Naru startup-aren Step sistemak adimen artifiziala aplikatzen du minbiziaren aurkako tratamenduak hobetzeko
Sistema honek medikuei laguntzen die erabakiak hartzen
Naru adimen artifizialeko sistemen garapenean espezializatutako startup bat da, eta sistema horien helburua da tratamenduak, gaixoen jarraipena eta gaitzen prebentzioa hobetzea. Naruren sortzaileak Eider Sánchez eta Maider Alberich dira, telekomunikazio arloko bi ingeniari, elkarrekin uztartu dituztenak medikuntzari aplikatutako AA sistemen, bio-informatikaren eta zientzia konputazionalen ezagutzak.
Enpresa BIC Gipuzkoan sortu zen 2017an eta une honetan bere lehen produktua garatzen ari da: Step. “Onkologiako konplikazioak aurreikusteko sistema adimendun bat da, pazienteengan ohikoak diren patroiak detektatzen dituena eta beren eboluzioa aurreikusten duena” adierazi du Eider Sánchezek. Aplikazio honek medikuek eta pazienteek emandako datuak biltzen ditu, eta aztertu ondoren informazio baliotsua erauzten du tratamenduen eraginkortasuna ebaluatzeko.
Step minbizi mota desberdinei zuzentzen zaie: bularrekoa, kolonekoa, prostatakoa eta biriketakoa. Sistemak hainbat abantaila eskaintzen ditu hala pazienteentzat nola mediku eta osasun sistementzat. Erabiltzailearentzat gidaliburu pertsonalizatu bat da, gaixotasunari buruzko gomendioak eta informazio baliozkotua ematen diona. Kanal bat da baita ere kontsultatik kanpo medikuarekin komunikatzeko eta bere sintomen eta bizi-kalitatearen berri emateko.
Bestalde, medikuarentzat, informazio-iturri preziatua da pazienteen jarraipen hobea egiteko. “Step-ek erabakiak hartzen laguntzen dio medikuari ospitaleratzea eta konplikazio larriak saihesteko, horiek baitira pazientearen bizi-kalitatea gehien murrizten duten faktoreak” azaldu du Eider Sánchezek, Naru enpresako zuzendari nagusiak. Profil desberdinetako pazienteengandik jasotako datuak aztertuz, aplikazioak tratamenduen eraginkortasuna ebaluatzen du eta gai da esateko zein den pertsona bakoitzarentzako tratamendu eraginkorrena.
Naru enpresako lantaldea tresna berria baliozkotzen ari da, urtebeteko epean merkaturatu ahal izateko. Oraingoz minbizi mota batzuei zuzentzen bazaie ere, sistema beraizik diseinaturik dago etorkizunean beste gaixotasun kroniko batzuekin ere erabiltzeko. Funtzionaltasun berriak sartu nahi dizkiote aplikazioari, “produktua hobetu ahala, nutrizioari eta jarduera fisikoari buruzko coach funtzio osatuagoak sartuko dizkiogu, pazienteen bizi-kalitatea hobetzeko” azaldu du ingeniariak.
Bind 4.0-ren 3. edizioan parte hartzen ari diren 32 startup-etako bat da Naru. Bind 4.0 azelerazio-programa bat da, Eusko Jaurlaritzak eta SPRI Taldeak zuzentzen dutena Euskadiko enpresa trakziogileekin batera. Duela gutxi jakin dute baita ere MassChallenge Biscay lehiaketan parte hartuko duten 15 enpresa berrietako bat izango dela. Ekimen hori Bizkaiko Foru Aldundiak eta MassChallenge azeleragailuak sinatutako akordio baten emaitza da eta helburutzat dauka euskal startup-ak harremanetan jartzea nazioarteko ekintzailetza- eta berrikuntza-sareekin.
Lotutako albisteak
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Industriarako soluzio teknologiko aurreratuen garapenean erreferentea den ULMA kooperatiba taldea bisitatu du Mikel Jauregi sailburuak
Oil&Gaseko negoziorako brida homologatuen fabrikazioan munduko liderra den ULMA Forged Solutionsen lantegi nagusian ibili da eta "ziurgabetasuna nagusi den une honetan, ULMA kooperatiba-taldea industriaren, inbertsioaren, berrikuntzaren eta kalitatezko enpleguaren aldeko apustua nabarmena egiten ari da" nabarmendu du
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Wake Up! Albiste ekintzaile batzuk sarean 250324
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Connect Group, zentro teknologikoa Donostian duen multinazionala
Donostiako lantegiak SPRI Taldearen BDIH Konexio programaren laguntza jaso du, eta urtean bi milioi txartel elektroniko diseinatu eta fabrikatzen ditu