Joseba Laka (Tecnalia): “Ondo aplikatutako adimen artifiziala abantaila lehiakorra izatea behar dugu Euskadiko enpresa-mota guztientzat”
Teknologia digitalen garapenak, eta bereziki adimen artifizialarenak, eraldaketa sakona eragin du industria-sektoreetan. Horixe nabarmendu du Joseba Lakak, Tecnaliako unitate digitalaren zuzendariak, “4.0 industriarekin hasi zen olatuak indarrez aurrera doa” azpimarratu du, eta dagoeneko errealitate bat da sektore zabaletan, baita Euskadin ere.
Laka BeDigital kongresuan parte hartu zuten adituetako bat izan zen; ekitaldi hori ekainaren 3tik 5era ospatu zen Bilbao Exhibition Centre-n, eta helburua teknologia digitalen aplikazio industriala aztertzea izan zen.
Ikerketa aplikatuko eta garapen teknologikoko zentroaren arduradun digital gisa duen esperientziatik abiatuta, Lakak nabarmentzen du euskal enpresa askok aitzindari izan direla teknologia digitalen ezarpenean, eta Tecnalia bezalako zentro teknologikoekin lankidetzan aritzen direla adimen artifizialean oinarritutako irtenbideak garatzeko. Hala ere, ezarpen maila homogeneoa ez dela ohartarazi du: “Ikusten ari garena da adopzio maila oso ezberdinak daudela. Eta hemen BAIC, Basque Artificial Intelligence Center, lan ona egiten ari da, egoera hobeto ulertzen laguntzen digun enpresa-ekosistema desberdinen diagnostikoarekin”.
Bere azalpenaren arabera, premia partekatu bat dago adimen artifizialaren integrazioa prozesu industrialetan bizkortzeko, baina hori lortzeko ezinbestekoa da ezagutza zientifikoa benetako irtenbide bihurtzea. “Adimen artifizialeko ikerketak sortzen duen balio erantsia euskal industrietara eramateko gai izan behar dugu”, adierazi du. Zentzu honetan, Lakak beharrezkotzat jotzen du “ondo aplikatutako adimen artifiziala abantaila lehiakorra izatea behar dugu Euskadiko enpresa-mota guztientzat”
Lakak, halaber, balioan jartzen ditu euskal ekosistemaren aktibo ukiezinak, hala nola lankidetzarako gaitasuna, zentro teknologikoen eta unibertsitateen maila, eta erakunde publiko-pribatuen arteko arkitektura. “Honek guztiak aukera ematen digu adimen artifizialak industriari eskaintzen dizkion erronkei aurre egiteko eta aukerak aprobetxatzeko egoera onean egoteko”, amaitu du.
SPRI Taldeak enpresei laguntzen die 2024ko Adimen Artifizial Aplikatua eta Datuaren Estrategia laguntza-programaren bidez. Programa horrek Euskal Autonomia Erkidegoko konpainietan AAren erabileran oinarritutako proiektuak babesten ditu, frogapen-efektua dutenak eta Euskadin teknologia horren eskaintza eta eskaria aktibatzea ahalbidetzen dutenak, enpresei lehiakortasuna handitzeko tresnak emateko helburuarekin.
