HodeiCloud, ziberlasaitasuna telelanaren garaian
Manuel Asís ingeniari eta aholkulariak espainian eta nazioartean zehar bidaiak egitea behar zituzten multinazionalentzat lan egiten zuen. Bost ordenagailu eramangarri desberdinen lapurreta jasan zuen, ordenagailu berri batekin berriz ere operatibo egoteak dakartzan zailtasunekin: aplikazioak instalatzea, datuak berreskuratzea, informazioarekin arazoak izatea, bezeroekiko hitzorduak eta proiektuen datak atzeratzea… “Gehien haserretu ninduena egun horretarako nuen lan-planarekin ezin jarraitzea izan zen, ezta aste horretarakoarekin ere. Hor sortu zen horrelako kasuetarako irtenbide eraginkorra izateko kezka”, azaldu du Asísek.
HodeiCloud 2019an sortu zen, Asísen eta bere anai Javierren eskutik eta BIC Bizkaia Ezkerraldearen laguntzarekin, biek arazo hori konpontzeko merkatu-esparru bat zegoela jakin zutenean. “Agian ez multinazionalentzat, gaur egun arazo horretara bideratutako sistemaren bat baitute, baina bai sail informatikorik ez duten enpresa txiki eta ertainentzat eta autonomoentzat”. HodeiCloudek zibersegurtasun eta telelaneko arazo horiei erantzun bat eman behar die. “Horretarako, kontingentzia plan bat diseinatzen da bezero bakoitzarentzat, sistemaren lapurreta, birus edo hackeo baten ondorioz ez plantillaren ez enpresaren jarduera geldirik gera dadin. Baliabide guztiak jartzen dira benetan zibererasoetatik babestuta egoteko”, azaldu du Asísek.
Gaur egun, 7 pertsonek osatzen dute HodeiCloud. “Gure lantokia Barakaldon dugun arren, gure lan-taldea nahi duen tokian dago, gure sistemak telelana egiteko ematen duen erraztasunaren bidez. HodeiCloud telelaneko plataformak eskaintzen dituen onurak eta aukerak erabiltzen lehenak gara. Bulegoan edo etxetik lan egiteko, tresna berberak erabiltzen ditugu”, esan du Asísek.
HodeiCloud plataforma ‘giltza’ moduko soluzio bat da, enpresek oraindik zerbitzari lokaletan gordetzen dituzten software, datu eta ziurtagiri guztiak online-hodeira eramatea ahalbidetzen duena. “Horretarako, birtualizazio-teknikak erabiltzen ditugu, zibersegurtasuna handitzeko eta, aldi berean, kontingentzia-plan eraginkorrak diseinatzeko. Enpresaren zerbitzari fisikoa gure online-hodeira igo ondoren, hileko kuota batekin, renting teknologiko bat euskuragarri jartzen dugu eskaintzen dugun produktu eta zerbitzuagatik. ETEak ez du zertan zuzenean edo zeharka teknikaririk kontratatu mantentze-lanetarako. Eurentzako abantaila nagusia kostuak murriztea eta mailakatzea da, haien beharrak handitu edo murriztuz gero”, azaldu du Asísek.
Ziberlasaitasuna sortzeko, HodeiCloudek zibersegurtasuna, Cloud Computing eta Adimen Artifiziala (IA) biltzen dituen ekosistema garatu du. Aholkularitzaz edo industria-sektoreko enpresez gain, softwarea garatzen duten enpresak ere laguntzen dituzte, hala nola Ticket-bairekin bateragarriak diren fakturazio-programak: “Software hori, zerbitzari batean instalatzea eskatzen duena, HodeiCloud pack-arekin instalatuta ematen da, online-hodeian birtualizatutako zerbitzariarekin, segurtasun-kopiak, zibersegurtasuna, kontingentzia-plana eta telelanarekin % 100eko bateragarritasuna”.
Bai enpresa bai HodeiCloud pack -a Inciben erregistratuta daude, baita Basque Cybersecurity Centrek kudeatzen duen Euskadiko Zibersegurtasunaren Katalogoan ere. “Gure bezeroaren zibersegurtasuna modu integralean kudeatzeaz arduratzen gara, eta horrek kontingentzia plan bat izateaz gain, beharrezkoa izanez gero, presente egotea ere eskatzen du”, azaldu du Asísek. Gainera, enpresa txiki eta ertainak eta autonomoak kontzientziatzeko, inkesta erraz bat sortu du bere webgunean, bere burua ikuskatzeko eta egungo arriskuak zein egungo babes-maila ikusteko.
