Bianditz: 60 urteko historia eta industria errotzea Euskadin
Juan Ribera ekintzaile gipuzkoarrak, bi bazkiderekin batera, lantegi laguntzaile txiki bat sortu zuen 1965ean Irunen. Azaroan, bere proiektuak 60. urteurrena ospatuko du, esku erremintak, kautxua injektatzeko moldeak, trokelak eta hainbat industrietarako dekoletatutako piezak lantzen dituen enpresa gisa. Honek 22 herrialdeetan du presentzia baina bere lurraldera errotuta dago. Izan ere, Bianditzek lotura estua izan du bere jatorriarekin eta ingurunearekin eta orain Ribera familiaren bigarren eta hirugarren belaunaldiko kideek lanean jarraitzen dute.
Hasiera batean, kautxuzko piezetarako eta trokeletarako moldeen fabrikatzean zentratzen zen, tokiko industriari zerbitzua emanez. Hamar urte geroago, 1975ean, enpresak urrats garrantzitsua eman zuen serieko ekoizpena txertatzen, gaur egun hiru negozio-unitate dituen industria-talde kontsolidatu baten oinarriak ezartzeko.
Nazioartera saltoa 90eko hamarkadan hasi zen, Europara egindako esportazioekin. Ordutik, Bianditz merkataritza sarea zabalduz joan da, lau kontinente eta 22 herrialde baino gehiagotan presentzia lortu arte. “Gaur egun, eragileen eta banatzaileen egitura finkatua dugu, eta horrek aukera ematen digu merkatu bakoitzarekin harreman hurbil eta zuzena izateko, zerbitzua, arreta pertsonalizatua eta epeak betetzea bermatuz”, azaldu du Javier Martínez Redínek, Bianditzeko zuzendari nagusiak.
Hedapen globala izan arren, Biandiz oso errotuta dago bere lurraldean. Fabrikazio eta garapen teknikoa Irunen egiten jarraitzen du, tokiko hornitzaileekin lankidetzan. Enpresak inguruko talentua sustatzen du eta gizarte eta lan ekimenak bultzatzen ditu, filosofia hurbila eta gizatiarra islatuz. Enpresaren izanak berak Bianditz mendiari ohore egiten dio, Gipuzkoako bihotzean dagoena, meatzaritzaren tradizioaren, ahaleginaren eta iraunkortasunaren ikur. Martínezen arabera, balio oriek “hasieratik gidatu dute Bianditzen lana eta industria ulertzeko modua”.
Konpainia hiru negozio eremutan egituratzen da: eskuko tresnen diseinua eta fabrikazioa, hala nola puntak, giltzak eta urreratzaileak; kautxurako injekzio eta konpresio moldeen garapena, bai eta ebaketa eta toleste trokelak ere; eta doitasunezko metalezko piezen ekoizpena, automobilgintza, sarrailagintza eta osasuna eta erlojuak bezalako sektoreetara bideratuak.
Artisaultza tailer txiki gisa jaio zena handitu egin da, 2.500 m²-ko instalazioak, 29 laguneko taldea eta nazioarteko presentzia sendoa dituen enpresa bihurtu arte. Urtero, 250.000 erreminta baino gehiago ekoizten ditu, neurrira egindako milioi bat pieza baino gehiago egiten ditu eta ehun molde eta trokel lan inguru ematen dizkie bezeroei.
Bere historian zehar, enpresak merkatuko eta teknologia aldaketetara egokitzen jakin izan du, norberaren fabrikazioa bere identitatearen muin gisa mantenduz eta kalitatearen, hurbiltasunaren eta iraunkortasunaren aldeko apustuarekin. Bianditz, gaur egun, enpresa bat bere esentzia galdu gabe nola hazi, dibertsifikatu eta hedatu daitekeen erakusten duen adibidea da. 60. urteurrenean, berrikuntzaren, kalitatearen eta ingurunearekiko konpromisoaren aldeko apustua egiten jarraitzen du.
Euskal enpresen nazioarteko proiektuak bultzatzea da SPRI Taldearen helburuetako bat; izan ere, Basque Trade and Investment Nazioartekotzeko Euskal Agentziaren bidez, leihatila bakarraren bidez bere baliabide eta laguntza guztiak jartzen ditu enpresen eskura, adibidez Elkartu, Gauzatu edo BEINT eta Global Training Bekak.
SPRI Taldeak aukera ematen die euskal enpresei haien jardueraren berri emateko bere informazio-kanaletan. Zure proiektua gure gaiekin lotuta badago (I+G+b, digitalizazioa, internazionalizazioa, ekintzailetza, berrikuntza…), Zutaz mintzo gara ekimenean parte har dezakezu.
