Gizabidea Fundazioak 2 miliii euroko ekarpena egingo dio MU´ko ‘HIREKIN’ egitasmoari
Fagor Taldeak 2 milioi euroko ekarpena egingo dio Mondragon Goi Eskola Politeknikoaren egitasmo den HIREKIN berrikuntza eta ekintzailetza guneari, Gizabidea Fundazioaren bidez. Horixe izan da hartu den konpromisoa Gizabidea Fundazioak eta Mondragon Goi Eskola Politeknikoak martxoaren 23an sinaturiko hitzarmenean.
Fundazioaren egoitzan egin da hitzarmen sinatzea, eta Joxean Alustiza Usandizaga Fagor Taldeko eta Gizabidea Fundazioko lehendakariak; eta Juan Mari Palencia Fernandez Mondragon Goi Eskola Politeknikoko lehendakariak esku hartu dute hartan. Joxean Alustiza Usandizaga Gizabidea Fundazioko eta Fagor Taldeko lehendakariak “etorkizuneko inbertsiotzat” du sinatu berri den akordioa: “Urrats berri bat egin dugu hezkuntzaren, ezagutzaren, ikerkuntzaren eta ekintzailetasunaren bidean. Etorkizunean inbertitzen ari garen ziurtasunetik, komunitatea aberasten eta ahalduntzen dihardugu, besteren artean, Mondragon Unibertsitatea sustatzen ari den proiektu interesgarri eta berritzaile hau finantzatuz”.
Gauzak horrela, azken urteetako dinamikari heldurik darrai Fagor Taldeak, erroturik dagoen komunitatearekin duen “konpromisoaren” baitan. Hain zuzen ere, azken 40 urteotan, 28 milioi euro ditu bideratuak Fagorrek, Gizabidea Fundazioaren bidez, bailarako hezkuntza eragile kooperatiboen azpiegitura beharren finantzaziora. “Fagor Taldeak tinko sinesten du gizarte sano batek aukera berdintasunean oinarrituriko kalitatezko hezkuntza kooperatiboa behar duela izan oinarrian”, aitortu du Alustizak. Bada, azken urteetan eginiko inbertsioa erdigunean, MGEP (MU), Huhezi (MU) eta Arizmendi ikastolaren eraikin gehienen jabe da Fundazioa. Eta hezkuntza-ondarea zaintzen eta egitasmo berriak babesten darrai horietan. Fagor Taldeko kooperatibak dira Gizabidea Fundazioaren patrono fundatzaile nagusiak.
HIREKIN, industriaren eraldaketarako bitarteko
Lurraldeko industriaren eraldaketa bultzatu gura du HIREKIN berrikuntza eta ekintzailetza guneak, industria digital, deskarbonizatu eta zirkular bateranzko bidean. Horretarako, tartean, lurraldeko berrikuntza- ekosistema konektatzea eta enpresetan barne-ekintzailetza bultzatzea bilatuko lituzke, beharrezko liratekeen azpiegiturak eta zerbitzuak eskainiz. “Gizabidea Fundazioaren misioari erantzuten dio. Eskualdearen eraldaketa sozioekonomikoa bultzatu gura du hezkuntzaren, ikerketaren eta ekintzailetzaren bidez”, argitu du Alustizak.
Oro har, industria gune degradatu baten egokitzea eta errekuperazioa eragingo lituzke HIREKIN egitasmoak -dagoeneko martxan dira Uribe auzoko urbanizazio lanak, 4 milioi euro inguruko aurrekontuarekin-, eta hainbat espazio eskainiko lituzke bertan kokaturiko berrikuntza eta ekintzailetza guneak. Horien artean dira espazio industrial bereizgarria (altuera eta base sismikoak eraginda, besteren artean), bestelako tailer eremuak, kosorkuntzarako zein negozio eredu iraunkorretarako esperimentaziorako espazioak, zenbaketa edota simulazio gelak, prototipoetarako ekipamendu generikodun tailerrak…
“Balio erantsi handiko industria iraunkorrean oinarrituriko ekonomia lehiakorragorako beharrezko den trantsizio teknologiko-energetikoan lagunduko du HIREKINek. Horretarako, dibertsifikazio egitasmoen ideiagintza eta garapena, ekintzailetza eta koekintzailetza industrial zein teknologikoan sakonduko du”, azaldu du Juan Mari Palencia Fernandez Mondragon Goi Eskola Politeknikoko lehendakariak. Hezkuntza zentro harena da ekinbidearen lidertza, eta, hainbaten artean, eragile desberdinen arteko elkarlana bultzatu gura du -enpresak, pertsona ekintzaileak, ikertzaileak, ikasleak…-. Era berean, HIREKIN berrikuntza gunean bailarari egingo liokeen ekarpena azpimarratu gura izan du Palenciak. “Lagungarri izango da Debagoienak lurralde ekintzaile teknologiko gisa haren posizionamendua hobetu dezan”, dio.
Lotutako albisteak
Eusko Jaurlaritzak startup teknologikoak sortzea bultzatuko du, 2,5 milioirekin ekintzailetzarako laguntzetan
Maiatzaren 16an irekiko ditu SPRIk Ekintzaile eta Barnekintzaile programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Zinemaldia Startup Challenge 2025
Izen-ematea: apirilaren 15etik ekainaren 2ra arte
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Wake Up! Albiste ekintzaile batzuk sarean 250324
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Zabalik dago MAKE IN! Ekintzailetza Industriala programaren 4. ediziorako izen-emate epea
Apirilaren 25a izango da programan izena emateko azken eguna
Wake Up! Albiste ekintzaile batzuk sarean
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Foodtech Startup Forum 2025: elikagaien industriarako berrikuntzaren eta teknologiaren arloko punta-puntako irtenbideak
Elikagaien eta edarien sektorerako proiektu, irtenbide edo negozio eredu iraultzaileak aurkeztu nahi dituzten startupek apirilaren 1era arte ikustarazi ahal izango dute bere hautagaitza