Intergune 2018. Inaugurazio Jardunaldia
Intergune+ topagune bihurtu da; topagune bat, non euskal enpresek informazio baliagarria jaso dezaketen nazioartekotze-zerbitzuen arloko eskaintzari, Europako politikei, herrialde gorakorrei eta atzerrian izan ditzaketen enpresa-aukerei buruz. Ekonomi Garapen eta Azpiegitura Sailak antolatzen du Foroa, SPRI Taldearen barruan dagoen Euskadiko Nazioartekotze Agentzia sortu berriaren bitartez
Ainhoa Ondarzabal, Eusko Jaurlaritzako Nazioartekotze zuzendaria
Irekiera instituzionala
Arantxa Tapia, Eusko Jaurlaritzako Ekonomi Garapen eta Azpiegitura sailburua
Arantxa Tapiak, Ekonomi Garapen eta Azpiegitura sailburuak, adierazi du Euskadik nazioartekotzearen alde egin duen apustua sei herrialdetan zentratuko dela: Alemania, Italia, Erresuma Batua, Txina, Mexiko eta Estatu Batuak. “Enpresaren nazioartekotzea Euskadiko Politika Industrialaren zutabe garrantzitsuenetako bat bihurtu da”, baieztatu du sailburuak eta aipatu du Eusko Jaurlaritzak “laguntasun handiagoa eman” nahi diela euskal enpresei atzerrira irtetean, “batez ere beren kabuz moldatu ezin duten enpresa txikiei”
Arantxa Tapiak segurtatu du esportazioek osatzen dutela BPGaren %30 baino gehiago, gainera, “egiaztatu dugu ohiko esportatzaileen kopurua %16 handitu dela azken 4 urteetan eta esportatzaile handien kopurua ere -50 milioi eurotik gorakoak- %18 hazi dela”.
Mahai-ingurua: “Nazioartekotze esperientziak tamainaren arabera”
“Nazioartekotze esperientziak tamainaren arabera” mahai-ingurua egin da, non lau enpresek (Ega Master, Inkoa, Irizar eta Lantek) atzerrira irteteak dituen erronkak komentatu baitituzte.
“Bi gauza behar dira atzerrira irteteko: batetik, negozio ideia on bat eta lantalde motibatu bat eta, bestetik, atzerriarekin komunikatzea” adierazi du Aner Garmendiak, Ega Master enpresako zuzendari nagusiak. Lantek enpresako zuzendari nagusi Alberto Martinezek azpimarratu du, zuzendaritzaz gain, lantaldeak ere “norabide berean” egin behar duela arraun, eta helburua dela “bide zuzena egitea, ez erosoena”. Rafael Sterling-ek, Irizar enpresako Nazioarteko zuzendariak, esan du zailena dela atzerrira joateko prest dauden ongi prestatutako langileak lortzea. Lua Legazpik, Inkoa enpresako merkatu multilateralen arduradunak, baieztatu du jarrera pertsonala funtsezkoa dela arrakasta izateko.
Enpresak Nazioartekotzeko Plan Estrategikoa 2017-2020. Euskadiko Nazioartekotze Agentzia – Basque Trade and Investment
Intergune foroan aurkeztu dira Eusko Jaurlaritzak aurten abiarazi duen Euskadiko Nazioartekotze Agentziaren planak. Euskadiko Nazioartekotze Agentziak 22 milioi euroko aurrekontua izango du 2018an eta profesionalen talde bat esleituko zaio, 30 profesional egongo direlarik egoitza nagusian eta 19 Kanpo Sarean.
Euskadiko Nazioartekotze Agentziaren programak eta zerbitzuak
Iñaki Ezkurra, arduradun sektoriala, Eusko Jaurlaritzako Nazioartekotze Zuzendaritza
“Basque Country Lizitazioak plataforma”. Hasierako lorpenak eta 2018rako planak
Agustin Arostegi, Programen arduraduna, Eusko Jaurlaritzako Nazioartekotze Zuzendaritza
Garapenerako Banku Multilateralen proiektuek dakartzaten negozio aukerak
Emilio Bunge, Development Finance International, Inc.-ko (DFI) kudeatzaile nagusia
Euskal Klusterrentzako laguntza beren nazioartekotze prozesuan”
AFM Advanced Manufacturing Technologies
Juanjo Gómez, Nazioartekotze Saila
BCLM, Euskadiko Mugikortasun eta Logistika Federazioa
Inmaculada Ugarteche, BCLMko Idazkaritza Teknikoa
ERAIKUNE Euskadiko Eraikuntzaren Kluster Elkartea
Jon Ansoleaga, Zuzendaria
GAIA EAEko Ezagutza eta Teknologia Industrien Elkartea
Begoña Benito. Gaia
Inbertsioak erakartzea. Invest in the Basque Country
Marian Ibarrondo, Invest in the Basque Country-ko arduraduna.
Marian Ibarrondo atzerriko inbertsioa erakartzeaz mintzatu da, eta esan du azken sei urteotan bikoiztu egin dela. “2006-2011 artean 2.980 milioi euro izan baziren, 2012-2016 urteen artean 6.565 izan dira. Madril eta Bartzelonaren ostean, Euskadi da inbertsio gehien erakartzen duen Estatuko hirugarren hiriburua”.
