Vanguard Initiative sareak berrikuntza-politikei buruzko konferentzia bat antolatu du Bruselan eta SPRIk ere parte hartu konferentzia horretan
“Europako berrikuntza-politika anbiziotsu bat taxutuz trantsizio berde eta digital bikoitza azkartzeko” lelopean, Vanguard Initiative Europako eskualdeen sareak -Eusko Jaurlaritza sareko kide da sortu zenetik- berrikuntza-politikei buruzko urteroko konferentzia egin du Bruselan ekainaren 14an, eta bertan izan dira Europako Batzordeko eskualde- eta berrikuntza-politiken arduradunak.
Ekitaldian izan da baita ere Cristina Oyón, SPRI Taldeko Teknologia, Berrikuntza eta Jasangarritasun zuzendaria, zeinak Europako Batzordearen esku-hartzeei buruzko solasaldian parte hartu baitu Muriel Attané (Teknologi Zentroen Europako Elkarteko zuzendari exekutiboa) eta Zeljo Pazin (“Factories of the Future”, EFFRA, Europako Ikerketa Elkarteko zuzendari exekutiboa) adituekin batera.
Konferentzian zehar aurkeztu da energian intentsiboak diren Europako enpresen deskarbonizaziorako ibilbide-orri teknologikoa, enpresa horien jarduerak sortzen baitu Europako berotegi efektuko gas emisioen % 17. Oyónek esan bezala, ibilbide-orri hau, Batzordeak joan den apirilean argitaratu zuena, “Basque Net Zero Industrial Super Cluster” garatzen ari den analisiaren barruan kokatzen da, eta analisi horren helburua da energian intentsiboak diren euskal enpresen trantsizio energetikoa bultzatzea, energia arloko euskal ekosistemaren garapen teknologikorako aukera-iturri gisa.
Konferentzian eztabaidagai hartu da eskualdeek Europako berrikuntza-politiken ezarpenean duten garrantzia, bai eta politika horiek ETEei hurbiltzeko betetzen duten eginkizuna, eta bereziki nabarmendu da eskualde arteko lankidetza beharrezkoa dela hurbilketa hori eraginkortasunez egiteko.
Lotutako albisteak
Eusko Jaurlaritzak 13,65 milioi euro bideratuko ditu enpresen berrikuntzara
SPRI Taldeak maiatzean zabalduko ditu Fast Track Innobideak, Hazinnova eta BDIH Konexio programak
Mikel Jauregi Industriako sailburuak Aernnova enpresa bisitatu du, soluzio aeronautiko aurreratuetan liderra
Aernnova enpresak Araban du egoitza, eta lider espezializatua da aeroegituren eta horien osagaien diseinuan, fabrikazioan, mantentze-lanetan eta zerbitzuetan. Ia 6.000 langile ditu 7 herrialdetan, eta 2025ean 1.000 milioitik gorako fakturazioa izatea espero du.
ETEentzako produktuen eta prozesuen berrikuntza babesten dugu Hazinnovarekin
Hazinnova euskal ETE-ei doako aholkularitza eskaintzen dien programa da, produktu eta prozesuetan berrikuntza-mikroproiektuak bultza ditzaten. Eska ezazu 2025eko maitzaren 6tik urriaren 29ra.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.
Imanol Rego, Innobasque Berrikuntzaren Euskal Agentziako presidente berria
Manuel Salaverriaren lekukoa hartu du. Salaverriak euskal ekosistema publiko pribatuaren balioa sustatzen jakin du, Euskadi garatzeko bide estrategiko gisa
UNIREn bigarren edizioak 80 enpresa baino gehiago bildu ditu FICOBAn
Soldaduran eta beste lotura-teknologietan espezializatutako Estatuko azoka bakarra da