Etorkizunari begira, enpresa IA berri bat garatzen ari da, enpresaren segurtasuna eta informazioa arriskuan jar dezaketen ezohiko egoerak detektatzeko, datu-bilketan eta algoritmoetan oinarrituta. “Zibereraso bat gertatuz gero datuak ahalik eta gutxien galtzea ziurtatuko duen ‘backups’ sistema bat ere garatzen ari gara, baina, batez ere, errekuperazio denbora murriztean gabiltza lanean, kontingentzia plana aktibatu behar izanez gero, bezeroak arazo bat egon dela jakin gabe lanean jarrai dezan”, azaldu du Asísek.
Dagoeneko merkaturatutako lehen soluzio bat ere badu, HodeiCloudek berrikuntza egiten jarraitzen du enpresa txiki eta ertainen eta autonomoen ziberlasaitasuna hobetzeari dagokionez: “Gaur egun, CDTIren Neotec deialdian aurkeztuko dugu gure iHodei proiektua, eta horretarako Europako markaren ziurtagiri ofiziala jaso dugu 10 urterako”, dio Asís. iHodei plataformak garatzen ari den teknologiak integratzen dituen plataforma bat da (IA eta Cloud Computing birtualean lantzen duen erabiltzaile bat). “Plataforma honen indarguneetako bat hiru mailatako autentifikazio-sistema izango da, zeinak IPak filtratu eta baliozkotzean oinarritutako autentifikazio-sistema bat izango duen. Gainera, IPak filtratuz geolokalizazio automatikoa baimentzeko sistema bat eta erabiltzaile eta pasahitz gisa baimentzeko tresna tradizionalak inplementatzeko sistema bat ere dauka”, zehaztu du Asísek.
Eusko Jaurlaritzak zibersegurtasuna bultzatzen du euskal enpresetan, Basque Cibersecurity Centerren inguruan gai horri buruzko sare ekonomiko bat sortuz.
Lotutako albisteak
INIZIA sariak banatu dituzte, INIZIA DAY jardunaldian
Horien helburua da oinarri teknologikoa duten eta/edo berritzaileak diren enpresa egitasmoak biltzen dituzten proiektuak aitortzea
Ekintzaileentzako laguntzak: Bihur ezazu zure negozio ideia enpresa berritzaile eta errentagarri Ekintzailerekin
Ideia berritzaile bat duzu eta enpresa bihurtu nahi duzu? Orduan interesatzen zaizu Ekintzaile 2025, programa ezagutzea. Ekintzailetza bultzatzeko laguntza horrek laguntza ekonomikoa eta adituen aholkularitza eskainiko dizkizu zure proiektua bideragarria eta arrakastatsua izan dadin.
Nola izan enpresa ekintzaile bat Barnekintzaile programarekin, barne-ekiteko laguntza.
800.000 euroko aurrekontua du Barnekintzaile 2025 barne-ekintzailetzarako laguntza-programaren edizio berriak. Enpresa-proiektu berriak garatzeko edo jarduera berrietara dibertsifikatzeko laguntza eskuratu nahi duten enpresek abenduaren 11ra arte aurkez ditzakete eskaerak.
Iritsi da zure datuak eta zerbitzuak hodeira migratzeko unea. Aprobetxatu euskal enpresentzako Kloud laguntza
Kloud programak Euskadiko enpresei haien zerbitzu edo azpiegitura informatikoak Cloud ingurune komertzialetara migratzeko aukera eskaintzen die. Horretarako, enpresa bakoitzeko 50.000 € arte eskaintzen du hodeirako migrazio-prozesu osoa diseinatzen eta ezartzen lagunduko dien kanpoko enpresa bat kontratatu ahal izateko. Azaroaren 10ean amaituko da laguntza hori eskatzeko epea.
Eusko Jaurlaritzak startup teknologikoak sortzea bultzatuko du, 2,5 milioirekin ekintzailetzarako laguntzetan
Maiatzaren 16an irekiko ditu SPRIk Ekintzaile eta Barnekintzaile programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Zinemaldia Startup Challenge 2025
Izen-ematea: apirilaren 15etik ekainaren 2ra arte
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua