia eskuratu du ibilgailu elektrikoentzako kargagailu adimendunei esker. Enpresa horrek SPRI Taldearen zibersegurtasun industrialerako programaren laguntza jaso du.
2016an sortu zen, mugikortasun elektrikoan irmoki sinesten duten lau bazkideren eskutik, denak ere eskarmentu handikoak sektorean. Ohartu ziren bazegoela negozio-aukera bat ibilgailuak kargatzeko azpiegituren arloan. “Badakigu datozen urteetan milioika ibilgailu elektriko ibiliko direla gure errepideetan, egunero kargatu behar direnak, eta hor badagoela ase gabeko premia bat, hau da, birkargatzeko modu seguru eta adimendun bat eskaini beharra dagoela eszenatoki askotan, baina batik bat etxeko erabilpenean, eta horrela sortu zen enpresa” azaldu du Alberto Delgadok, Veltiumeko zuzendari kudeatzaileak.
Konpainia honek kargagailu adimendunak eskaintzen ditu, argindarra merkeen dagoen unean kargatzeko programatzen direnak eta argindarraren erabilpen-baldintzetara egokitzen direnak. “Energiaren kudeaketaz ere arduratzen dira, autoa kargatzeaz harago”. Enpresak berak egiten du ekipoen garapen osoa: diseinua, fabrikazio mekanikoa, elektronikaren diseinua eta software guztia ere bai.
Kargagailuarekin batera, Veltiumek aplikazio mugikor bat eskaintzen du karga kontrolatzeko, eta Interneteko plataforma bat ere bai, “non informazio guztia jartzen baita erabiltzaileen eskura”. Hala, bezeroek kargei buruzko informazio guztia eskuratu dezakete: erabiltzaileak, kontsumitu den energia, iraupena, prezioak, etab.
Lehen urteetan, enpresaren zeregin nagusia izan zen produktua garatzea eta osagarriak merkaturatzea. Bere portfolioa etxeko kargan zentratzen da, Lite gamako kargagailuen bidez. Nahiz eta amaierako erabiltzaile gehienak partikularrak izan, baditu enpresak bere bezeroen artean, hasi konpainia elektrikoetatik eta instalatzaile baimenduetaraino.
Bere produktua lotutako azpiegiturei zuzentzen zaie, hau da, etxe edo garaje batean ibilgailu elektrikoa kargatzeko azpiegiturei.
I+G
“Gero badaude birkarga publikoak, izan liteke aukerako birkarga bat edo birkarga ultra-azkar bat, gasolindegi arrunt bat bailitzan. Kasu bakoitzerako behar diren produktuak desberdinak dira, eta gu lehenengoetan zentratu gara”.
Aurtengo fakturazioa milioi bat euro ingurukoa izango da. “Hauxe izan da Lite gamarekin bolumen handiko jarduera komertziala izan dugun lehen urtea”. Horrez gain, 16 lagun ari dira lanean zuzenean nahiz zeharka Veltiumentzat. 2021eko inbertsioen % 72 I+G-ko jardueretara bideratu dira.
SPRI Taldeak zibersegurtasun industrialerako programaren bidez emandako laguntzarekin “gure sistemako komunikazio guztien ikuskapena egin dugu; ikuskapena egin eta akatsak zuzentzeko hainbat neurri hartu ditugu. Justifikazioak ixteko fasean gaude orain. Helburua zen ziurtatzea gure sistema eta bere elementu guztiak (kargagailuak, aplikazio mugikorrak eta cloud plataforma) seguruak direla”.
Datorren urterako helburu nagusia da produktu-sorta zabaltzea eta karga publikorako zein enpresetarako egokitutako konponbide espezifiko berriak merkaturatzea. “Xedea da gure ekipoak errazak izan daitezela instalatzeko eta erabiltzeko, nahiz eta gauza konplexuak egin behar dituzten. Eta horregatik, I+G-ko proiektuetan parte hartzen dugu, aztertzeko zein teknologia berri txertatu dezakegun gure kargagailuetan. Asmoa da funtzionaltasun berriak instalatzea: nola lortu ibilgailuek eta azpiegiturek euren artean hitz egitea, nola eskaini ordainbide desberdinak eta gardenak, edo nola integratu kudeaketa energetikoa kargagailuan”.
