Mikel Villa eta Liborio Lopez, “Marco Topo”, familiarteko joko eta abenturak
Mikel Villa barakaldoarrak eta Liborio López malagarrak (8 abizen euskaldunen ‘techie’ bertsioa gara) 2014an hasi ziren beren proiektuarekin. Mikelek ezin hobeto gogoratzen du egun hura: “Nire seme nagusiak, Asierrek, 9 urte bete zituen eta ginkana digital bat osatu genuen etxean, oso ondo funtzionatu zuena. Ordutik hazi egin gara egungo 25 produktuetara iritsi arte, eta hazten darraigu!…”
2017an, behin proiektua finkaturik, enpresa sortu zuten eta erakundeen euskarria jaso zuten, beren irrika berritzaileak aurrera eraman zitzaten. “DeustoKabin gaude, Deustuko Unibertsitateko enpresen inkubagailua, eta ‘Glocal Network’ sarean parte hartzen dugu, zeinaren bidez ekintzaileekin kontaktuan jar gaitezkeen, gure Sarea zaindu eta hedatuz.”
Mikel, Liborio, ezagutza eta laguntza bereziak errekeritzen dituen ideia polita duzue eskuartean…
Hala da, informatikariak gara biok, baina formakuntza lagungarria behar dugu geure aktibitate-eredua garatzeko, eta enpresa berritzaile garen legez, Bizkaiko Foru Aldundiaren laguntza jasotzen dugu BEAZ-en bidez, zeintzuekin kontaktu handia dugun. DeustoKabik, CEBEK Emprenderekin osatzen ditugun ideiak hazi eta lantzeko aparteko tokia da. CEBEK Emprenden formatu izan gara zenbait alorreta, eta haiekin geure kontaktuen kopurua igotzen dugu, Glocal Network Sarean bezala.
Azkenik, Ship2B fundazioaren Eragin Sozialaren azelerazioari buruzko programa batean parte hartu dugu Bartzelonan. Honek guzti honek gehitu eta erraztu egiten digu lana.
Nola da posible geure kultura-ondarea modu dibertigarri eta hezigarrian ezagutzea?
Arrazoiak arrazoi, ume askok, eta hain gaztetxo ez direnek ere, ‘museo’ edo ‘ondare’ hitzak aspergarria den zerbaitekin lotzen dituzte; bertaratuko ez zaren lekua bailitzan, betiere ikastolak eramaten ez bazaitu…
Gure kultura-ondareak historia eta istoriorik asko du kontatzeko, ume zein helduek disfruta ditzaketenak. Garrantzitsuena da nola kontatu!
Marco Topon, istoriok jolasen bidez kontatzen ditugu. Familiak gure ondarea ikasi eta ezagutu dezala nahi dugu, baina garrantzitsuena da dibertituz ikasi eta ezagutu egitea. Horrako, telefono mugikorreko esplorazio jokoak erabiltzen ditugu, eta papera eta pegatinak bezalako bestelako baliabideak ere. Nork ez ditugu gustuko pegatinak?
TIC-en erabilerak dibulgazioa asko errazten du; ostera, euskarri teknologiko eta tradizionalak konbinatzearen alde egin duzue.
Teknologo onek bezala, proiektua hasi eta berehala, erabat osoa den APP bat sortu genuen. Geure inguruko haurrekin probatu genuenean, konturatu ginen APPak berez ez zuela funtzionatzen. Orduan, ‘Lean Startup’ metodologia ezagutu genuen eta zerotik hastea erabaki genuen, geure erabiltzaileei entzunaz. Proba-akats bidezko prozesu oso interesgarria izan zen, eta prozesuan zehar ikasi genuen belaunaldi berriek eskura duten bitartekari oro erabiltzen dituztela, eta ez dira ohartzen digitala eta analogikoaren arteko mugaz, helduok ez bezala.
Analogikoa eta digitalaren arteko interakzio honek, geure artean “etxetik ibiltzeko errealitate handitua” deitzen dioguna sor genezan lagundu zigun: Umeak mapa tradizional batez gidatzen dira, mugikorreko galderei erantzuten diete eta, asmatuz gero, telefonoak esaten dien pegatina itsasten dute mapan.
Gerora antzeman genuen papera erabiltzeak mapaz harago doazen elementuak ezartzen ahalbidetzen zigula, hala nola umeek marrazteko guneak edota hiria zein museoa bisitatzean garatzen den jokoaz kanpoko aktibitateak.
