Hazinnovaren eskutik Estatu Batuetan haztea du helburu Rob-Jor enpresak
Rob-Jor enpresa Oionen (Araba) kokatuta dago eta eskuak eta oinak zaintzeko manikura eta pedikura produktuak ekoizten ditu. Eskaintza zabala du, besteak beste, eskuak eta oinak zaintzeko kailuak mozteko produktuak, depilatzeko pintzak edo haurrentzako guraizeak, eta prozesu guztiak Arabako Errioxako bere instalaziotik egiten ditu; beraz, produktuaren % 100 Euskadin egina da.
Aipatzekoa da Europan horrelako produktuak egiten dituen ekoizle bakarrenetakoa dela, eta Asiako merkatua dela haren lehiakidea. “Asiako merkatuak suposatzen duen lehia desleial honi aurre egin ahal izateko kostu eta ingurumen abantailak dituena, hauek dira gure indarguneak: produktuaren kalitatea eta pertsonalizazioa, entrega-epe txikiak, eta eskaera kopuru minimoak, momentuko zerbitzu bat bermatuz”, nabarmendu du Javier García Sáenzek, Arabako konpainiaren arduradunetako batek.
Fabrikan jarduera bi eremutan banatuta dago. Lehenengoan, transformazio metalikokoan, neurri desberdinetan mozten den altzairuzko zumitz batekin egiten da lan, zorroztuz eta leunduz. Beste arloa, berriz, plastiko-injekzioa da: bertan, produktu bakoitza pertsonalizatu, muntatu eta paketatu egiten da. I+G+Bko ikerketa funtsezkoa da Arabako enpresarentzat. Hainbat patente ditu eta produktu berrien garapenak “Asiako produktuetatik bereizten gaitu”, adierazi du gerenteak.
Rob-Jorek produktu horiek hainbat dendatarako fabrikatzen ditu, eta haien eskakizunetara pertsonalizatzen ditu, hala nola modeloa, kolorea eta logoa. Espainiako bezeroez gain, enpresak Italiara, Frantziara, Alemaniara, Portugalera eta Mexikora esportatzen du gaur egun.
Berriki, SPRI Taldearen laguntza jaso du, Hazinnova programaren bidez, bere nazioartekotze prozesuarekin jarraitzeko. “Estatu mailan merkatua iso landuta dugunez, nazioarteko bezero gehiago bilatzen ditugu, zehazki Estatu Batuetan, non Hazinnova programari esker bezero potentzialen zerrenda bat eta lehen kontaktu batzuk lortu ditugun”, azaldu du Javier García Sáenzek.
Rob-Jorrek 17 langile ditu, eta, etorkizunari begira, bere helburua bezeroak fidelizatzea eta nazioartean zabaltzen jarraitzea da. “Produktu berriak garatzen jarraitu nahi dugu, kalitatean eta pertsonalizazioan bereizteko aukera emango digutenak, eta % 100ean birziklatutako materialak erabiltzen jarraitu nahi dugu, hala nola zati organikoa duten materialak, hala nola arroz- edo zur-azala”, amaitu du.
Euskal enpresen artean berrikuntza bultzatzeko, enpresa txiki eta ertainetatik konpainia handietaraino, SPRI Taldeak Hazinnova, BDHI Konexio edo Innobideak bezalako berrikuntzarako programak eta laguntzak ditu.
SPRI Taldeak aukera ematen die euskal enpresei haien jardueraren berri emateko bere informazio-kanaletan. Zure proiektua gure gaiekin lotuta badago (I+G+b, digitalizazioa, internazionalizazioa, ekintzailetza, berrikuntza…), Zutaz mintzo gara ekimenean parte har dezakezu.
