Smart to Walk, trekking-a esperientzia adimentsu bihurtzen duen startup-a

Smart to Walk oinarrizko erabilerako kirol-artikuluak garatzen, fabrikatzen eta merkaturatzen dituen enpresa bat da. Haren ikuspegiak teknologia, diseinu irisgarria eta konpromiso soziala uztartzen ditu, jarduera fisikoa, autonomia eta bizimodu osasungarria sustatzen duten produktuak eskaintzeko. 

Smart to Walk-en ideia 2022 eta 2023 artean sortu zen, behatutako bi errealitatetatik abiatuta: mendi-ibiliak eta bizi-ohitura aktiboak bezalako jarduerekiko interesaren hazkundea, eta mendeko pertsona baten zaintzan izandako esperientzia zuzena. Teknologia aurreratuak egokitzeko aukera aurkitu zen, hala nola, GPS edo erorketak detektatzeko sistemak, normalean oso erabiltzaile espezifikoei zuzenduak (goi-mendia edo telelaguntza) publiko zabalago eta aktiboago baten eskura jartzeko. Horrela sortu zen produktu funtzional, inklusibo eta teknologiko baten kontzeptua. 

Ideia hau gauzatzeko interesa, proiektuarekin kompromisu sendoa duen bazkide inbertitzaile baten laguntza ekonomikoari esker zehaztu zen, bai eta euskal berrikuntza-ekosistemako erakundeen aldetik jasotako babes instituzionalari esker ere. Aliantza horiei esker, garapena hasi zen, eta Smart to Walk enpresaren oinarriak ezarri ziren. 

Smart to Walk – New Experience enpresaren produktu nagusia eta sormen-motorra da. Trekking-makila adimendun hau, funtzionalitate teknologikoak eta app osagarri bat integratzen ditu, ibiltzeko modua eraldatzeko, segurtasuna hobetzeko eta parte-hartze soziala sustatzeko. Gainera, oinarrizko erabilerako kirol-produktuak diseinatu eta merkaturatzen ditu, elkarte eta kolektibo minoritarioekin lankidetzan garatuak. Diseinu hauen bidez, haien kausak ikusarazi nahi dira, eta etekinen zati bat haiei ekonomikoki laguntzera bideratuta dago, kirola, inklusioa eta iraunkortasuna uztartuz. 

Izan ere, orain arteko proiekturik garrantzitsuena hau izan da, Ivan Suarez, enpresaren sortzailearen arabera, “erronka teknologiko, funtzional eta soziala izan dena”. Hardwarean berrikuntza, softwarearen garapena eta erabiltzailea ardatz duen diseinua txertatzen ditu, eta dagoeneko foro nabarmenetan aurkeztu da, hala nola South Summit-en. 

Bezero potentzialei dagokienez, Suarezek adierazi du “mendi-ibilaldietan, zahartze aktiboan eta ongizateari aplikatutako teknologian interesa duten pertsona aktiboak” direla. Eta, oraindik nazioartekotzeari ekin ez badio ere, nazioartean presentzia duten kirol-enpresa handien aldetik interes-adierazpenak jaso ditu, “horrek indartu egiten ditu Europako merkatuan hedatzeko ditugun aukerak”, azaldu du sortzaileak.  

Epe labur eta ertainerako dituen planei dagokienez, marka ezagutaraztea, produktu nagusia industrializatzea eta kirol-artikulu iraunkor eta kolaboratiboen lerro berriak plazaratzea dira enpresaren helburu nagusiak. Bere helburua “erreferentziazko marka” gisa sendotzea da, bere balioengatik: inklusioa, berrikuntza, jasangarritasuna eta komunitatearekiko konpromisoa. 

SPRI Taldeak laguntza integralaren bidez berrikuntza, ekintzailetza eta barne-ekintzailetza laguntzen ditu, ideiak merkatura modu arrakastatsuan irits daitezen. Aurrera, Basque Fondo, Bind 4.0, Ekintzaile edo Barnekintzailetza ekintzailetzarako laguntza-programen bidez egiten du hori.   

SPRI Taldeak aukera ematen die euskal enpresei haien jardueraren berri emateko bere informazio-kanaletan. Zure proiektua gure gaiekin lotuta badago (I+G+b, digitalizazioa, internazionalizazioa, ekintzailetza, berrikuntza…), Zutaz mintzo gara ekimenean parte har dezakezu.