Lantegi Batuak-ek 207 milioi euroko Balio Sozial Integratua sortu zuen 2019an
Erakunde horrek 127 enplegu berri sortu ditu ezgaitasuna duten pertsonentzat
2019an, irabazi asmorik gabeko Lantegi Batuak erakundeak 73,7 milioi euro fakturatu zituen, 240 bezero berri lortu zituelarik industrian eta zerbitzuen sektorean. Ezgaitasuna duten pertsonei lan aukerak eskaintzen dizkien erakunde honek 127 lanpostu berri sortu zituen biztanleriaren sektore horrentzat, lanpostuen % 30 enpresa arruntetan.
2019ko Memoriak dioenez, Lantegi Batuak-ek 207 milioi euroko Balio Sozial Integratua sortu zuen azken urtean, laguntza publiko, prestazio soziosanitario eta familiako gastuen aurrezkiaren eta sortu dituen soldata- eta zerga-ekarpenen bidez, eta baita ere ehun industrialean izan duen inpaktuaren bitartez. Erakundeak UPV/EHUrekin eta Deustuko Unibertsitatearekin batera egin duen kontabilitate sozialeko tresnaren arabera, Lantegi Batuak-ek 13 euro inguru eskaintzen dizkio gizarteari jasotako euro publiko bakoitzeko.
Bizkaiko erakundearen ardatz garrantzitsuenetako bat da prestakuntza ematea adimen ezgaitasuna duten pertsonen enplegagarritasuna hobetzeko. Iaz 57.800 prestakuntza ordu garatu ziren guztira, eta langabezia arriskuan dagoen kolektibo horretako 94 pertsonak parte hartu zuten prestakuntza-ekintza horietan, profesionaltasun ziurtagiriak lortzeko Lan Eskola proiektuaren bidez. Programa horrek lanbide heziketa transbertsala, praktika tutorizatuak eta laguntza ematen dizkie parte-hartzaileei, beren bidea egiten laguntzeko lan-merkatu arruntean.
Lantegi Batuak-ek 3.188 langile ditu, eta horietatik % 83k dute ezgaitasunen bat. Gorabidek (adimen ezgaitasuna duten pertsonen aldeko Bizkaiko elkarteak) sustatzen du erakundea, eta Bizkaiko Foru Aldundiaren, Eusko Jaurlaritzaren, Lanbideren eta Europako Funts Sozialaren laguntza du. Lantegi Batuak-en helburua da ezgaitasuna duten pertsonen bizi-kalitatea hobetzea, aukera berriak sortuz enpresa-ingurune inklusiboetan eta konponbide integralak eskainiz industrian zein zerbitzuen sektorean dituen bezeroentzat.
Lotutako albisteak
ETEentzako produktuen eta prozesuen berrikuntza babesten dugu Hazinnovarekin
Hazinnova euskal ETE-ei doako aholkularitza eskaintzen dien programa da, produktu eta prozesuetan berrikuntza-mikroproiektuak bultza ditzaten. Eska ezazu 2025eko maitzaren 6tik urriaren 29ra.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.
Imanol Rego, Innobasque Berrikuntzaren Euskal Agentziako presidente berria
Manuel Salaverriaren lekukoa hartu du. Salaverriak euskal ekosistema publiko pribatuaren balioa sustatzen jakin du, Euskadi garatzeko bide estrategiko gisa
UNIREn bigarren edizioak 80 enpresa baino gehiago bildu ditu FICOBAn
Soldaduran eta beste lotura-teknologietan espezializatutako Estatuko azoka bakarra da
Euskadik Europan herrialde berritzaile gisa duen ahala finkatu du, enpresa txiki eta ertainen ahaleginari esker
Topaketak lurraldeko eta sektoreko berrikuntzaren 30 eragile eta Euskadiko 70 enpresa txiki eta ertain baino gehiago bildu ditu; eragile eta enpresa horiek 2023an berrikuntza-proiektu bat garatu dute HAZINNOVAren bidez, SPRIk eta Innobasque, Berrikuntzaren Euskal Agentziak kudeatutako Eusko Jaurlaritzaren programaren bidez
Soldaduraren balio-kateari buruzko azokaren, UNIREren, bigarren edizioa egingo dute Ficoban
Sektore horrek Estatu osoan egiten duen kongresu bakarra martxoaren 18 eta 19an izango da