Easo Ventures, Euskadiko lehenengo Venture Capital sozietate pribatua
Euskadiko hainbat enpresak eta enpresarik bat egin dute Easo Ventures sortzeko, Arrisku Kapitaleko Gipuzkoako lehenengo sozietate pribatua. Erakunde horrek 20 milioi euroko zuzkidura du datozen lau urteetan mota guztietako enpresetan inbertitzeko, baina hazkunde potentzial handiko euskal ETEetan zentratuko da batik bat.
Gipuzkoan inbertsio-industria indartsu bat sortzeko lehen urratsa da Easo Ventures. Bere helburua da ETEei eta startupei laguntzea hazten, garatzen eta ezartzen, deslokalizatzeko edo atzerriko funtsen menpe egoteko arriskurik gabe, horixe baita munduko herrialde lehiakorrenek egiten dutena.
Easo Ventures konpainiak lortu du dagoeneko hainbat inbertitzaile publiko eta pribaturen konpromisoa Arrisku Kapitaleko Sozietate horretan parte hartzeko. Nahiz eta ekimena guztiz pribatua den, laguntza jasotzen du Eusko Jaurlaritzatik (SPRIk kudeatzen duen Basque FCR Arrisku Kapitaleko Funtsaren bitartez) eta Gipuzkoako Foru Aldunditik. Erakunde biak bat etorri dira hasieratik Easo Ventures konpainiaren helburuekin eta bere estrategiarekin, hau da, apustu egin dute gure gizartearen etorkizuna markatzen duten industria-sarea eta sektore gorakorrak garatu, erakarri eta finkatzeko.
Eusko Jaurlaritzaz eta Gipuzkoako Foru Aldundiaz gain, Easo Ventures konpainiak inbertsioak jasoko ditu Itzarri funtsetik (Euskadiko administrazio orokorraren BGAEa) eta Bankoa Crédit Agricole bankutik, proiektu hori bikain txertatzen baita erakunde horren Plan Estrategiko berrian, zeinak are gehiago indartzen baitu bankuaren izateko arrazoia.
Erakunde horiez gain, 70 inbertitzaile pribatuk ere parte hartuko dute ekimen horretan, besteak beste Euskadiko enpresa industrialek eta hainbat euskal familiak. Hasierako helburua zen Fond-ICO funtsari laguntza eskatzea atzemandako inbertsioak osatzeko, baina ekimenak hain harrera ona izan du inbertitzaileen artean, ezen laguntza hori eskatu gabe ere osatuko baita inbertsio erronda.
“Funts pribatu honetan inbertitzea erabaki dutenek badute talentuzko eta esperientziazko kapitala, gainera, inbertsio hori bertakoa da, eta apustu irmoa egin da bultzada bat emateko etorkizuneko bidea urratuko dutenei. Eta hori albiste paregabea da gure gizartearentzat”
adierazi du Pedro Muñoz-Barojak, Easo Ventures sozietateko bozeramaileak.
Inbertsiorako ibilgailu berri honek bultzatzaile ugari dauzka, besteak beste, hauek: BerriUp, Euskadiko lehen startup azeleragailu pribatua (Donostia); Norgestion, Espainia osoan bat-egite eta erosketa operazioetan esperientzia handia duen aholkularitza donostiarra; Inveready, 2017an Espainiako Venture Capital kudeatzaile onena Espainiako Arrisku Kapitaleko Elkartearen (ASCRI) arabera; eta José Poza, MásMóvil enpresako presidenteordea. Talde bultzatzaile horrekin batera arituko da lanean Juan Mari Ochoa, Fineco aholkularitzako inbertsio-analista historikoa.
Easo Ventures sozietateak Andbank España erakundearen laguntza du, zeinak presentzia baitu Gipuzkoan eta Euskadin duela 50 urte baino gehiagotik. Andbank bankuko zuzendari Enrique Elolaren arabera, “akordio honek ateak irekiko ditu Gipuzkoako ekonomia bultzatzeko, bai tokian tokiko enpresa-sarea sendotuz eta bai beste leku batzuetako talentua erakarriz.
Sozietate berri horrek inbertsioak egingo ditu 50 enpresa baino gehiagotan, kasu batzuetan beren hasierako faseetan eta beste batzuetan ondorengo hedapen-prozesuan. Helburua da enpresei laguntzea hazkunde estrategikoko plan bat prestatzen eta finantzaketa gehigarria eta laguntza profesionala bilatzen. Hau da, inbertsioaz gain, Easo Ventures sozietateak laguntza profesionala eskainiko du, Euskadiko lehen mailako enpresariz eta zuzendaritza-karguz osatutako tutore-sare baten bidez.
Arrisku Kapitaleko Sozietate berri horrek helburutzat du baita ere beste ibilgailu batzuen sorrera sustatzea eta Euskadiko finantza eta gizarte arloetako eragileak animatzea finantzaketa-plaza aktibo bat sortzera, bere bitartez gizarte- eta enpresa-sare bat taxutzeko eta beronen hazkunde ekonomikoa lortzeko.
+info: www.easoventures.com
Lotutako albisteak
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Eusko Jaurlaritzak Gauzatu Industria programa aktibatu du 28 milioi eurorekin
Oinarri teknologiko eta berritzailea duten enpresa txiki eta ertainen sorrera eta garapena bultzatzeko
Eusko Jaurlaritzak bi mila milioi euro baino gehiago aktibatu ditu muga-zergen eta merkataritzaren gerrari aurre egiteko neurrien lehen sortan
Lehendakariak azpimarratu du Euskadi prest dagoela egoera horri aurre egiteko, eta dei egin die Euskal Autonomia Erkidegoko eragile guztiei egoera horri batasunetik aurre egiteko
Industria Erronka-k 700 ikasle baino gehiagok industria-enpresa bat izatea simulatzea ahalbidetzen du
Industria Erronka Bizkaiko Foru Aldundiaren eta Eusko Jaurlaritzaren laguntzari esker posible da, SPRI - Euskal Enpresen Garapenerako Agentziaren bidez
Euskadik bere automobilgintza sektoreko industria indartuko du errepideko garraioaren deskarbonizazio adimendunerako laguntza-programa berri batekin
Eusko Jaurlaritzak "Emisio Txikiagoko Ibilgailuak" laguntza-programa aurkeztu du Industriaren Defentsarako Taldearen baitan, euskal automobilgintzaren sektoreak egungo muga-zergen gerraren testuinguru globalean dituen erronkei erantzuteko
Industria Defendatzeko Taldeak Euskadiko industriari laguntzeko lehen neurria onartu du
Industria Defendatzeko Taldeak lehen laguntza-programa bat aurkeztu du, “Emisio gutxiagoko ibilgailuak” erosteko, Euskadin errepideko garraioaren deskarbonizazio adimendunean aurrera egiteko eta, aldi berean, euskal industriarako funtsezkoa den sektore bati, automobilgintzari, laguntzeko
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Wake Up! Albiste ekintzaile batzuk sarean 250324
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.