Adimen: merkatuetako ikerketa eraldatzeko inteligentzia eta teknologia
Gasteizen egoitza izanda, Adimen Investigación merkatuen eta gizarte-azterketen ikerketan espezializatutako enpresa da. Metodo tradizionalak eta tresna teknologiko aurreratuak konbinatzen ditu bezeroei informazio fidagarria emateko. Hamar profesionalez osatutako talde batekin, horietatik zazpi emakumeak direnak, Analisi eta Ikerketa Taldeko berrikuntza-laborategi gisa jarduten du eta ehun espezialista baino gehiago ditu hainbat herrialdetan jarduten. Enpresak metodologia kualitatiboak, kuantitatiboak eta digitalak adimen artifiziala eta errealitate birtuala bezalako teknologiekin konbinatzen ditu, euskal enpresei eta multinazionalei erabaki estrategiko sendo bihurtzen diren irtenbideak eskaintzeko.
“Gure xedea ikerketa-prozesuari adimena ematea eta teknologia berriak integratzea da, informazioa modu eraginkorragoan ateratzeko”, azaldu du Patxi Alija Adimen Investigación-en zuzendari nagusiak.
Metodologia bezeroari egokitzeko duen gaitasunagatik bereizten da enpresa. Alijaren arabera, “gure ikerketaren muina ez da metodologia, bezeroa eta bere beharra baizik. Beraz, egokitzapen metodologikoa eta baliabide-zorro zabala izatea da gure balio bereizgarria”.
Haien azken aurrerapenen artean, nabarmentzekoa da AA sortzailearen tresnak haren “call center”ean integratu izana. Inkestatuen elkarrizketak aztertzen ditu, galdetegiko erantzunetatik harago, eta lehen galtzen zen informazio garrantzitsua berreskuratzen du. “Batzuetan, inkestatutako pertsonak galdera zuzenetik harago doan informazioa ematen du, eta AAren erabilerak hura berreskuratzeko aukera ematen digu, betiere Datuak Babesteko Erregelamendu Orokorra betez”, dio Alijak.
Beste ekimen berritzaile bat Veris startup-arekin lankidetzan garatu da, errealitate birtuala erabiliz saltokien biki digitalak sortzeko. Honek aukera ematen du erosketa-egoerak simulatzeko eta zenbait faktoreen (adibidez, iraunkortasun-etiketen) benetako eragina neurtzeko. “Agertoki birtualekin, modu natural eta ekonomikoan neur dezakegu benetako eragina”, esan du zuzendari nagusiak.
Lankidetza eta proiektu estrategikoak
Adimenek SPRIren Hazitek programetan parte hartu du, hala nola Osasundatan eta i-SURVen, berrikuntza teknologikoa osasun-arloan eta informazioa biltzeko prozesuetan aplikatzeko.
“Osasundata bezalako proiektu batean kolaboratzeak, Gaia klusterrarekin, EHU Beaskoa Elorriaga eta Iribar, InnovatekBI, Accexible, Biolan eta Eskilara bezalako enpresekin, erakutsi zigun berrikuntza prozesuak planifikatzen eta ibilbide orri bat izaten. Baita dokumentatzera eta neurtzera ere. Eta, batez ere, askotariko eragileekin elkarlanean aritzera. Hori ez da beti erraza izaten eta, hala ere, aukera ematen du gaitasun anitzak batzeko”, azaldu du Alijak.
SPRI Taldearen helburuetako bat euskal enpresen eraldaketa digitala da. Besteak beste, Smart Industry, BDIH Konexio, Zibersegurtasun Industriala, Enpresa Digitala edo Inplantalariak laguntza-programen bidez bultzatzen du.
