Ekintzailetza Up Euskadi
Albisteak 15 maiatza, 2025

Nola izan enpresa ekintzaile bat Barnekintzaile programarekin, barne-ekiteko laguntza.

800.000 euroko aurrekontua du Barnekintzaile 2025 barne-ekintzailetzarako laguntza-programaren edizio berriak. Enpresa-proiektu berriak garatzeko edo jarduera berrietara dibertsifikatzeko laguntza eskuratu nahi duten enpresek abenduaren 11ra arte aurkez ditzakete eskaerak.
-

Eskaerak egiteko epea 2025ko maitzaren 16tik abenduaren 11ra bitartean egongo da zabalik

Barnekintzaile 2025 barne-ekintzailetzari laguntzeko ekimena da, eta Eusko Jaurlaritzak zuzentzen du Spri Taldearen bitartez. Programa horren helburua da enpresa finkatuetan jarduera ekintzailea sustatzea, produktu eta negozio berriak garatuz. Industriaren eta industriarekin lotutako zerbitzuen esparruan proiektu berritzaile eta teknologikoak gauzatu nahi dituzten enpresentzat da.

Zure negozioa handitu eta merkatuan aukera berriak aprobetxatu nahi badituzu, zure negozio-ideia berriak aztertu eta martxan jartzeko prozesu osoan zehar lagunduko dizugu Barnekintzailerekin.

Enpresa-jarduera dibertsifikatzen lagunduko dizugu, aholkularitza eta finantzaketa eskainiz, sektore berrietan sartzeko, zure inbertsioaren arriskua murrizteko, etekin handiagoak sortzeko eta zure marka-irudia hobetzeko. Kontsulta ezazu Barnekintzaile 2025 programak eskaintzen dizun guztia.

 

Bultzatu zure barne-ekintzailetzako proiektua gure programaren laguntzarekin: mentoring, prestakuntza, networking eta abar.

BIC zentroek lagunduko dizute zure negozio-ideia garatzen eta finantzatzen

Gaur egungo mundu honetan, gero eta lehiakorragoa eta aldakorragoa baita, enpresek adi egon behar dute negozio-aukera berriei eta merkatuaren eskaerei. Horregatik, SPRIk barne-ekintzailetza sustatzen du, enpresek barne-talentua aprobetxa dezaten, negozio-aukerak identifika ditzaten eta merkatuaren aldaketetara arin egokitu daitezen.

Programa honek lagunduko dizu:

  • Enpresa dibertsifikatzen, produktu berriak eskainiz edo merkatu berrietan sartuz.
  • Zure baliabideak aprobetxatzen, inbertsio-aukera berriak aurkituz.
  • Arriskuak murrizten, barnean ekinez, negozio-aukera gehiago izateko eta produktu edo merkatu bakar baten mende ez egoteko.
  • Lehiakorragoa izaten, produktu edo zerbitzu baten estrategia berrituz.
  • Zure katalogoa eta zerbitzuak zabaltzen, negozio-unitate edo produktu-sorta berria merkaturatuz.
  • Zure lehiakideen produktuen gainetik egoten, ideia edo ezaugarri berriak sortuz eskaintzen ari zaren produktuetarako edo zerbitzuetarako.

 

Zure enpresan dibertsifikazioa edo negozio-lerro berriak martxan jartzea pentsatzen ari bazara, barne-ekintzailetzako programak hainbat abantaila eskaintzen dizkizu:

  • Orientazioa eta aholkularitza, proiekturako beharrezkoak diren baliabideak bilatzeko.
  • Mentoretza eta aholkularitza proiektuaren garapen-prozesu osoan.
  • Proiektua kokatzeko azpiegituretarako eta espazioetarako sarbidea.
  • Ekintzailetza-gaitasunei buruzko prestakuntza, dibertsifikazio-proiektuak kudeatzeko, dagoen talentua babesteko edo barne-ekintzailetzako programa korporatiboak garatzeko.
  • Lankidetza- eta networking-aukerak beste enpresa eta startup batzuekin.
  • Euskal startupekin harremanetan jartzea proiektua garatzen lagun diezazuten aplikazio, teknologia eta ezagutza berritzaileen bidez.

 

3 urrats zure enpresan barne-ekintzailetza arrakastaz gauzatzeko

Barnekintzaile laguntza 3 laguntza-lerrotan banatua dago, eta horiek dira zure dibertsifikazio-proiektuak arrakastaz gauzatu arte egin behar dituzun hiru urratsak.

