BBK Arin programak 100.000 euro bideratu ditu gizarte eraginerako gaitasun handiko bost proiektu berritzaile bizkortzeko
BBK Arin programak 100.000 euro bideratu ditu gizarte eraginerako gaitasun handiko bost proiektu berritzaile bizkortzekoBBK Arin programak 100.000 euro bideratu ditu gizarte eraginerako gaitasun handia duten bost proiektu berritzaile bizkortzeko. Hain zuzen, Profesiolan, Mundo PUA, LUP, Fisify eta Gaman start-up-ek aholkularitza pertsonalizatua jaso dute lau hilabetez BAT Dorrean, Bilbon, beren hazkundea azkartzeko aukera izanik horrela.
Bizkaian eta nazioartean garatzeko gaitasun handia duten start-up eta barne ekintzailetzako proiektuak bizkortzeko programa pertsonalizatua da BBK Arin, eta iazko irailean abiatu zuen BBK-k. BAT Dorrean BBK-k dituen guneetan egindako Demo Day ekitaldian eman ziren ezagutzera joan den astean lau hilabetez ekimenean parte hartu duten bost proiektuak.
“Bizkaia lurralde ekintzaile bihurtzeko BBK-k bere buruari ezarri dion erronka handiari erantzuten dio BBK Arin-ek”, adierazi du Oihane Aldaiturriaga BBK-ko Enplegu eta Ekintzailetza arduradunak.
Izan ere, “pertsonekin eta planetarekin konprometitutako lurralde oparo baten aldeko apustuan”, ekintzailetzari laguntzea da BBKren gizarte ekintzaren ildo estrategikoetako bat. Hortik sortu dira honelako ekimenak, eta horien bidez BBK-k Bizkaian Gizarte Ekintzailetzako eta Inpaktu Inbertsioko Ekosistema bat sortzea du helburu.
Bada, aurtengo edizioan, BBK Arin programak 42 proposamen jaso ditu. Gizarte erakundeen parte diren start-up edo barne ekintzaileek sustatutako ekintzailetza proiektuak dira, gizarte edota ingurumen erronkei heltzen dien eta eskalagarritasunaren bidez inpaktua biderkatzeko gaitasuna duen ideia berritzaile batean oinarritutako negozio eredu errentagarri eta jasangarriarekin.
Irizpide horiek aztertu eta baloratu ditu BBK-ko eta BAT ekosistemako adituek osatutako batzordeak edizio honetako bost start-up-ak hautatzerakoan. Azkenean, Profesiolan, Mundo PUA, LUP, Fisify eta Gaman aritu dira BBK Arin programaren bidez euren ekimenak aurrera eramaten 2024ko iraila eta abendua bitartean. BBK-k 100.000 euro bideratu ditu azelerazio programa horretara, eta beste 100.000 eurorekin hornitu du inbertsio funtsa, bost enpresen artean banatu duena.
5 Proiektu
Profesiolan 2022an sortutako plataforma digital bat da, eta enpresen eta aktiboen salerosketan espezializatuta dago; Mundo PUA start-up-ak SUA sistema garatu du, etxeko sukaldeetan suteak detektatzeko eta itzaltzeko diseinatutako gailu aitzindaria Europan.
LUP enpresak, aldiz, irakurketa lagundurako soluzio bat eskaintzen du lupa adimendun baten eta aplikazio mugikor baten bidez, irakurtzeko zailtasunak, hala nola dislexia edo ikusmen galera, dituzten pertsonei laguntzeko pentsatua.
Fisify fisioterapia digitaleko plataforma bat da, eta adimen artifiziala erabiltzen du hezur eta muskuluetako gaixotasunen tratamendua pertsonalizatzeko. Azkenik, Gaman laguntza premia handiak dituzten pertsonen bizi kalitatea hobetzen duen enpresa da, eta konponbide berritzaileak eskaintzen ditu norberaren higiene eta zaintzaren esparruan.
Lotutako albisteak
INIZIA sariak banatu dituzte, INIZIA DAY jardunaldian
Horien helburua da oinarri teknologikoa duten eta/edo berritzaileak diren enpresa egitasmoak biltzen dituzten proiektuak aitortzea
Ekintzaileentzako laguntzak: Bihur ezazu zure negozio ideia enpresa berritzaile eta errentagarri Ekintzailerekin
Ideia berritzaile bat duzu eta enpresa bihurtu nahi duzu? Orduan interesatzen zaizu Ekintzaile 2025, programa ezagutzea. Ekintzailetza bultzatzeko laguntza horrek laguntza ekonomikoa eta adituen aholkularitza eskainiko dizkizu zure proiektua bideragarria eta arrakastatsua izan dadin.
Nola izan enpresa ekintzaile bat Barnekintzaile programarekin, barne-ekiteko laguntza.
800.000 euroko aurrekontua du Barnekintzaile 2025 barne-ekintzailetzarako laguntza-programaren edizio berriak. Enpresa-proiektu berriak garatzeko edo jarduera berrietara dibertsifikatzeko laguntza eskuratu nahi duten enpresek abenduaren 11ra arte aurkez ditzakete eskaerak.
Eusko Jaurlaritzak startup teknologikoak sortzea bultzatuko du, 2,5 milioirekin ekintzailetzarako laguntzetan
Maiatzaren 16an irekiko ditu SPRIk Ekintzaile eta Barnekintzaile programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
Haizelur, nazioartekotzearen aldeko apustua egiten duen doitasun-mekanizazioaren arloko Debako ETEa
Enpresaren esportazioek SPRI Taldearen zibersegurtasuneko programaren dirulaguntza jaso dute eta negozioaren % 35era iritsi dira dagoeneko