Sellex, 40 herrialdetan baino gehiagotan presentzia duen “diseinu zintzoko” altzari-fabrikatzailea
45 urte baino gehiago ondoren, Sellex-en produktuak 40 herrialde baino gehiagotan daude, 4.000 proiektu inguru jorratuta. Altzariak diseinatzen eta fabrikatzen dituen Irungo enpresak 35 erreferentzia baino gehiago ditu bere katalogo zabalean; besteak beste, bankuak, aulkiak, mahaiak, ohe eraisgarriak eta apalategiak. “Instalazio handietarako diseinuzko altzariak egiten ditugu eta gure altzarien diseinua zintzoa da, atenporala, moldakorra eta kalitatezkoa”, nabarmendu du Nerea Durá Anabitarte, Sellexeko Marketin arduradunak.
Bere produktu guztien artean, euskal enpresaren aipagarriena ‘Aero’ bankua da, duela 20 urte baino gehiago egindako diseinua, oraindik ere indarrean dagoena. “Instalazio enblematikoetan, dago hala nola Londresko City Hall, Genevako Aireportuko 3. Terminalean, Dubaiko Tarabichi Stammberger Institutuan, Bartzelonako Blau Museoan, Ringsted beilatokian edo Birminghameko Tren Geltokian”, azaldu du konpainiaren ordezkariak.
Bere beste produktu batzuk bere diseinu eta funtzionalitateen berrikuntzagatik nabarmentzen dira. Adibide batzuk ‘La literal’ litera etzangarria eta ‘Fast’ mahaia, forma eta tamaina desberdinetako gainazalekin erabil daitekeena. Horrez gain, ‘Mass’ aulkia, 40 unitate baino gehiago pilatzeko aukera ematen duena, edo ‘Handy’ espazio anitzeko aulkitxoa.
Gaur egun, Carlos Tiscarrek diseinatutako ‘Tool’ mahaia merkaturatzen ari da. “Mahai tolesgarria eta horizontalean pilatu daiteke, eta, gainera, atril, arbel eta bilera-mahai bihur daiteke”, dio Durák. Funtzio anitzeko altzaria da, eta hainbat espaziotan sartzen da. “Diseinua ulertzeko dugun moduaren adibide ona da: konponbide adimentsua, sortzailea eta funtzionala”, azpimarratu du.
Ekodiseinuaren aldeko apustua
“Diseinu ona jasangarria da. Modetatik haratago denboran irauteko, denboraz kanpoko diseinua eta kalitatezko materialak behar dira, denboran zehar erabili ahal izateko”, adierazi du Marketineko arduradunak. Alde horretatik, euskal enpresak ekodiseinuaren metodologian oinarritzen da produktu berri bat diseinatzeko orduan. “Horrela, ingurumen-inpaktua murriztu egiten dugu sorreratik bertatik, eta jasangarritasuna hasiera-hasieratik txertatzen dugu”, esan du.
Gipuzkoako enpresak, gaur egun, aireportuetarako eta bidaiarien terminaletarako, ospitale eta kliniketarako, hoteletarako, bulegoetarako, Justizia jauregietarako, auditoriumetarako, museoetarako eta liburutegietarako egiten du lan, besteak beste. “Eta mundu osoko 40 merkatutan baino gehiagotan jarduten dugu. Eta beti gaude negozio aukera berrietara irekita”, aitortu du Durá Anabitartek.
Euskal enpresen nazioarteko proiektuak bultzatzea da SPRI Taldearen helburuetako bat; izan ere, Basque Trade and Investment Nazioartekotzeko Euskal Agentziaren bidez, leihatila bakarraren bidez bere baliabide eta laguntza guztiak jartzen ditu enpresen eskura, adibidez Elkartu, Gauzatu edo BEINT eta Global Training Bekak.
SPRI Taldeak aukera ematen die euskal enpresei haien jardueraren berri emateko bere informazio-kanaletan. Zure proiektua gure gaiekin lotuta badago (I+G+b, digitalizazioa, internazionalizazioa, ekintzailetza, berrikuntza…), Zutaz mintzo gara ekimenean parte har dezakezu.
