Eusko Jaurlaritzak elikaduraren alorreko ekintzailetza bultzatuko du, eta Food BIND 4.0 aurkeztu du
BIND 4.0 bizkortzaileak elikaduraren alorreko espezializazio berri bat edukiko du hurrengo edizioan
Gaur, Elikaduraren Balio Kateko Ekintzailetza Estrategia aurkeztu du Eusko Jaurlaritzak. Zamudion eta sektoreko ordezkariak aurrean zeudela, Ekonomiaren Garapeneko eta Azpiegituretako sailburu Arantxa Tapiak eta Nekazaritza, Arrantza eta Elikagaien Politikako sailburuorde Bittor Orozek martxan jartzen diren helburuak eta jardute ildoak aurkeztu dituzte banan-banan, oraingo honetan arreta elikaduran jarrita.
Agente nagusien ekintzailetzari laguntzeko hartutako konpromisoaren erakusgarria da ekimena, Euskadiko elikaduraren balio katearen eraldaketa ekonomiko eta sozialerako ahaleginean parte hartzeko modu gisa.
Elikaduraren Balio Kateko Ekintzailetza Estrategia garatzeko, Eusko Jaurlaritzak hainbat tresna jarri ditu abian, hala nola hauek:
- Ekintzaileentzako beka programa, berrikuntza irekiko ekimenen bitartez
- Inkubazio programa, EIT Foodekin elkarlanean, Euskadin instalatu nahi diren ekintzaileentzat.
- Bizkortze programa, EIT Foodekin elkarlanean, EIT FAN Programa
- Berrikuntza irekiko foroa enpresen eta Start-upen artean
- Mentoreak
- Banan banako akonpainamendua (kokalekua bilatzea, partner eta bazkideekiko harremana, Administrazioarekiko harremana, etab.)
- Azpiegitura Teknologikoen Sarea (SFC 4.0)
- Inbertsiorako eta finantzaketarako laguntza neurriak, neurri fiskalak, etab.
Elikaduraren kateko ekintzailetza estrategia ikasle eta gazteei zuzenduta dago, bai eta oinarri teknologikoko start-upei, elikadura enpresei, sukaldariei eta agente inbertsiogileei ere
Elikaduraren sektorearen gune berria
Azken urteetan, elikaduraren sektorea “aukerako” sektoretzat jo izan da RIS Espezializazio Adimenduneko estrategiaren barruan. Orain arte, Euskadiri garatzeko eta berritzeko aukerak ematen zizkion eremutzat jo da, baina denbora honetan guztian elikaduraren balio katea osatzen duten agenteek antolatzen eta noranzko berean aurre egiten jakin izan dute.
Kontuan izanda sektorea erakusten ari den ahalmena eta gaitasunak, jada BPGd-ren %10eko pisua baitu, eta kontuan izanda, halaber, sektoreak enplegua sortzeko eta produktu berriak proposatzeko ahalmen handia duela, Eusko Jaurlaritza lanean aritu da elikadurari status handiagoa emateko eta manufaktura, energia eta osasunaren moduko lehentasunezko eremuen statusera hurbiltzeko.
Ekonomiaren Garapeneko eta Azpiegituretako Sailak eta sektoreko agenteek elkarrekin egindako gogoetak egun dagoen ekintzailetza sistema indartzera eta eremu honi arreta handiagoa egitera eraman du Eusko Jaurlaritza.
Euskadik garatu eta berritu ditzakeen sektore garrantzitsuenetako bat gisa sendotu da elikaduraren sektorea
Food BIND 4.0
Bind 4.0 da, zalantzarik gabe, Euskadik duen bizkortzailerik arrakastatsuena. Ekimen honen hurrengo edizioan, elikaduraren sektoreko enpresek eta startupek ere parte hartuko dute, FOOD BIND 4.0 osatuta.
BIND 4.0ren 2018ko deialdian 524 proiektu jaso dira, aurreko edizioan baino %36 proiektu gehiago, alegia. Proiektu guztietatik, %76 nazioarteko hautagaiak dira, eta azpimarragarria da munduan liderrak diren ekintzailetza hubetatik –Estatu Batuetatik, Israeldik, Erresuma Batutik eta Alemaniatik, esaterako– datozen startup hautagaien igoera.
Osasungintzaren teknologien sektorean sartzen da lehenengo aldiz, Eusko Jaurlaritzak bere RIS· Espezializazio Adimenduneko Estrategian ezarritako lehentasunei jarraituta.
BIND 4.0ren edizio honetan, nazioartean erreferentziakoak diren 40 enpresa traktorek hartuko dute parte fabrikazio aurreratuaren, energiaren eta osasunaren eremuetan 4.0 industriako soluzioak aplikatzen dituzten startupekin, eta datorren urtean eremu horiei guztiei elikadurarena ere gehituko zaie.
Lotutako albisteak
Eusko Jaurlaritzak startup teknologikoak sortzea bultzatuko du, 2,5 milioirekin ekintzailetzarako laguntzetan
Maiatzaren 16an irekiko ditu SPRIk Ekintzaile eta Barnekintzaile programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Eusko Jaurlaritzak Gauzatu Industria programa aktibatu du 28 milioi eurorekin
Oinarri teknologiko eta berritzailea duten enpresa txiki eta ertainen sorrera eta garapena bultzatzeko
Eusko Jaurlaritzak bi mila milioi euro baino gehiago aktibatu ditu muga-zergen eta merkataritzaren gerrari aurre egiteko neurrien lehen sortan
Lehendakariak azpimarratu du Euskadi prest dagoela egoera horri aurre egiteko, eta dei egin die Euskal Autonomia Erkidegoko eragile guztiei egoera horri batasunetik aurre egiteko
Industria Erronka-k 700 ikasle baino gehiagok industria-enpresa bat izatea simulatzea ahalbidetzen du
Industria Erronka Bizkaiko Foru Aldundiaren eta Eusko Jaurlaritzaren laguntzari esker posible da, SPRI - Euskal Enpresen Garapenerako Agentziaren bidez
Euskadik bere automobilgintza sektoreko industria indartuko du errepideko garraioaren deskarbonizazio adimendunerako laguntza-programa berri batekin
Eusko Jaurlaritzak "Emisio Txikiagoko Ibilgailuak" laguntza-programa aurkeztu du Industriaren Defentsarako Taldearen baitan, euskal automobilgintzaren sektoreak egungo muga-zergen gerraren testuinguru globalean dituen erronkei erantzuteko
Industria Defendatzeko Taldeak Euskadiko industriari laguntzeko lehen neurria onartu du
Industria Defendatzeko Taldeak lehen laguntza-programa bat aurkeztu du, “Emisio gutxiagoko ibilgailuak” erosteko, Euskadin errepideko garraioaren deskarbonizazio adimendunean aurrera egiteko eta, aldi berean, euskal industriarako funtsezkoa den sektore bati, automobilgintzari, laguntzeko