Alberto Delgadok dio teknologia berriei esker posible dela ibilgailu bat kargatzea, esaterako, argindarraren tarifak egokienak diren unean, planifikatutako ordutegi batean edo soilik energia berdea erabiliz. “Kudeaketa energetiko hori da eszenatoki berria. Eszenatoki berri horretan erabiltzaileak ez dira soilik energia kontsumitzaileak, eta aktiboki kudeatzen dute euren eskaera, elkarrekin konbinatuz kontsumoa, sorkuntza eta biltegiratzea. Datorren urtean landuko dugu nola txertatu informazioa birkargan”.
Lotutako albisteak
INIZIA sariak banatu dituzte, INIZIA DAY jardunaldian
Horien helburua da oinarri teknologikoa duten eta/edo berritzaileak diren enpresa egitasmoak biltzen dituzten proiektuak aitortzea
Ekintzaileentzako laguntzak: Bihur ezazu zure negozio ideia enpresa berritzaile eta errentagarri Ekintzailerekin
Ideia berritzaile bat duzu eta enpresa bihurtu nahi duzu? Orduan interesatzen zaizu Ekintzaile 2025, programa ezagutzea. Ekintzailetza bultzatzeko laguntza horrek laguntza ekonomikoa eta adituen aholkularitza eskainiko dizkizu zure proiektua bideragarria eta arrakastatsua izan dadin.
Nola izan enpresa ekintzaile bat Barnekintzaile programarekin, barne-ekiteko laguntza.
800.000 euroko aurrekontua du Barnekintzaile 2025 barne-ekintzailetzarako laguntza-programaren edizio berriak. Enpresa-proiektu berriak garatzeko edo jarduera berrietara dibertsifikatzeko laguntza eskuratu nahi duten enpresek abenduaren 11ra arte aurkez ditzakete eskaerak.
Iritsi da zure datuak eta zerbitzuak hodeira migratzeko unea. Aprobetxatu euskal enpresentzako Kloud laguntza
Kloud programak Euskadiko enpresei haien zerbitzu edo azpiegitura informatikoak Cloud ingurune komertzialetara migratzeko aukera eskaintzen die. Horretarako, enpresa bakoitzeko 50.000 € arte eskaintzen du hodeirako migrazio-prozesu osoa diseinatzen eta ezartzen lagunduko dien kanpoko enpresa bat kontratatu ahal izateko. Azaroaren 10ean amaituko da laguntza hori eskatzeko epea.
Eusko Jaurlaritzak eta Hithium enpresak akordio estrategikoa sinatu dute, Europako biltegiratze egonkorraren industria gidatzeko
Hitzarmenari esker, Euskadin biltegiratze egonkorreko sistemak fabrikatzea ahalbidetuko duen soluzio integral baten garapenean lan egingo da, erreferentziazko bazkide industrial batekin elkarlanean eta Euskal Autonomia Erkidegoko zentro teknologikoen babesarekin
Eusko Jaurlaritzak startup teknologikoak sortzea bultzatuko du, 2,5 milioirekin ekintzailetzarako laguntzetan
Maiatzaren 16an irekiko ditu SPRIk Ekintzaile eta Barnekintzaile programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Eusko Jaurlaritzak deskarbonizazio industriala bultzatuko du, pizgarri eta laguntzen bidez, eta hidrogeno berdearen hidroduktu bat egingo du Aiaraldea eskualderako
Imanol Pradales Lehendakariak Laudioko Vidrala enpresaren instalazio berriak bisitatu ditu gaur, eta bertan labe berria inauguratu du
Euskadiko industria normaltasunez ari da, joan den asteleheneko itzalaldi orokorraren ostean
“Gure industria-sektorearen lana aitortu nahi dugu", aditzera eman du Mikel Jauregi, Eusko Jaurlaritzako Industria, Trantsizio Energetiko eta Jasangarritasuneko sailburua
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.