Hiru faseetan edo haietako batzuetan bakarrik lagun diezazukegu, behar duzunaren arabera.

0 lerroa – Garatu negozio berriak sortzeko plana

Aholku emango dizugu zure ideia proiektu bideragarri eta errentagarri bihur dezazun. Zure BIC aholkulariak lagunduko dizu zure balio-proposamena eta negozio-eredua baliozkotzen, eta marketin- eta salmenta-estrategia ezarri ahal izango duzue elkarrekin, zure xedeak, ekintzak eta aurrekontua definitzea ahaztu gabe.

Barnekintzailerekin 30.000 €-rainoko dirulaguntza izango duzu aholkularitza-gastu horietarako.

1. lerroa – Landu zure ideia eta sortu Negozio Plana

Orain, zure dibertsifikazioaren hasierako ideia argiago dagoenez, aholku emango dizugu hura lantzeko eta Negozio Plan bideragarri bihurtzeko, negozio-eredua, lehia eta lege-alderdiak aztertuz. Zure negozioa abian jartzeko beharko dituzun finantza-plana eta inbertsioak definituko ditugu, kontingentzia-planaz eta beste alderdi batzuez gain.

Aholkularitzaz gain, 30.000 eurorainoko dirulaguntza emango dizugu prestakuntza-gastuetarako, kanpo-aholkularitzarako, merkatu-azterketetarako, azoketara eta ekitaldietara joateko, eta proiektuaren tutore BICek onartutako bestelako gastuetarako.

2. lerroa – Eskura ezazu zure negozio berria martxan jartzeko behar duzun finantzaketa

Behin zure Negozio Plana ondo zehaztuta daukazunean, martxan jartzeko behar dituzun funtsak lortzen lagunduko dizugu.

Barnekintzailek maileguak eskaintzen dizkizu oso baldintza egokietan (interes txikia eta itzultzeko epe luzea), zure jarduera ekonomiko berrirako ondasunak erosi edo hobetu ahal izateko. Finantzaketa hori makineria, ekipo informatikoak edo patenteak erosteko erabil dezakezu, adibidez.

 

Nork eska dezake Barnekintzaile laguntza?

Barne-ekintzailetzako laguntza eskatzeko, egoitza soziala eta/edo gutxienez jarduera-zentro bat izan behar duzu Euskadin. Gainera, garatu beharreko proiektua ere Euskadin egin beharko da.

  • 0 lerroa: Negozio berriak sortzeko plana eskatzeko baldintzak
    • 20 laguneko edo gehiagoko plantilla izatea eskaera egin den unean.
    • Urteko gutxieneko negozio-bolumena: 2.000.000 euro.
    • Enpresa-proiektu berritzailearen eta/edo oinarri teknologiko, industrial eta/edo industriarekin lotutako zerbitzu aurreratuen ideia izatea.
  • 1. lerroa: Akonpainamendu-laguntza eskatzeko baldintzak
    • Enpresa-proiektu berritzailearen eta/edo oinarri teknologiko, industrial eta/edo zerbitzu aurreratuen ideia izatea.
    • Negozio Plana baldin baduzu, BIC zentroak aztertu eta onartu egin beharko du.
  • 2. lerroa: Finantzaketa-laguntza eskatzeko baldintzak
    • Zure proiektua dagoeneko martxan badago, laguntza hau eska dezakezu, baina kontuan izan 2025eko urtarrilaren 1etik aurrerako proiektuak bakarrik onartuko direla.

Zure enpresan barne-ekintzailetza sustatu nahi baduzu, eskatu orain gure webgunetik elkarrizketa bat Araban, Bizkaian edo Gipuzkoan hurbilen duzun BICarekin. Haiek lagunduko dizute zure eskaera martxan jartzen.

 

Lotutako albisteak

Euskadi,  ekintzailetza-ekosistema  egonkorrenen  eta  baloratuenen  artean,  GEM  2024-2025  txostenaren  arabera
08/10/2025 Ekintzailetza

Euskadi, ekintzailetza-ekosistema egonkorrenen eta baloratuenen artean, GEM 2024-2025 txostenaren arabera

GEM proiektua munduko ekintzailetza-datuen iturri nagusia da, eta, horren bidez, Euskadiren egoera beste eskualde eta herrialdeen egoerarekin alderatu daiteke.

