Circular Replay-k enpresei laguntzen die ekonomia jasangarriago eta zirkularrago baterako trantsizioan
Circular Replay 2023an Mondragon Korporazioak eta Éxxita Be Circular teknologikoak sortutako enpresa berria da, ekonomia zirkularreko ereduei lotutako negozio-aukerak sortzeko industrian. Horretarako, soluzio teknologiko propioak ditu, produktuen diseinua eta fabrikazioa eraldatzen laguntzen dutenak, baliabideen balioa maximizatzen dutenak haien ingurumen-inpaktua murriztuz, eta horien jatorri zirkularra eta arduratsua ziurtatzen dutenak.
“Industriaren trantsizio ekologikoa arau-esparru berriek azken urteetan ezarritako helburu handienetako bat da, baina ikusten genuen ekonomia zirkularraren arloko proposamenak falta zirela negozioa sortzearen ikuspegitik, emaitzen kontuan eta ingurumenaren hobekuntzan laguntzeko. Merkatuan balio diferentzialeko proposamen bat eskaini nahi genuen, sektoreari trantsizio zirkularra kudeatzen lagunduko diona IA teknologiaren, Blockchainen eta nazioarteko estandarren bitartez”, azaldu du Jorge de Antonio Circular Replay-ko gerenteak.
Horrela, startup-ak prozesu osoan laguntzen die bezeroei: haien ekoizpena, hornidura-iturriak eta kontsumitutako materialak identifikatzen eta aztertzen ditu; material kritikoen presentzia; eta sortutako aktiboak eta horiek bizitza baliagarriaren amaieran dituzten baliabideak berreskuratzeko potentziala. Era berean, zirkulartasun-puntu bat finkatzen du, nazioarteko estandarren bidez ebaluatzen duena, eta ekintza-plan bat ezartzen laguntzen die, zirkulartasun-adierazleak hobetzeko, prozesuen kudeaketa linealari lotutako arriskuak murrizteko eta kudeaketa-estrategia zirkularrak aplikatzearen ondoriozko negozio-aukerak baliatzeko.
Startup-ak konpainia baten aktiboen bizi-zikloaren kudeaketa adimentsua eta jasangarria ere eskaintzen du, ‘CRIA’ adimen artifizialeko plataformaren bidez; produktuak eta osagaiak berrerabiltzea errazten duten eta dituzten materialen balorizazioa optimizatzen duten prozesuak esploratu eta garatzen ditu, eta berreskuratutako baliabideen eta ekodiseinatutako produktuen zirkulartasuna ere ziurtatzen du, ‘CircPass’ pasaporte elektronikoaren bidez.
Bizitza laburra duen arren, Circular Replay-k hainbat industria-sektoretako bezero nazionalak eta nazioartekoak ditu: etxetresna elektrikoen balio-kateko fabrikatzaileak, ekipo industrialen ondasunen ekoizleak, automobil-industriako osagaien fabrikatzaileak eta aisialdiarekin eta kirolarekin lotutako produktuen fabrikatzaileak. Gainera, duela gutxi energia banatzeko funtsezko ekipoen sektoreko nazioarteko bezero lider batekin lankidetzan hasi da.
Proiektu berritzaileak funts publikoekin
Une honetan, funts publikoen laguntza lortu duten bi proiektu berritzaile ditu. Alde batetik, RAEE Loop dago. Proiektu horretan, COPRECI etxetresna elektrikoen industriarako osagaien fabrikatzailearekin eta Éxxita Be Circular teknologikoarekin lankidetzan aritzen da, etxetresna elektrikoak berrerabiltzeko egungo indizeak handitzea ahalbidetzen duen kudeaketa-eredu bat diseinatzeko. Bestalde, nazioartean, WEEE Loop dago, COPRECI, Éxxita Be Circular, Ecolec eta Emaus Gizarte Fundazioarekin lankidetzan garatutako proiektua, RAEE Loop eredua errepikatu eta eskalatzen duena, bitrozeramika-plaken hondakinetan dauden osagaiak berreskuratzeko eta ekodiseinu-irizpideekin fabrikatutako produktu-sorta berri bat diseinatzeko. Gainera, pasaporte digitala du berreskuratutako osagaientzat eta ekodiseinatutako produktuentzat.
Nahiz eta konpainia gaztea eta hazkunde-prozesuan murgilduta egon, Circular Replay-k uste du industriaren zirkulartasun-ereduetarako trantsizioaren buru izan behar duela. “Izan ere, esan dezakegu Circular Replay-k mundu mailako industria-eragile handi baten arreta bereganatu duela dagoeneko, eta espero dugu gure proposamenak interesa eta arreta erakartzen jarraitzea gure mugen barruan eta kanpoan datozen urteetan”, ondorioztatu du de Antoniok.
SPRI Taldeak laguntza integralaren bidez berrikuntza, ekintzailetza eta barne-ekintzailetza laguntzen ditu, ideiak merkatura modu arrakastatsuan irits daitezen. Aurrera, Basque Fondo, Bind 4.0, Ekintzaile edo Barnekintzailetza ekintzailetzarako laguntza-programen bidez egiten du hori.
Lotutako albisteak
INIZIA sariak banatu dituzte, INIZIA DAY jardunaldian
Horien helburua da oinarri teknologikoa duten eta/edo berritzaileak diren enpresa egitasmoak biltzen dituzten proiektuak aitortzea
Ekintzaileentzako laguntzak: Bihur ezazu zure negozio ideia enpresa berritzaile eta errentagarri Ekintzailerekin
Ideia berritzaile bat duzu eta enpresa bihurtu nahi duzu? Orduan interesatzen zaizu Ekintzaile 2025, programa ezagutzea. Ekintzailetza bultzatzeko laguntza horrek laguntza ekonomikoa eta adituen aholkularitza eskainiko dizkizu zure proiektua bideragarria eta arrakastatsua izan dadin.
Nola izan enpresa ekintzaile bat Barnekintzaile programarekin, barne-ekiteko laguntza.
800.000 euroko aurrekontua du Barnekintzaile 2025 barne-ekintzailetzarako laguntza-programaren edizio berriak. Enpresa-proiektu berriak garatzeko edo jarduera berrietara dibertsifikatzeko laguntza eskuratu nahi duten enpresek abenduaren 11ra arte aurkez ditzakete eskaerak.
Eusko Jaurlaritzak startup teknologikoak sortzea bultzatuko du, 2,5 milioirekin ekintzailetzarako laguntzetan
Maiatzaren 16an irekiko ditu SPRIk Ekintzaile eta Barnekintzaile programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Zinemaldia Startup Challenge 2025
Izen-ematea: apirilaren 15etik ekainaren 2ra arte
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Wake Up! Albiste ekintzaile batzuk sarean 250324
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.