Salaverria: “Berrikuntzaren arloan 2008ko krisiari baino hobeto ari gara aurre egiten honi”
“Berrikuntzaren arloan 2008ko krisiari baino hobeto ari gara aurre egiten honi”. Hori esan du gaur goizean Manuel Salaverriak, Innobasque Berrikuntzaren Euskal Agentziako presidenteak, “Fórum Europa. Tribuna Euskadi”ren gosari informatiboko protagonistak. Nueva Economía Fórum-ek antolatu du ekitaldia BBKren laguntzarekin, Bilboko Ercilla hotelean.
Salaverriak nahiago du “hondamendira eramango gintuzketen optimismo konpultsiboetatik eta pesimismo suntsitzaileetatik ihes egin”, baina berrikuntzaren arloan Euskadin joera-aldaketa dagoela baieztatu du, eta honako datu hauek eman ditu, besteak beste:
- I+G arloko inbertsioak maximo historikoa lortu zuen: 1.490 milioi euro
- Jatorri publikoko nahiz pribatuko I+G arloko inbertsioa hazi da
- Enpresak izan dira inbertsio horren hartzaile nagusiak (% 57)
- I+G egiten duen enpresa-kopurua hazi egin da: 2014an 1.400 enpresa ziren eta gaur egun, 1.600 dira
- Euskadi Europako 240 eskualdeetatik bederatzigarrena da berrikuntza eta ikerketa arloko proiektuak finantzatzeko funtsen bolumenik handiena lortzen: Horizon 2020 programako 869 milioi euro lortu dira
- Europako Batzordeak Berrikuntzaren Europako Adierazleen Koadroan egiten duen sailkapenean 132. postutik 93.era igaro da Euskadi (guztira 240 dira) eta Euskadi “berrikuntza handiko eskualdea” eta “bikaintasun‑poloa” dela adierazi du.
- Berrikuntzaren Euskal Agentziak uste du I+G arloko inbertsioak hazten jarraituko duela 2022ra arte, 1.630 milioi euro gainditu arte; 2021ean baino % 5 gehiago.
Innobasqueko presidenteak euskal berrikuntzan aurre egin beharreko erronka nagusiak ere azpimarratu ditu: ETEen jarduera berritzailea eta gazteen prestakuntza zientifiko-teknologikoa.
Berritzeko beharra
Euskal enpresa nagusietako I+G arloko arduradunen pertzepzioaren berri ere eman du Salaverriak; haien esanetan “berritzeko egiazko beharra dago”, trantsizio sozio‑sanitarioak, ingurumen arlokoak eta trantsizio digitalak eragiten ari diren “disrupzio mailarekin harrituta daude”. “Etorkizunez betetako” inguru honetan errebindikatu du “berrikuntza, inoiz baino gehiago, eraldatzeko, etorkizun anitzak kontuan izateko, aukerak hautemateko eta protagonista non izan nahi dugun aukeratzeko”.
Zentzu horretan, gogoratu du Berrikuntzaren Euskal Agentziaren 2021-2024 aldirako jarduera honakoetara bideratuko dela: berritzen duten euskal ETE kopurua haztera, euskal I+G+b arloaren nazioarteko presentzia haztera, gazteen zientzia eta teknologia arloko interesa sustatzera (bereziki neskena) eta Zientzia, Teknologia eta Berrikuntzako Euskal Sistema tresna aurreratuekin hornitzera berrikuntza sustatzeko jardueren esperimentazio-laborategia izan dadin. Innobasque, ia mila erakundez eratutako irabazi‑asmorik gabeko elkarte publiko-pribatua, Euskadiko Berrikuntza-ekosistemako eragileekin lankidetzan dabil, xede hori lortu ahal izateko. Horretarako Innobasquek ekintzak proposatzen dituela adierazi du talentua, ETEak, sozializazioa, berrikuntza disruptiboa eta ekosistema finantzarioaren integrazioa sustatzeko. “Ez dago kikiltzeko betarik” ondorioztatu du Salaverriak, “Euskadin sortu ahal izango dugun berrikuntza-maila izango da gakoa”.
Euskadiko enpresa munduko, mundu akademikoko, instituzioetako eta gizarteko jende ugari izan da ekitaldian.
Lotutako albisteak
Eusko Jaurlaritzak 13,65 milioi euro bideratuko ditu enpresen berrikuntzara
SPRI Taldeak maiatzean zabalduko ditu Fast Track Innobideak, Hazinnova eta BDIH Konexio programak
Mikel Jauregi Industriako sailburuak Aernnova enpresa bisitatu du, soluzio aeronautiko aurreratuetan liderra
Aernnova enpresak Araban du egoitza, eta lider espezializatua da aeroegituren eta horien osagaien diseinuan, fabrikazioan, mantentze-lanetan eta zerbitzuetan. Ia 6.000 langile ditu 7 herrialdetan, eta 2025ean 1.000 milioitik gorako fakturazioa izatea espero du.
ETEentzako produktuen eta prozesuen berrikuntza babesten dugu Hazinnovarekin
Hazinnova euskal ETE-ei doako aholkularitza eskaintzen dien programa da, produktu eta prozesuetan berrikuntza-mikroproiektuak bultza ditzaten. Eska ezazu 2025eko maitzaren 6tik urriaren 29ra.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.
Imanol Rego, Innobasque Berrikuntzaren Euskal Agentziako presidente berria
Manuel Salaverriaren lekukoa hartu du. Salaverriak euskal ekosistema publiko pribatuaren balioa sustatzen jakin du, Euskadi garatzeko bide estrategiko gisa
UNIREn bigarren edizioak 80 enpresa baino gehiago bildu ditu FICOBAn
Soldaduran eta beste lotura-teknologietan espezializatutako Estatuko azoka bakarra da