Bilbao AS FABRIK proiektuak 12 enpresa eta 120 profesional barne hartzen ditu 2018 4.0 Industrian
- Bilbao As Fabrik Bilboko Udalak sustatzen eta zuzentzen duen hiri-proiektu bat da, eta finantzaketarako Europako Batzordearen laguntza jasotzen du Eskualdeko Garapenerako Europako Funtsen bitartez, UIA (Urban Innovative Actions) proiektu gisa hautatua izan ostean.
- Udalak Bilbao Ekintza udal-entitatearen bitartez hartzen du parte ekimenean, baina, beste bazkide estrategiko batzuk ere baditu, hala nola Mondragon Korporazioa, Mondragon Unibertsitatea, MIK, Orkestra, GAIA, IDOM eta EKIN. Horrek agerian uzten du lankidetza publiko-pribatua zein garrantzitsua den hiriko etorkizun ekonomiko lehiakor eta jasangarriari laguntzen dioten ekimen handiak bultzatzeko orduan.
Bilbao As Fabrik proiektuaren helburua da 4.0 industriarako eta ekonomia digitalerako zerbitzu aurreratuak sustatzea Zorrotzaurre ekosistema berritzaile gisa egonkortzeari begira, eta orain ari da lehenengo emaitzak erdiesten.
Aurten, 2018. urtean, 4.0 industrian aplikatzeko teknologia-sektoreari lotuta dauden 12 start-up sartu ditu tartean Bilboko Udalaren proiektuak, eta, gainera, proiektuko mentoring-prozesu baten laguntza jasotzen dute. Aurten, halaber, 120 profesional baino gehiago aritu dira Bilbao As Fabrikek sektorearen ezagutza indartzeko eskaintzen dituen adituentzako ikastaroetan. Bestalde, hurrengo hilabeteetan Zorrotzaurren Beta II eraikina zaharberritzeko obrak hasiko dira.
ETORKIZUNEKO ESTRATEGIA BATEN ALDEKO APUSTU PUBLIKO-PRIBATUA
Bilbao As Fabrik proiektuan, guztira, 5.800.000 euroko aurrekontua dago. Europako Batzordeak kopuru osoaren % 80 lagundu du diruz; hau da, udalak garapen ekonomikoarekin, aberastasuna sortzearekin eta kalitate oneko enpleguarekin duen konpromisoa babesten duen nazioarteko beste berme bat dugu.
Bilbao As Fabrik ekimenari esker, negozio digitaletarako ideien haztegi bat izango da Zorrotzaurre, eta, aldi berean, 4.0 industriari lotutako etorkizuneko inbertsioak iristeko motorra ere izango da. AS Fabrik Bilbaoren xedea da tokiko enpresen lehiakortasuna hobetzea eta Zorrotzaurre ekosistema berritzaile gisa egonkortzea, zeina erreferentzia izango den 4.0 industriarako eta ekonomia digitalerako zerbitzu aurreratuen esparruan.
Bilbao As Fabrik Bilboko Udalak sustatzen eta zuzentzen duen hiri-proiektu bat da, eta finantzaketarako Europako Batzordearen laguntza jasotzen du Eskualdeko Garapenerako Europako Funtsen bitartez, UIA (Urban Innovative Actions) proiektu gisa hautatua izan ostean. Udalak Bilbao Ekintza udal-entitatearen bitartez hartzen du parte ekimenean, baina, beste bazkide estrategiko batzuk ere baditu, hala nola Mondragon Korporazioa, Mondragon Unibertsitatea, MIK, Orkestra, GAIA, IDOM eta EKIN. Horrek agerian uzten du lankidetza publiko-pribatua zein garrantzitsua den hiriko etorkizun ekonomiko lehiakor eta jasangarriari laguntzen dioten ekimen handiak bultzatzeko orduan.
