Ekintzailetza Invest in Basque Country Lurzorua

Albisteak 27 Marzo, 2019

Galiziako Carballo Kontzejuko enpresak Euskadira etorri dira euskal enpresa-guneen kudeaketa-eredua ezagutzera

Euskadi da goi-mailako kalitatezko ziurtagiridun enpresa-gune gehien biltzen dituen Estatuko autonomi erkidegoan

Carballoko Enpresarien Elkarteko eta Kontzejuko ordezkariak Euskadira etorri dira, berau delako kalitatezko ziurtagiridun enpresa-gune gehien biltzen dituen Estatuko autonomi erkidegoa.

Galiziako Carballo Kontzejuko ordezkaritza instituzional bat eta Enpresarien Elkarteko ordezkari bi lan-bisita batean etorri dira Euskadira, lehen eskutik ezagutzeko Kalitatezko Q ziurtagiridun enpresa-guneen kudeaketa arloko esperientzia.

Euskadi da goi-mailako kalitatezko ziurtagiridun enpresa-gune gehien biltzen dituen Estatuko autonomi erkidegoa: 3 Bizkaian (Okamika-Gizaburuaga, Bildosola-Artea, Torrelarragoiti-Zamudio) eta 2 Gipuzkoan (Zuatzu-Donostia, Argixao-Zumarraga). 2019-2021 urtealdiari begira, Sprilur-ek eta Industrialdeak Sozietateek 10 industrialderi eman nahi diete kudeaketako Q Kalitate ziurtagiria.

Euskadira eginiko bisitaldian, Galiziako ordezkariek aukera izan dute Sprilur-eko (Euskadiko enpresa-guneen eta industrialdeen kudeaketako sozietate publikoa) eta Industrialdeak Programako arduradunekin elkartzeko Arteako Bildosola poligonoan, Kalitatezko Q ziurtagiria eskuratu zuen lehenengo poligono publikoan.

Euskadiko enpresa-guneetan aplikatu diren jardunbide egokiak eta kudeaketa ereduak erreferente bat dira Estatu mailan, horregatik bisita honen helburua da ereduak batzea hasiera emateko Carballoko industrialdeko kalitate-zigilua eskuratzeko tramitazioari, zeinetan lanean ari baitira Carballoko Enpresarien Elkartea eta Carballoko Kontzejuko Ekonomi Sustapen Saila.

Espainiako Industrialdeen Koordinakundeak (CEPE) AENORekin elkarlanean abiarazi zuen enpresa-gune eta poligonoetarako Europako lehenengo kalitate-marka, helburutzat hartuz lurraldeen lehiakortasuna emendatzea hobekuntzak eginaz enpresa-guneen kudeaketan. Ziurtagiria lortzeko, enpresa-gune eta poligonoek beren kokalekuko exekuzio eta zerbitzu arloko eta esparru ekonomiko eta sozialeko ekarpenei buruzko 170 baldintza inguru bete behar dituzte.

Lotutako albisteak

16/06/2025 Up Euskadi

Industriari aplikatutako 30 soluzio teknologiko aurkeztuko ditu Eusko Jaurlaritzak BINDen Demo Day jardunaldian, uztailaren 3an

Kursaal Kongresu Jauregia eta Auditorioan ospatuko da Eusko Jaurlaritzaten eta SPRI taldearen BINDen Demo Day 9. edizioan eta 20 startupek Euskadiko ETE eta korporazio liderrekin batera garatutako berrikuntza-proiektuak aurkeztuko dituzte.

16/06/2025 Ekintzailetza

Tecnaliak TramoIA Intralogistics Robots startupa sortu du, logistikako prozesu konplexuak automatizatzeko soluzio teknologiko bat

Startup berriak Basque Tek Venturesen laguntza du, zeina baita Eusko Jaurlaritzaren ekimen bat, helburu duena oinarri teknologikoko enpresa berriak sortzen laguntzea eta haien hazkundea sustatzea

12/06/2025 Ekintzailetza

ComexSoftek erabaki estrategikoak hartzen laguntzen die elikagaien retail sektoreko enpresei

Aginte-panel interaktibo baten bidez, fabrikatzaileei eta banatzaileei produktuen salmenten analisia, merkatuen araberako fakturazioa eta produktua hainbat merkatutara egokitzeko potentziala monitorizatzeko aukera ematen die

06/06/2025 Up Euskadi

Euskadi – Basque Countryk euskal startupen azken berrikuntza teknologikoak aurkeztuko ditu South Summiten

Ekainaren 6ra arte, bederatzi euskal startupek Smart Industry, e-Commerce, Health Tech eta telekomunikazioei aplikatutako teknologia berriak aurkeztuko dituzte.

04/06/2025 Ekintzailetza

Pedro José Salazar, AJL Ophthalmic enpresako CEOa, eta Kroketak.eus: Araba Ekinean 2025 sarien irabazleak

Ekin Day ekimenean, ekainaren 2an Europa Biltzar Jauregian egindako Araba Ekinean jardunaldi nagusian, “Zure ideiak balio du” lehiaketaren 2025. edizioko 11 kategorietako sariak banatu ziren.

29/05/2025 Invest in Basque Country

Euskadi eta Txile ekonomia- eta enpresa-harremanak estutzeko lanean ari dira

Latinoamerikako herrialde horretako 70 enpresaburuk, gehienak euskal diasporaren ondorengoak, Euskadi bisitatu dute inbertsio-aukeren bila

27/05/2025 Ekintzailetza

Garaia Parke Teknologikoa, berriro ere ekintzailetza eta inbertsiorako topagune ekainaren 3an

Debagoiena euskal ekintzailetzaren epizentroa izango da berriro, ekosistema enpresarial eta berritzailea indartzea helburu duen topaketarekin.

23/05/2025 Ekintzailetza

EBN 2025 kongresua BIC Bizkaia Ezkerraldean egingo da

Kongresua aukera paregabea izango da industria-energia trantsizioaren inguruan eztabaidatzeko, gure lurralde eta ekonomien etorkizunerako funtsezko gaia baita.

20/05/2025 Eraldaketa digitala

Epea eta aurrekontua zabaldu ditugu, adimen artifizialeko teknologiak barne hartzen dituzten eta Euskadiko enpresen datuen azpiegitura optimizatzen duten proiektuak babesteko.

Laguntza horiek Europar Batasunak finantzatzen ditu NextGenerationEU berreskuratze-planaren bidez, pandemiak eragindako kalteak konpontzeko eta etorkizun jasangarriago, digitalago eta erresilienteago baten oinarriak ezartzeko. Espainian, funts horiek Berreskurapen, Eraldaketa eta Erresilientzia Planaren bidez kudeatzen dira.

15/05/2025 Ekintzailetza

INIZIA sariak banatu dituzte, INIZIA DAY jardunaldian

Horien helburua da oinarri teknologikoa duten eta/edo berritzaileak diren enpresa egitasmoak biltzen dituzten proiektuak aitortzea

Joan blogera

Bilaketa iragazi