Ventanas Aramburu, ‘exteriorismoan’ adituak metal-arotzeriaren bidez
“Interiorismo izeneko sektore bat dagoen bezala, gureari ‘exteriorismo’ deitu diezaiokegu”, dio Iker Aramburu Ventanas Aramburuko kudeatzaileak. Gipuzkoako enpresak etxerako soluzioak eskaintzen ditu, fatxadak eta kanpoko osagaiak lantzen, besteak beste. “Leihoak, ateak, terraza-itxiturak, kontraleihoak, barandak, eguzki-oihalak, ate hutsak, hesiak…”.
Enpresa irundarrak 30 urte baino gehiagoko esperientzia du etxerako kanpoko dekorazioko elementu horiek fabrikatzen, saltzen eta instalatzen, mota guztietako arotzeria metalikoarekin. “Leiho metalikoak gure produktu garrantzitsuena dira, eta, berrikuntza gisa, eguzki-argiz kargatzen den bateriarekin funtzionatzen duten kanpoko pertsianak nabarmenduko nituzke”, azaldu du konpainiako ordezkariak.
Ekoizten dituen produktuek hainbat abantaila eskaintzen dituzte, hala nola “produktu gehienetan isolamendu termiko eta akustikoa, eta etxebizitzaren kanpoaldearen hobekuntza estetikoa”. Gainera, etengabeko bilakaeran dago enpresa, soluzio berritzaileak garatzen; adibidez, “sakelako telefonotik erabiltzeko pertsianak domotizatzeko lantzen ari garen garapen-prozesua”. Alde horretatik, Irungo enpresak “berritzailea izatea eta gure lanetan diseinu- eta fabrikazio-programa informatikoetan hobekuntza tekniko eta teknologikoak aplikatzea” du helburu.
Nazioarteko Marketin Digitaleko Plana
Merkatu nagusiak Espainiako eta Frantziako merkatuak diren arren, 2020an euskal enpresak Nazioarteko Marketin Digitaleko Plana jarri zuen martxan, kanpoko merkatuetan online duen posizionamendua hobetzeko. “Denboraldi honetan emaitza positiboak lortu ditugu. Marketin digitaleko kanpainen jarraipen erregularra egiten dugu, eta bihurketak nahiz bisitak nabarmen handitu dira”, dio Iker Aramburuk.
Gaur egun, 22 langile ditu Ventanas Aramburuk, eta 1,7 milioi euro inguru fakturatzen ditu urtean.
Euskal enpresen artean berrikuntza bultzatzeko, enpresa txiki eta ertainetatik konpainia handietaraino, SPRI Taldeak Hazinnova, BDHI Konexio edo Innobideak bezalako berrikuntzarako programak eta laguntzak ditu.
Lotutako albisteak
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.
Imanol Rego, Innobasque Berrikuntzaren Euskal Agentziako presidente berria
Manuel Salaverriaren lekukoa hartu du. Salaverriak euskal ekosistema publiko pribatuaren balioa sustatzen jakin du, Euskadi garatzeko bide estrategiko gisa
UNIREn bigarren edizioak 80 enpresa baino gehiago bildu ditu FICOBAn
Soldaduran eta beste lotura-teknologietan espezializatutako Estatuko azoka bakarra da
Euskadik Europan herrialde berritzaile gisa duen ahala finkatu du, enpresa txiki eta ertainen ahaleginari esker
Topaketak lurraldeko eta sektoreko berrikuntzaren 30 eragile eta Euskadiko 70 enpresa txiki eta ertain baino gehiago bildu ditu; eragile eta enpresa horiek 2023an berrikuntza-proiektu bat garatu dute HAZINNOVAren bidez, SPRIk eta Innobasque, Berrikuntzaren Euskal Agentziak kudeatutako Eusko Jaurlaritzaren programaren bidez
Soldaduraren balio-kateari buruzko azokaren, UNIREren, bigarren edizioa egingo dute Ficoban
Sektore horrek Estatu osoan egiten duen kongresu bakarra martxoaren 18 eta 19an izango da
Diker, osasungintzaren sektorerako injekzio bidezko plastikoetan Euskadi mailako erreferente bihurtu nahi duen ETEa
Oiartzungo enpresa, gaur egun, batez ere automobilgintzaren eta elektronikaren sektorearentzat ari da lanean