A4Radar  startupa  eta  Eralki  ETEa  elkarlanean  ari  dira  teknologia  disruptibo  batean,  Eusko  Jaurlaritzaren  BIND  SME  ekimenari  esker
06/10/2025 Up Euskadi

A4Radar startupa eta Eralki ETEa elkarlanean ari dira teknologia disruptibo batean, Eusko Jaurlaritzaren BIND SME ekimenari esker

BIND SME ekimenaren 5. edizioan parte hartzeko deialdia urriaren 20ra arte egongo da irekita.

Ekintzailetzaren  ekosistema  indartzeko  garaia  da  Erronka  2030  dirulaguntzekin
25/09/2025 Ekintzailetza

Ekintzailetzaren ekosistema indartzeko garaia da Erronka 2030 dirulaguntzekin

Erronka 2030 programaren helburua Euskadiko ekintzailetzaren ekosistema osatzen duten hainbat eragile eta erakundeen arteko harremanak eta loturak sustatzea da. Proiektu bakoitzeko 10.000€ko dirulaguntza eska dezake jardueren zentroa Euskadin duen edozein pertsonak edo enpresak.

Eusko  Jaurlaritzak  epea  ireku  du  startup  disruptiboek  irtenbide  digitalak  eman  diezazkieten  20  euskal  ETEri
24/09/2025 Ekintzailetza

Eusko Jaurlaritzak epea ireku du startup disruptiboek irtenbide digitalak eman diezazkieten 20 euskal ETEri

Urriaren 20ra arte, startupek eta scaleupek 7 erabilera-kasutarako soluzioak aurkeztu beharko dituzte honako esparru hauetan: antolamendu efizientea, negozio eta bezero digitala, industria adimenduna, zibersegurtasuna eta jasangarritasuna eta trantsizio energetikoa industriaren, energiaren, zerbitzuen eta elikaduraren sektoreetakoak diren 20 ETEei.

TramoIAk  logistika  automatizatzeko  robot  kolaboratiboak  eskaintzen  ditu
22/09/2025 Ekintzailetza

TramoIAk logistika automatizatzeko robot kolaboratiboak eskaintzen ditu

Startupak teknologia aurreratuak konbinatzen ditu, tamaina aldakorreko paketeen logistikari soluzio robotiko bat emateko

‘CDL  Donostia-San  Sebastián  AI  for  Startups  2025’  deialdia,  irailaren  30era  arte  zabalik.
18/09/2025 Ekintzailetza

‘CDL Donostia-San Sebastián AI for Startups 2025’ deialdia, irailaren 30era arte zabalik.

Jarduerak berehala hasiko dira! Saio presentzialak Tandem - BIC Gipuzkoa eraikineko instalazioetan egingo dira.

Toribio  Echevarría  Sariek  35.  edizioa  betetzen  dute  aurten,  hainbat  berritzasunekin
15/09/2025 Ekintzailetza

Toribio Echevarría Sariek 35. edizioa betetzen dute aurten, hainbat berritzasunekin

Hautagaitzak aurkezteko epea urriaren 9ra arte dago zabalik

Eusko  Jaurlaritzak  mundu  osoko  882  startup  erakarri  ditu  Euskadiko  70  enpresarekin  lan  egiteko
15/09/2025 Ekintzailetza

Eusko Jaurlaritzak mundu osoko 882 startup erakarri ditu Euskadiko 70 enpresarekin lan egiteko

Startupek edizio honetan parte hartu duten 70 enpresek planteatutako 12 erabilera-kasuei erantzuteko hautagaitzak aurkeztu dituzte.

Habitakek  AA  teknologiaren  laguntzarekin  higiezinen  zerbitzuak  iraultzen  ditu
09/09/2025 Ekintzailetza

Habitakek AA teknologiaren laguntzarekin higiezinen zerbitzuak iraultzen ditu

Plataformak adimen artifiziala erabiltzen du jabeak, erosleak, agenteak eta sektoreko profesionalak konektatzeko.

Grunussek  energia  sortzeko,  transmititzeko  eta  biltegiratzeko  modua  eraldatzen  du
28/08/2025 Ekintzailetza

Grunussek energia sortzeko, transmititzeko eta biltegiratzeko modua eraldatzen du

Berrikuntzak bultzatutako ‘deeptech 'enpresa honek aurrerapen teknologiko eta ekologikoaren abangoardian kokatzen da

Joan blogera

Jarrai gaitzazu

Kanal espezializatuak eta eguneroko gaurkotasuna gure sareetan.