BILBAO AS FABRIK, LAU JARDUKETA GARRANTZITSU
Beta II eraikinean dagoen Bilbao As Fabrken egoitzatik, lau jarduketa garrantzitsu koordinatzen dira:
- Unibertsitateko ikasleei, pertsona ekintzaileei eta profesionalei zuzendutako prestakuntza-programak, ekonomia digitalean 4.0 industriako erronkei aurre egitea xede dutenak.
- Alor publiko eta pribatuko eragile edo interes-talde nagusien artean networking-ekintzak gauzatzea, industria-sektoreko oraingo eta etorkizuneko beharrei erantzuteko bideragarria nahiz eraginkorra den estrategia bakarra koordinatze aldera.
- Bilbon egoitza duten start-up direlakoen merkaturatzea bultzatzeko eta errazteko proposamenak, 4.0 industriak nazioartean kokatzeko eskatzen duen ezagutzari, espezializazioari eta teknologiari lotutakoak.
- Ideien laborategi eta behatoki bat abiaraztea, non alor teknologiko, 4.0 industriako eta ekonomia digitaleko joerak aztertuko diren tokiko enpresek aurre egin behar dituzten erronkak identifikatzeko eta erronka horietarako irtenbide berritzaileak proposatzeko.
ZORROTZAURE, AUKEREN EREMUA
Zorrotzaurreko uhartea inbertsioak erakartzeko eta aukeretarako eremu gisa eraikiko da, eta, horrela, garapen ekonomikoa sustatuko da. Zorrotzaurreko uhartearen garapen-plana Bilboko hiri-berroneratzea erdiesteko azken operazioa da. Era berean, proiektu integral eta jasangarri bat dugu, zeinaren bitartez industria-barruti zahar bat barruti teknologiko bati lotutako eremu berri batekin konektatzen den. Bertan, honako hauek ditu: etxebizitza irisgarriak, enpresak ezartzeko eremu ez kutsatzaileak, askotariko gizarte- zein kultura-ekipamendu eta -tresnak eta aisialdirako eremu asko. Zorrotzaurre, halaber, anbizio handiko Hiri Garapen Jasangarri eta Integraturako Estrategia bat ezartzeko agertokia da. Hain zuzen ere, Eskualdeko Garapenerako Europako Funtsak finantzatu du.
info+: https://www.uia-initiative.eu/en/uia-cities/bilbao
Lotutako albisteak
INIZIA sariak banatu dituzte, INIZIA DAY jardunaldian
Horien helburua da oinarri teknologikoa duten eta/edo berritzaileak diren enpresa egitasmoak biltzen dituzten proiektuak aitortzea
Ekintzaileentzako laguntzak: Bihur ezazu zure negozio ideia enpresa berritzaile eta errentagarri Ekintzailerekin
Ideia berritzaile bat duzu eta enpresa bihurtu nahi duzu? Orduan interesatzen zaizu Ekintzaile 2025, programa ezagutzea. Ekintzailetza bultzatzeko laguntza horrek laguntza ekonomikoa eta adituen aholkularitza eskainiko dizkizu zure proiektua bideragarria eta arrakastatsua izan dadin.
Nola izan enpresa ekintzaile bat Barnekintzaile programarekin, barne-ekiteko laguntza.
800.000 euroko aurrekontua du Barnekintzaile 2025 barne-ekintzailetzarako laguntza-programaren edizio berriak. Enpresa-proiektu berriak garatzeko edo jarduera berrietara dibertsifikatzeko laguntza eskuratu nahi duten enpresek abenduaren 11ra arte aurkez ditzakete eskaerak.
Eusko Jaurlaritzak startup teknologikoak sortzea bultzatuko du, 2,5 milioirekin ekintzailetzarako laguntzetan
Maiatzaren 16an irekiko ditu SPRIk Ekintzaile eta Barnekintzaile programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Zinemaldia Startup Challenge 2025
Izen-ematea: apirilaren 15etik ekainaren 2ra arte
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Wake Up! Albiste ekintzaile batzuk sarean 250324
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.