Hiru gazte euskaldun MITek hautatutako ‘Innovators Under 35 Europe 2022’-en artean
Ana Ortega-Gilek, Sergio Gallastegik eta Xabier Sarasolak parte hartuko dute maiatzaren 19tik 21era bitartean Donegalen (Irlanda) ospatuko den MIT Technology Review-k bultzatutako ‘Innovators Under 35 Europe Festival’ jaialdian
Innovators Under 35 Europe ospetsua, MIT Technology Review aldizkariak bultzatutako ekimena, Irlandako Donegal hirira helduko da lehen aldiz maiatzaren 19tik 21era. 35 urte baino gutxiago dituzten Europako 32 gazte berritzaileen artean, MIT-ek hiru euskal gazte aukeratu ditu, Ana Ortega-Gil, Sergio Gallastegi eta Xabier Sarasola. Haien lana nabarmendua izan delarik osasun digitalean, Blockchain teknologian eta bide neuronalen bidezko ahots-sintesian.
Hiru egunez, Europako hainbat herrialdetako 30 bat gazte berritzaile bikain bilduko dira Gaoth Dobhairren, Donegalen, beren lana erakusteko eta etorkizunari forma ematen eta aurrerapen teknologikoen bidez bizitzak eraldatzen ari diren beste ameslari batzuk ezagutzeko. Ekitaldiarian ere Europako eta munduko berrikuntza-liderrek “mundu hobe bat sortzeko teknologiaren botere eraldatzaileari buruz hitz egin ahal izango dute”, jaialdiaren antolatzaileen azaltzen dutenez.
Egun horietan zehar, Europako hogeita hamar bat lider teknologikok plataforma paregabea izango dute bioteknologia eta medikuntza, informatika eta elektronika, hardwarea, softwarea, Internet, adimen artifiziala, robotika, telekomunikazioak, nanoteknologia eta materialak, energia eta garraioa bezalako esparru abangoardistetan izandako lorpenak erakusteko.
Unibertsitate eta enpresa liderretako adituek osatutako epaile-batzorde batek, Kenneth Chien Modernako sortzaileetako bat barne, hautagai irabazleak hautatuko ditu. Lehiaketak berrikuntza-eremu desberdinei lotutako bost kategoria bereiziko ditu, hala nola, Inbentoreak, Ekintzaileak, Bisionarioak, Humanitarioak eta Pioneroak.
Bere sorkuntzatik, MIT Technology Review, urteko jaialdi honen bultzatzailea, 35 urtetik beherako berritzaile bikainenen urteko zerrenda argitaratzen aritu da. Ikasle ohien artean, Sergey Brin eta Larry Page Googleren sortzaileak, Feng Zhang CRISPR teknologiaren aitzindaria eta JB Straubel Tesla Motorsen sortzaileetako bat daude.
Lehiaketarako hautatutakoen artean, Ana Ortega-Gil dago, Osasun Digitaleko ikertzailea bizkaitarra eta ,gaur egun, Health Engineers to Goroka (PNG) programaren koordinatzailekidea EHAS GKEan, Gorokako ospitaleari erradiologia zerbitzua ematen diona. Bere taldea ADLIFE Europako Berrikuntza Ekintzaren buru da eta erabaki kliniko digitalizatuak hartzeko laguntza eskaintzen du.
Bestalde, Sergio Gallastegi, Code Contract enpresako Fundatzailekidea eta Lead Blockchain da, Blockchain teknologiaren eta Adimen Artifizialaren bidez legezko segurtasuna duten administrazio-prozesuak digitalizatzeko eta automatizatzeko Legaltech plataforma. Gainera, ekintzaile gazte honek berrikuntza enpresarial eta teknikoarekin lotutako nazioko eta nazioarteko beste proiektu batzuetan parte hartu du. Bere grina teknologia, berrikuntza eta kirola da.
Xabier Sarasolak osatzen du euskal ordezkaritza. Elhuyar Fundazioan hizketaren sintesi-ikertzailea da, eta baliabide gutxiko hizkuntzekin, genero-berdintasunarekin eta sintesi translinguistikoarekin zerikusia duten ahotsezko testu-proiektu askotan lan egin du. Sarasolak ahots multilokutorraren sintesi-sistema garatu du sare neuronalen bidez. Era berean, okzitaniera languedoziarraren eta okzitaniera gaskoieraren hizketaren sintesiaren garapenean parte hartu du. Azkenik, UNESCOk parte-hartzaile birtualen genero-joerak gainditzeko emandako gomendioei jarraituz, genero-ahots anbiguoa sortu du Mycroft laguntzaile birtuala euskarara egokitzeko.
Lotutako albisteak
Garaia Parke Teknologikoa, berriro ere ekintzailetza eta inbertsiorako topagune ekainaren 3an
Debagoiena euskal ekintzailetzaren epizentroa izango da berriro, ekosistema enpresarial eta berritzailea indartzea helburu duen topaketarekin.
EBN 2025 kongresua BIC Bizkaia Ezkerraldean egingo da
Kongresua aukera paregabea izango da industria-energia trantsizioaren inguruan eztabaidatzeko, gure lurralde eta ekonomien etorkizunerako funtsezko gaia baita.
INIZIA sariak banatu dituzte, INIZIA DAY jardunaldian
Horien helburua da oinarri teknologikoa duten eta/edo berritzaileak diren enpresa egitasmoak biltzen dituzten proiektuak aitortzea
Ekintzaileentzako laguntzak: Bihur ezazu zure negozio ideia enpresa berritzaile eta errentagarri Ekintzailerekin
Ideia berritzaile bat duzu eta enpresa bihurtu nahi duzu? Orduan interesatzen zaizu Ekintzaile 2025, programa ezagutzea. Ekintzailetza bultzatzeko laguntza horrek laguntza ekonomikoa eta adituen aholkularitza eskainiko dizkizu zure proiektua bideragarria eta arrakastatsua izan dadin.
Nola izan enpresa ekintzaile bat Barnekintzaile programarekin, barne-ekiteko laguntza.
800.000 euroko aurrekontua du Barnekintzaile 2025 barne-ekintzailetzarako laguntza-programaren edizio berriak. Enpresa-proiektu berriak garatzeko edo jarduera berrietara dibertsifikatzeko laguntza eskuratu nahi duten enpresek abenduaren 11ra arte aurkez ditzakete eskaerak.
Eusko Jaurlaritzak startup teknologikoak sortzea bultzatuko du, 2,5 milioirekin ekintzailetzarako laguntzetan
Maiatzaren 16an irekiko ditu SPRIk Ekintzaile eta Barnekintzaile programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Zinemaldia Startup Challenge 2025
Izen-ematea: apirilaren 15etik ekainaren 2ra arte