Museoen esparrua lantzen hasia da, zeinetan ‘Marco Topo’ arrakasta edukitzen ari den. Hiriak berak, landa giroa, Ingurumenaren interpretazioa… Aukera handiak dituzue!
Bai, jokoak oso ondo funtzionatzen du museo eta hirietan.
Oraintsu sare tematikoetan hasiak gara (esaterako, ardoen jatorri-izendapenen sareak) eta eskualde baten barruan lokalizazio zenbait barneratzeari ekin diogu. Honezaz gain, posible da esperientzia Kultura-Ondareaz bestelako esparruetan garatzea. Marco Topo ingurumena edo bide-hezkuntza bezalako alorretara egokitzean pentsatzen ari gara.
Bilbon, Gasteizen, Madrilen… Non gehiago jolas daiteke Marco Topoan?
Gaur egun Esteponatik Gernikara bitartean olga daiteke, bidean hiri eta museo askotik igaroz, hala nola Giza Eboluzioaren Museoa eta Sorolla Museoa, besteak beste, eta horrela 25 lokalizazio gehiagotan.
Euskadiri dagokionez, jokoak Bilbon eta Gasteizen ditugu; irrika bereziki handia dugu orain, Euskarazko geure lehenbiziko proiektua kaleratu baitugu, Gernikako Udaletxearen laguntzaz.
Marco Toporen erabilera bezala, haren garapena ere interaktiboa da, erabiltzaileen esperientziaz baliatzen baita bere burua hobetzeko.
Eskerrak sormen handiko erabiltzaileak ditugula: haurrak!
Proiektuan zehar asko ikasi dugu haiengandik. Marco Toporen hastapenetik, aukera izan dugu gaztetxoen iritziak ezagutzeko, jokoan gai berriak sartzeko zein diseinuan erabakiak hartzeko baliagarri izan ditugunak.
Eta onena etortzear da! Haurren iritzia are garrantzitsua izango deneko erabiltzaileen komunitate bat sortu nahi dugu.
Marco Topok kolaborazioa onartzen du; beren udalerrietan proiektuak sustatzeko interesa duten pertsonak egongo dira ziur.
Bai, jakina. Gure proiektuetako bat irakasle baten elkarlanaz sortu zen. Asko gustatu zitzaion proiektu hau, eta berak ireki zizkigun bere udalerrirako ateak. Berriki, Marco Topo leku gehiagora eramaten lagunduko diguten euskal ekintzaile batzurekin elkarlanean hasi gara. Era berean, estatuan barrena badira ekintzaileren laguntzari esker sortutako proiektuak.
Jakina elkarlanean aritzeko prest gaudela!
Zeintzuk dira zuen hurrengo erronkak? Zer-nolako proiektua garatzea gustatuko litzaizueke?
Gure helburua zera da, haurrak dituzten familiek bisita kulturalak beren egitasmoen artean sar ditzaten. Aukerez josiriko giroan bizitzeko zortea izan dugu, eta Marco Topo haurrek gure Kultura-Ondarea era dibertigarrian ikasteko bide bat baizik ez da.
Gure hurrengo urratsak leku “dibertigarrien” sarea osatze bidean joango dira, geure ondarea ezagutzeaz gain, familiartean ondo pasatzeko eta dibertitzeko lekuen sarea egitera, hain zuzen ere.
Informazio gehiagorako: www.marcotopo.com
Lotutako albisteak
Eusko Jaurlaritzak startup teknologikoak sortzea bultzatuko du, 2,5 milioirekin ekintzailetzarako laguntzetan
Maiatzaren 16an irekiko ditu SPRIk Ekintzaile eta Barnekintzaile programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Zinemaldia Startup Challenge 2025
Izen-ematea: apirilaren 15etik ekainaren 2ra arte
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Wake Up! Albiste ekintzaile batzuk sarean 250324
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Zabalik dago MAKE IN! Ekintzailetza Industriala programaren 4. ediziorako izen-emate epea
Apirilaren 25a izango da programan izena emateko azken eguna
Wake Up! Albiste ekintzaile batzuk sarean
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Foodtech Startup Forum 2025: elikagaien industriarako berrikuntzaren eta teknologiaren arloko punta-puntako irtenbideak
Elikagaien eta edarien sektorerako proiektu, irtenbide edo negozio eredu iraultzaileak aurkeztu nahi dituzten startupek apirilaren 1era arte ikustarazi ahal izango dute bere hautagaitza