Polykey-k soluzio polimerikoak eskaintzen ditu etorkizun jasangarriago baterako

Polimero naturalak material berriztagarrien eta jasangarrien iturrietatik datoz, hala nola landare edo hondakin-produktuetatik. Bere osagai jasangarria aprobetxatzea da Polykey startup donostiarraren helburu nagusia, honek, poliuretano-fabrikatzaileek beren ekoizpen-katerako material naturalak eskura izatea ahalbidetzen duen teknologia garatzen du.

“Zerbitzu pertsonalizatuak eskaintzen ditugu, plastikoen ekoizpen linealetik ekonomia zirkular eta jasangarri batera laguntzen pasatzeko“, azaldu dute Andere Basterretxea Gorostizak eta Coralie Jehannok, sustatzaileek.

2020an jaiotako startup donostiarrak polimero biosatuak ekoizten ditu poliuretanoaren fabrikazioan espezializatutako enpresentzat. “Gure teknologiak biomasatik erator daitezkeen polieter polioleak ekoizteko aukera ematen du. Propietate mekaniko onak eta erresilientzia eskaintzen dituzte tenperatura altuetan”, nabarmendu dute. Negozio-ildo horrekin batera, plastikoen birziklatze kimikoko sistemen garapena dago. Goraka doan sektore bat, baina gero eta arreta handiagoa lortzen duena hondakinen industriatik.

Produktu sorta horrekin batera, enpresak konponbide iraunkorrak eskaintzen ditu hurrengo belaunaldiko bateriak garatzeko. Zehazki, polimero egokietara bideratutako produkzio-lerro bat garatzen du, bateria eta gailu bioelektronikoen errendimendua hobetzeko.

Polimero plastikoak fabrikatzen eta birziklatzen dituzten enpresei jasangarritasuna hobetzeko teknologia eskaintzeaz gain, Polykey-k Europako bazkideekin egindako ikerketa-proiektuetan parte hartzen du, aplikazio bioelektronikoetarako eutektogel berritzaileak, birziklagarritasuna duten baterien bizitzarako sentsore adimendunak eta estrategia katalitiko berritzaileak dituzten polimero jasangarrien sintesia ekoizteko, besteak beste.

Hainbat erakundek, hala nola BIC Gipuzkoak, POLYMAT Institutuak, Eusko Jaurlaritzak eta UPV/EHUk, hasieratik laguntzen dute startup berritzaile honi. Startup hau nazioarteko erreferentea da bere ikerketa-esparruan, eta, bere lorpenen artean, duela lau urte Enpresa Berriaren Toribio Echevarria Saria jaso izana nabarmendu daiteke, baita bere ibilbidea goraipatzen duen ‘TOP101’ saria ere.