Ekintzailetzako zuzendariak azpimarratu duenez, euskal ekosistemaren bidez, 30 enpresa berri eratu ziren iaz Araban
Eusko Jaurlaritzako Ekintzailetza eta Nazioartekotzearen zuzendariak, Ane Miren de Ariñok, Arabako ekintzailetzako ekosistemaren bidez iaz 30 enpresa berri eratu zirela nabarmendu du. Ariñok Araba Ekinean egitasmoko 2025erako jardueren programaren aurkezpenean hartu du parte.
Edizio honekin, 22 urte beteko dira lurraldean ekintzailetza sustatu eta bultzatzen, eta erakunde hori Araban jarduera horrekin lotutako eragileak eta ekimenak biltzen dituen erreferente eta gune bihurtu da. Arabako Foru Aldundiak, Vitoria-Gasteizko Udalak, Eusko Jaurlaritzak, SPRI Taldearen bidez, eta BIC Arabak eta Vital Fundazioak prentsaurrekoan aurkeztu dituzte 2025ean “Sareko talentua” izenburupean egingo den ekimenaren xehetasunak.
Ekintzailetza eta Nazioartekotzearen zuzendariak adierazi duenez, Arabako ekintzailetza gorakada-fasean dago argi eta garbi. “2024a errekorreko urtea izan da eratutako enpresa kopuruari eta Ekintzaile/Barnekintzaile eta Ekin Araban egitasmoarekin lotutako laguntzen eskaerari dagokienez. Horiek guztiek, gainera, berrikuntza teknologikora eta garapen jasangarria zuzendutako ikuspegi argia dute”.
Ane Miren de Ariñok “BIC Arabaren, SPRIren eta Eusko Jaurlaritzaren kanaletatik egiten dugun” lan garrantzitsuari balioa eman nahi izan dio. “Eta horrek herritarrengana iristeko modu zabala eskatzen du, ekintzaileari prestigioa emanez eta ekintzailetzak dakartzan aukerak hurbilduz, bereziki gazteenei”.
Aurtengo jardunaldi nagusiak maiatzaren 12an izango dira, ideien lehiaketako finalisten aurkezpenarekin, eta ekainaren 5ean, Ekin Day egunarekin. Aurtengo gai nagusia izango da proiektu ekintzaileak sustatzeko sareak eta sinergiek duten garrantzia.
Egitasmoarekin lotuta urtean zehar egingo diren jarduerak urtarrilaren 30ean hasi ziren, Arabako LHko ikasleen 47 negozio-ideia aurkezteko baliagarria izan zen Eskola Enpresen Azokarekin.
Araba Ekinean egitasmoaren aurtengo edizioak lurralde honetako enpresa-talentuan, eta pertsona horiei esker sortzen diren enpresa eta proiektuetan jarriko du arretagune nagusia. Ekimen honen jarduera nagusietako bat da “Zure ideiak balio du” lehiaketa (aurtengoa 21. edizioa izango da). Gaurko aurkezpenak lurraldeko ideia eta proiektu ekintzaile onenak saritzen dituen lehiaketa honen 2025. edizioa abiarazteko balio izan du. 11 sari izango dira guztira, eta 10.000 euro baino gehiago banatuko dituzte, hainbat erakunde babesleren lankidetzari esker: Vital Fundazioa, Aclima (Ingurumenaren Euskal Klusterra), Gasteiz ON, Eroski, Michelín Fundazioa, i+Med, RPK, Deustuko Unibertsitatea, Mobility Lab Vitoria-Gasteiz eta Data Value Management.
Aurten, lehiaketak Arabako enpresa-sareko egungo joerei eta eskakizunei zuzendutako sari berezi bat izango du. Gasteizko Data Value Management start upak babestuko du sari berri hau, eta adimen artifizialeko eta datuen analisiko teknikak hobeto aplikatzea proposatzen duen proiektua sarituko du.
Lotutako albisteak
INIZIA sariak banatu dituzte, INIZIA DAY jardunaldian
Horien helburua da oinarri teknologikoa duten eta/edo berritzaileak diren enpresa egitasmoak biltzen dituzten proiektuak aitortzea
Ekintzaileentzako laguntzak: Bihur ezazu zure negozio ideia enpresa berritzaile eta errentagarri Ekintzailerekin
Ideia berritzaile bat duzu eta enpresa bihurtu nahi duzu? Orduan interesatzen zaizu Ekintzaile 2025, programa ezagutzea. Ekintzailetza bultzatzeko laguntza horrek laguntza ekonomikoa eta adituen aholkularitza eskainiko dizkizu zure proiektua bideragarria eta arrakastatsua izan dadin.
Nola izan enpresa ekintzaile bat Barnekintzaile programarekin, barne-ekiteko laguntza.
800.000 euroko aurrekontua du Barnekintzaile 2025 barne-ekintzailetzarako laguntza-programaren edizio berriak. Enpresa-proiektu berriak garatzeko edo jarduera berrietara dibertsifikatzeko laguntza eskuratu nahi duten enpresek abenduaren 11ra arte aurkez ditzakete eskaerak.
Eusko Jaurlaritzak startup teknologikoak sortzea bultzatuko du, 2,5 milioirekin ekintzailetzarako laguntzetan
Maiatzaren 16an irekiko ditu SPRIk Ekintzaile eta Barnekintzaile programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Zinemaldia Startup Challenge 2025
Izen-ematea: apirilaren 15etik ekainaren 2ra arte
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Wake Up! Albiste ekintzaile batzuk sarean 250324
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.