CISA Protección enpresak lan-babesaren digitalizazioaren aldeko apustua egin du
Digitalizaziorako sarbideak hedapen-aukera handiak ekarri dizkie CISA Protección bezalako enpresei. Besteak beste, NBEak, erremintak edo bizi-lineetako instalazioak industrialki hornituz lan-babesaz arduratzen da enpresa. Arcelor, Tubos Reunidos, Elecnor edo Iberdrola bezalako konpainiei eskaintzen dizkie bere produktuak, baina baita batez ere Euskadiko enpresa txiki eta ertainei, tailerrei eta autonomoei ere; orain, interneten irekitako marketplace berri baten bidez.
Enpresa Zamudion jaio zen 1993an. Bi bazkidek sortu zuten, eta salgaientzako biltegi txiki bat izatetik 22 langile izatera igaro da. Barakaldora mugitu ondoren, 1.000 m2 baino gehiagoko erakusketa du bertan. “Bertan, bezeroek NBEak ikus eta proba ditzakete, eta behar dutena aukeratu”, adierazi du Ane Martinez CISA Protección -eko gerenteak.
Enpresak, gainera, garraio-zerbitzu propioa du eskaerak helmugara eramateko. Batez ere, siderurgiako eta sektore elektrikoko enpresei, “enpresa txiki eta ertain askorekin lan egiten dugun arren”, azpimarratu du Martinezek. Enpresarentzat, “hiru langileko tailerra bezain garrantzitsua da mila langileko enpresa”.
Orain, urtebete baino gutxiago da online denda martxan jarri duela, eta, Martinezen arabera, “garai berrietara gehiago hurbiltzeko modu bat da, non pertsonek, batez ere autonomoek eta enpresa txikiek, nahiago duten etxetik erosi, beste leku batzuetara joan beharrik gabe”.
Etorkizuneko plan gisa, CISA Protección enpresak teknologia berrien bidetik jarraitu nahi du eta adimen artifiziala sartu administrazio- eta salmenta-prozesuetan: “Gure langileei denbora aurreztea nahi dugu, beste alderdi batzuei arreta gehiago eskaini diezaioten”.
SPRI Taldeak aukera ematen die euskal enpresei haien jardueraren berri emateko bere informazio-kanaletan. Zure proiektua gure gaiekin lotuta badago (I+G+b, digitalizazioa, internazionalizazioa, ekintzailetza, berrikuntza…), Zutaz mintzo gara ekimenean parte har dezakezu.
