Procomsa, liderra eraikinentzako itxitura-sistemetan
Procomsa Zamudioko enpresa da eta liderra da eraikinentzako itxitura-sistemetan. Eraikinetara sartzeko, ixteko eta ebakuatzeko soluzio globalak eskaintzen ditu. Aurten 27 milioi euroko fakturazioa gainditzea espero du.
Enpresa 1957an sortu zen, fatxadetan eta leihoetan espezializatutako ingeniaritza-enpresa moduan, eta ondoren, eraikinentzako itxitura-sistemen banaketa-enpresa bihurtu zen. 1975ean, GU Taldearen Espainiako ordezkaria bihurtu zen. Talde hori liderra da nazioartean itxiturentzako teknologiaren garapenean. 1977an, Asefaveren sorkuntzan hartu zuen parte. Fatxada arinen eta leihoen Espainiako fabrikatzaileen elkartea da Asefave eta zuzendaritza-batzordeko kidea da ordutik.
2005ean, Zamudioko zentro logistikoa jarri zuen martxan Procomsak, “Europako BKS (biltegia kudeatzeko sistema) aitzindariarekin”, Josu Blanco Procomsako zuzendari finantzarioaren eta giza baliabideen zuzendariaren arabera.
Higiezinen sektorearen krisiaren ostean, 2012an Hecomsa sortu zuten, Mexikoko enpresa bazkidea, herrialde horretako eta Erdialdeko Amerika eta Karibe osoko eraikinetan kalitatezko soluzioak hornitzeko. “2017an, Procomsa aukeratu zuten Club Cepyme 500ren barruan, eta, beraz, herrialdean eragin handiena zuten 500 enpresen artean zegoen enpresa-hazkundeari dagokionez”.
Azken mugarria 2022an izan zuen: Procomsa Projects sortu zuten, arkitektura-proiektuentzako soluzio pertsonalizatuetara bideratutako dibisio berria.
Enpresa eraikuntzako hainbat sektoretan dago eta soluzio globalak eskaintzen ditu eraikinen sarbideen, itxituren eta ebakuazioen arloan. 47 langile ditu eta aurten 27 milioi euroko fakturazioa gainditzea espero du.
Apustu irmoa egiten du I+G+b-n, enpresa lehiakorra izaten jarraitzeko. “Uste dugu AAren moduko aurrerapausoek abantaila lehiakorra ematen digutela oraindik erabiltzen ez duten beste enpresa batzuen aurrean. Baina laster enpresa guztiek erabiliko dute edo merkatutik kanpo geratuko dira bestela”.
Procomsak SPRI Taldearen dirulaguntzak jaso ditu, eta horri esker, adimen artifizialean oinarritutako hobekuntza-proiektuak egin dituzte. “Lehenengoak eskarien tratamendua automatizatzea lortzen du, eskuzko prozesuak ekiditeko. Ondorioz eraginkorragoak izatea eta zerbitzua hobetzea lortzen dugu eta balizko giza akatsak saihesten ditugu aldi berean. Eta bigarren proiektua logistikarekin eta biltegia kudeatzeko sistemarekin dago lotuta. Hala, asko murrizten da eskariak prestatzeko denbora eta zerbitzu hobea eskain diezaiekegu gure bezeroei”.
Datozen urteetarako erronkak modernizazioa eta digitalizazioa dira, “nahiz eta gaur egun zaila den epe luzeko planak egitea hain errealitate aldakorrean”. “Eta helburuei dagokienez, itxitura-sistemetan enpresa liderra izaten jarraitzea eta Procomsa Projectsekin proiektu-lerro berria garatzea”.
SPRI Taldeak Euskadiko enpresei bere kanaletan jardueraren berri emateko aukera ematen die. Zure proiektua gure gaiekin (I+G+b arloa, digitalizazioa, nazioartekotzea, ekintzailetza, berrikuntza…) lotuta badago, Zutaz mintzo gara ekimenean parte har dezakezu.
